సినిమా యూనివర్శల్ రేంజ్లో ఉన్నప్పుడు, స్టార్ కాస్ట్ కూడా అదే స్థాయిలోనే ఉండాలి కదా.. మేం లోకల్ అనే మాట అక్కడ చెల్లుబాటు అవుతుందా.? చేయాలంటే చేయొచ్చేమో కానీ..
కాంప్రమైజ్ కావడం ఎందుకు చెప్పండి... ఇప్పుడు మన మేకర్స్ మనసుల్లో ఇలాంటి ఆలోచనలే మెదులుతున్నాయి. రాజమౌళి టు హను రాఘవపూడి అందరి మనస్సుల్లోనూ ఇలాంటిదే ఓ మాట మళ్లీ మళ్లీ మోగుతోంది.
నాటు నాటు అంటూ బాక్సాఫీస్ దగ్గర నాటు కొట్టుడు కొట్టి దండయాత్ర చేసిన సినిమా ట్రిపుల్ ఆర్. ఈ సినిమాలో రామ్చరణ్కి నాయికగా ఆలియా భట్ నటించారు. తారక్తో జోడీ కట్టిన ఆ లేడీ..
హాలీవుడ్ హీరోయిన్ ఒలీవియా మోరిస్. ట్రిపుల్ ఆర్ సంప్రదాయాన్నే మహేష్ మూవీకి కూడా కంటిన్యూ చేయాలని ఫిక్స్ అయ్యారు జక్కన్న. సూపర్స్టార్కి జోడీగా ఇండోనేషియన్ యాక్ట్రెస్ చెల్సియా ఇస్లాన్ని అప్రోచ్ అయ్యారనే టాక్ కొన్నాళ్లుగా వైరల్ అవుతూనే ఉంది.
దీని గురించి అధికారికంగా అనౌన్స్ మెంట్ రాకముందే.. ఇంకో ఇంట్రస్టింగ్ విషయం స్పీడందుకుంది తెలుగు ఫిల్మ్ ఇండస్ట్రీలో. ప్రభాస్ హీరోగా హను రాఘవపూడి దర్శకత్వంలో ఫౌజీ మూవీ తెరకెక్కుతోంది.
ఈ సినిమా కోసం పాకిస్తానీ నటి సజన్ అలీ పేరు పరిశీలనలో ఉందట. నిజంగానే ఆమెను యూనిట్ అప్రోచ్ అయిందా? లేదా? అనే విషయాలను పక్కనపెడితే సోషల్ మీడియాలో మాత్రం ఫుల్ ట్రెండ్లో ఉంది డార్లింగ్ అండ్ పాకిస్తానీ యాక్ట్రెస్ టాపిక్.