ఈ వారం రీ రిలీజ్ కానున్న 4 పాత సినిమాలు.. అవేంటో తెలుసా ??
కొత్త సినిమాలు లేనప్పుడు ఎవరు మాత్రం ఏం చేస్తారు చెప్పండి..? థియేటర్స్‌ను అయితే అలాగే ఖాళీగా వదిలేయలేరు కదా.. అందుకే పాత సినిమాలనే మళ్లీ మళ్లీ విడుదల చేస్తున్నారు. ఈ వారం కూడా ఇదే జరగబోతుంది. ఒకటి రెండూ కాదు.. ఏకంగా 4 పాత సినిమాలను రీ రిలీజ్ చేస్తున్నారు. మరి అవేంటి..? వాటితో థియేటర్స్ నిండుతాయా..? రీ రిలీజ్ సినిమాలకు మళ్లీ పునర్వైభవం వచ్చేలా కనిపిస్తుందిప్పుడు.
కొత్త సినిమాలు లేనప్పుడు ఎవరు మాత్రం ఏం చేస్తారు చెప్పండి..? థియేటర్స్‌ను అయితే అలాగే ఖాళీగా వదిలేయలేరు కదా.. అందుకే పాత సినిమాలనే మళ్లీ మళ్లీ విడుదల చేస్తున్నారు. ఈ వారం కూడా ఇదే జరగబోతుంది. ఒకటి రెండూ కాదు.. ఏకంగా 4 పాత సినిమాలను రీ రిలీజ్ చేస్తున్నారు. మరి అవేంటి..? వాటితో థియేటర్స్ నిండుతాయా..?
రీ రిలీజ్ సినిమాలకు మళ్లీ పునర్వైభవం వచ్చేలా కనిపిస్తుందిప్పుడు. మొన్న గబ్బర్ సింగ్ మంచి వసూళ్లు తీసుకొచ్చింది. దాంతో నెక్ట్స్ వీకెండ్ అంతా రీ రిలీజ్‌లతోనే సరిపెడుతున్నారు మేకర్స్. ఈ క్రమంలోనే సెప్టెంబర్ 20న రజినీకాంత్ శివాజీ రీ రిలీజ్ కానుంది. ఇక మురుగదాస్ నిర్మించిన జర్నీ సినిమాను మరోసారి తీసుకొస్తున్నారు.
ఎందుకో తెలియదు కానీ సెప్టెంబర్ 20న కొత్త సినిమాల్ని రిలీజ్ చేయట్లేదు మేకర్స్. సుహాస్ గొర్రె పురాణం మాత్రమే ఈ వారం వస్తుంది. అది కూడా ఎప్పుడో రిలీజ్ కావాల్సిన సినిమా.. ఇన్నాళ్లకు డేట్ కుదిరింది. అందుకే రీ రిలీజ్‌లతోనే ఈ వారం థియేటర్స్ నింపాల్సిన పరిస్థితి.
సెప్టెంబర్ 21న సిద్ధార్థ్ బొమ్మరిల్లు రీ రిలీజ్ కానుంది. సిద్ధార్థ్, అదితి పెళ్లి నేపథ్యంలో ఈ హీరో ట్రెండింగ్‌లో ఉన్నారిప్పుడు. అది బొమ్మరిల్లు రీ రిలీజ్‌కు ఏమైనా హెల్ప్ అవుతుందేమో చూడాలి.
మరోవైపు సెప్టెంబర్ 21నే రవితేజ వెంకీ సినిమా మళ్లీ విడుదల కానుంది. నిజానికి 2023 డిసెంబర్ 31న వెంకీ రీ రిలీజ్ అయి.. మంచి వసూళ్లు సాధించింది. దాన్ని మరోసారి రిలీజ్ చేస్తున్నారిప్పుడు.