Thug Life: థగ్ లైఫ్, నాయకుడు సినిమాకు సీక్వెలేనా..? అలా సాధ్యమేనా?
36 ఏళ్ల తరువాత కమల్ హాసన్, మణిరత్నం కాంబినేషన్‌లో ఓ సినిమా తెరకెక్కుతోంది. ఆల్రెడీ ఈ సినిమాకు సంబంధించిన బజ్‌ సోషల్ మీడియను షేక్ చేస్తోంది. తాజాగా టైటిల్ ఎనౌన్స్ చేసిన మేకర్స్‌, సినిమా మీద అంచనాలను పీక్స్‌కు తీసుకెళ్లారు. అదే సమయంలో కొత్త డౌట్స్ కూడా రెయిజ్ చేశారు. లేటెస్ట్ టీజర్‌లో కమల్‌ను ఓ గ్యాంగ్‌స్టర్‌లా పరిచయం చేశారు. అదే సమయంలో కమల్ క్యారెక్టర్ పేరు రంగరాయ శక్తివేల్‌ నాయకర్ అని చూపించారు.
36 ఏళ్ల తరువాత కమల్ హాసన్, మణిరత్నం కాంబినేషన్‌లో ఓ సినిమా తెరకెక్కుతోంది. ఆల్రెడీ ఈ సినిమాకు సంబంధించిన బజ్‌ సోషల్ మీడియను షేక్ చేస్తోంది. తాజాగా టైటిల్ ఎనౌన్స్ చేసిన మేకర్స్‌, సినిమా మీద అంచనాలను పీక్స్‌కు తీసుకెళ్లారు. అదే సమయంలో కొత్త డౌట్స్ కూడా రెయిజ్ చేశారు. లేటెస్ట్ టీజర్‌లో కమల్‌ను ఓ గ్యాంగ్‌స్టర్‌లా పరిచయం చేశారు. అదే సమయంలో కమల్ క్యారెక్టర్ పేరు రంగరాయ శక్తివేల్‌ నాయకర్ అని చూపించారు.
నాయకుడు సినిమాలోనూ కమల్ క్యారెక్టర్ పేరు నాయకరే. గ్యాంగ్‌స్టర్‌గా ఎదగక ముందు వేలు అనే పేరుతో పిలుస్తుంటారు. మనవడిని పేరేంటి అని అడిగినప్పుడు శక్తివేల్‌ అని చెబుతాడు. అంటే ఆ సినిమాలో కమల్ హాసన్ పూర్తి పేరు శక్తివేల్‌ నాయకర్. ఇప్పుడు మణి దర్శకత్వంలో వస్తున్న నెక్ట్స్ మూవీలోనూ కమల్ పేరు అదే కావటంతో సీక్వలేనా అన్న డౌట్స్ రెయిజ్ అవుతున్నాయి.
అయితే సీక్వెల్ విషయంలో మరో విషయం ఆడియన్స్‌ను కన్‌ఫ్యూజ్ చేస్తోంది. నాయకుడు సినిమా క్లైమాక్స్‌ లో కమల్ హాసన్ క్యారెక్టర్ చనిపోతోంది. సో సీక్వెల్‌లో ఆ క్యారెక్టర్‌ను కంటిన్యూ చేసే ఛాన్స్ లేదు. ఇక మనవడి పాత్రను ఇప్పుడు థగ్‌గా చూపిస్తున్నారా టైమ్ పీరియడ్ ప్రకారం అది కూడా సాధ్యం కాదు. నాయకుడు సినిమా లేట్‌ 80స్‌లో జరిగిన కథగానే చూపించారు. అంటే ఆ టైమ్‌లో మనవడి పాత్ర అంటే కరెంట్‌ టైమ్ పీరియడ్‌లో మిడిల్ ఏజ్‌లో ఉన్నట్టుగానే చూపించాల్సి ఉంటుంది.
కానీ థగ్ లైఫ్ టీజర్‌లో హీరో క్యారెక్టర్ ఓల్డ్ లుక్‌లో కనిపిస్తోంది. సో మనవడు పెరిగి మరో కమల్ హాసన్ అయ్యాడు అనే ఛాన్స్ లేదు. దీంతో అప్పటి నాయకరే ఇంకా బతికి ఉన్నట్టుగా చూపిస్తారా..? అన్న అనుమానాలు కూడా మొదలయ్యాయి. టీజన్‌లో క్యారెక్టర్ పేరును ఒకటికి రెండు సార్లు నొక్కి మరీ చెప్పటంతో నాయకుడు సినిమాకు ఈ సినిమాకు కనెక్షన్ ఉండటం మాత్రం పక్కా అని ఫిక్స్ అయ్యారు ఆడియన్స్‌. కానీ లింకే ఏంటి అన్నదే ఇప్పుడు ఆసక్తికరంగా మారింది.
అయితే ప్రశ్నలకు సమాధానాలు రావాలంటే ప్రేక్షకులు ఇంకా చాలా కాలం వెయిట్ చేయాల్సి ఉంటుంది. ప్రజెంట్ ఇండియన్ 2 పోస్ట్ ప్రొడక్షన్ వర్క్‌తో పాటు కల్కి 2898 ఏడీ షూటింగ్‌లో బిజీగా ఉన్నారు కమల్ హాసన్. ఆ తరువాత హెచ వినోద్ దర్శకత్వంలో ఓ సినిమా చేయాల్సి ఉంది. ఆల్రెడీ లాంచనంగా ప్రారంభమైన ఈ సినిమా రెగ్యులర్‌ షూటింగ్ త్వరలోనే ప్రారంభం కానుంది. ఈ పనులన్నీ పూర్తయిన తరువాతే మణిరత్నం ప్రాజెక్ట్‌ను పట్టాలెక్కిస్తారు. అంటే ఈ సినిమా సెట్స్‌ మీదకు రావడానికి కనీసం మరో ఆరు నెలల సమయం పడుతుంది. సో.. థగ్ లైఫ్, నాయకుడు సీక్వెలా కాదా అన్న విషయంలో క్లారిటీ రావాలంటే మరో ఏడాది పాటు వెయిట్ చేయాల్సిందే.