Movie Climax: కంటెంట్ ఉన్న క్లైమాక్స్ చాలు.. బొమ్మ హిట్టు.. అదే దారిలో ఆ మూవీ..
ఏ సినిమాకైనా క్లైమాక్స్ కీలకం. అది బాగుంటే బొమ్మ బ్లాక్‌బస్టర్. అందుకే క్లైమాక్స్‌పైనే ఎక్కువగా ఫోకస్ పెడుతున్నారు మన దర్శకులు. మరీ ముఖ్యంగా చివరి 5 నిమిషాల్లోనే సినిమాపై ఉన్న ఒపీనియన్ కూడా మారిపోయేలా క్లైమాక్స్ రాసుకుంటున్నారు. తాజాగా మరో సినిమాకు ఇదే చేస్తున్నారని తెలుస్తుంది. మరింతకీ ఏంటా సినిమా..?
ఓ కథనే ఎలా మొదలుపెట్టాం అన్నది కాదు.. ఎలా ముగించాం అనే దాన్ని బట్టే దాని స్థాయి డిసైడ్ అవుతుంది. మన దర్శకులు కూడా దీనిపైనే ఫోకస్ చేస్తున్నారిప్పుడు. కావాలంటే మొన్న దివాళికి వచ్చిన క, లక్కీ భాస్కర్ సినిమాలనే తీసుకోండి. ఈ సినిమాలకు క్లైమాక్స్ ప్రాణం.
మరీ ముఖ్యంగా క సినిమాకు క్లైమాక్స్ ఆయువు పట్టు. రెండున్నర గంటల క సినిమాలో చివరి 2 నిమిషాల్లోనే ట్విస్ట్ రివీల్ చేసారు దర్శకలు ద్వయం సుజీత్, సందీప్. వాళ్ల రైటింగ్‌కు ఫిదా అవ్వని ఆడియన్స్ లేరేమో..?
ఆ క్లైమాక్స్ కారణంగానే సినిమా బ్లాక్‌బస్టర్ అయింది. మిగిలిన సినిమా అంతా ఎలా ఉన్నా.. చివరి 2 నిమిషాల వరకు కథను హోల్డ్ చేసారు దర్శకులు. ఇది కిరణ్ సబ్బవరం కెరీర్ బిగ్గెస్ట్ బ్లాక్ బస్టర్.
అలాగే లక్కీ భాస్కర్ క్లైమాక్స్ కూడా అంతే. చివరి 5 నిమిషాల్లో వెంకీ అట్లూరీ మ్యాజిక్ చేసారు.హీరో 100 కోట్లు ఇచ్చేయడంతో కథ ముగిస్తే లక్కీ భాస్కర్ మంచి సినిమా అయ్యుండేది.. కానీ అక్కడ్నుంచే వెంకీ స్క్రీన్ ప్లే మ్యాజిక్ మొదలైంది.
తాజాగా గేమ్ ఛేంజర్ క్లైమాక్స్‌నూ అలాగే డిజైన్ చేస్తున్నారు శంకర్. బేసిక్‌గానే అపరిచితుడు, రోబో, 2.0 లాంటి సినిమాల్లో క్లైమాక్స్ అదిరిపోతుంది. గేమ్ ఛేంజర్ వీటికి మించి ఉంటుందని తెలుస్తుంది. అదెలా ఉండబోతుందో తెలియాలంటే జనవరి 10 వరకు ఆగాల్సిందే.