వీరమల్లుతో బిజీ అయిన పవన్.. గేమ్ ఛేంజర్ నుంచి చిన్న బ్రేక్ తీసుకున్న చరణ్
కొన్ని నెలలుగా సినిమాలకు దూరంగా ఉన్న పవన్ కళ్యాణ్ గతవారం నుంచి వీరమల్లుతో బిజీ అయ్యారు.. ప్రభాస్ ఎప్పట్లాగే ఫుల్ బిజీగా ఉన్నారు.. రామ్ చరణ్ మళ్లీ గేమ్ ఛేంజర్ నుంచి చిన్న బ్రేక్ తీసుకున్నారు.. రాజమౌళి సినిమా వర్క్ త్వరలోనే మొదలు కానుంది.. ఇలా ముక్కలు ముక్కలుగా కాకుండా ఫుల్ షూటింగ్ అప్‌డేట్స్ ఒకేసారి చూసొద్దాం పదండి..
మంచి ముహూర్తం చూసుకుని మొదలుపెట్టేస్తాం అనే మాటను నిజం చేసి చూపించడానికి రెడీ అవుతున్నారు గ్లోబల్‌స్టార్‌ పరివార్‌. ఈ సారి కొబ్బరికాయను ఉత్తరాదిన కొట్టేయడానికి సర్వం సిద్ధం చేసుకుంటున్నారు.
మొన్నటి వరకు డబుల్ డ్యూటీ చేసిన ప్రభాస్.. ఇప్పుడు మళ్లీ సింగిల్ సినిమాపైకి వచ్చేసారు. ఈయన నటిస్తున్న రాజా సాబ్ షూటింగ్ అజీజ్ నగర్‌లో జరుగుతుంది. ముచ్చింతల్‌లోని హలో నేటివ్‌ స్టూడియోలో మైత్రీ మూవీ మేకర్స్, పీపుల్‌ మీడియా ఫ్యాక్టరీ సంయుక్తంగా నిర్మిస్తున్న గోపీచంద్‌ మలినేని సినిమా షూటింగ్ జరుగుతోంది. సన్నీడియోల్‌ కీ రోల్‌ చేస్తున్న ఈ సినిమాకు సంబంధించి ఫైట్‌ సీన్స్ తెరకెక్కిస్తున్నారు.
చిరు విశ్వంభర షూటింగ్ కొన్ని వారాలుగా అన్నపూర్ణ 7 ఎకర్స్‌లోనే జరుగుతుంది. అక్కడే కీలకమైన సన్నివేశాలు చిత్రీకరిస్తున్నారు దర్శకుడు వశిష్ట. పవన్ కళ్యాణ్ హరిహర వీరమల్లు షూట్ విజయవాడ పరిసర ప్రాంతాల్లోనే ప్రత్యేకమైన సెట్స్‌లో జరుగుతుంది.
ఈ నెల 14న విడుదల కానున్న మట్కా సినిమాకి హైప్‌ క్రియేట్‌ చేసుకోవడానికి వాయిస్‌ పెంచారని మరికొందరు.. రకరకాల వాదనలు వినిపిస్తున్నాయి.
నాగార్జున, ధనుష్ కాంబినేషన్‌లో వస్తున్న కుబేరా షూటింగ్ నాలుగు వారాలుగా సికింద్రాబాద్‌లోనే జరుగుతుంది. నాని హీరోగా శైలేష్ కొలను తెరకెక్కిస్తున్న హిట్ 3 షూటింగ్ వైజాగ్‌లో జరుగుతుంది. రజినీకాంత్ కూలీ షూట్ కూడా వైజాగ్‌లోనే జరుగుతుండగా.. సిద్ధూ జొన్నలగడ్డ జాక్ సినిమా షూటింగ్ నేపాల్‌లో జరుగుతుంది.