Mokshagna Teja: వారసుడొచ్చాడు.! దాదాపు 20 ఏళ్ళ తర్వాత ఆ కుటుంబం నుంచి మరో హీరో.
వారసుడొచ్చాడు.. నందమూరి వారసుడొచ్చాడు.. దాదాపు 20 ఏళ్ళ తర్వాత నందమూరి కుటుంబం నుంచి మరో వారసుడొస్తున్నాడు. అది కూడా బాలయ్య తనయుడు అనేసరికి ఆ అంచనాలు మామూలుగా ఉండవు. మరి మోక్షు ఎంట్రీ ఎలా ఉండబోతుంది.? మొదటి సినిమాను ఎలా డిజైన్ చేస్తున్నారు.? తాత అడుగు జాడల్లోనే మనవడు కూడా నడుస్తున్నాడా..? నందమూరి వారసుడు మోక్షజ్ఞ ఎంట్రీ కోసం చాలా ఏళ్లుగా వేచి చూస్తున్నారు ఫ్యాన్స్.
వారసుడొచ్చాడు.. నందమూరి వారసుడొచ్చాడు.. దాదాపు 20 ఏళ్ళ తర్వాత నందమూరి కుటుంబం నుంచి మరో వారసుడొస్తున్నాడు.. అది కూడా బాలయ్య తనయుడు అనేసరికి ఆ అంచనాలు మామూలుగా ఉండవు. మరి మోక్షు ఎంట్రీ ఎలా ఉండబోతుంది..? మొదటి సినిమాను ఎలా డిజైన్ చేస్తున్నారు..?
తాత అడుగు జాడల్లోనే మనవడు కూడా నడుస్తున్నాడా..? నందమూరి వారసుడు మోక్షజ్ఞ ఎంట్రీ కోసం చాలా ఏళ్లుగా వేచి చూస్తున్నారు ఫ్యాన్స్. ఇన్నాళ్లకు వాళ్ల కల నెరవేరింది. సెప్టెంబర్ 6 మోక్షు పుట్టిన రోజు కానుకగా ఆయన మొదటి సినిమాను అనౌన్స్ చేసారు.
హనుమాన్ ఫేమ్ ప్రశాంత్ వర్మ తెరకెక్కిస్తున్న ఈ సినిమా సోషియా ఫాంటసీగా రాబోతుంది. భారత ఇతిహాసాల నేపథ్యంలో ప్రశాంత్ వర్మ ఈ కథ రాసుకున్నారు. హనుమాన్‌తో ప్రశాంత్ వర్మ ఇమేజ్ ఒక్కసారిగా పెరిగిపోయింది. అందులో అంజనీ పుత్రుడి శక్తులను కథలో ఆయన వాడుకున్న తీరు అద్భుతం.
అందుకే తనయుడి బాధ్యతను ప్రశాంత్ వర్మకు అప్పగించారు బాలకృష్ణ. పైగా నందమూరి కుటుంబానికి పౌరాణికాలు కొత్తేం కాదు.. నాటి ఎన్టీఆర్ నుంచి నేటి ఎన్టీఆర్ వరకు అంతా ఈ పౌరాణికాల్లో ఆరితేరినవాళ్లే.
ఈ తరం వారసులంతా కమర్షియల్ సినిమాలతో ఇండస్ట్రీకి వస్తుంటే.. మోక్షజ్ఞ మాత్రం తాత అడుగుజాడల్లో నడుస్తున్నారు. సీనియర్ ఎన్టీఆర్ మాదిరే ఇతిహాస కథతోనే వస్తున్నారు. బాలయ్య సైతం శ్రీ కృష్ణార్జున యుద్దంతో పాటు పాండురంగడు, శ్రీ రామరాజ్యం లాంటి సినిమాల్లో దేవుడి పాత్రలు చేసారు.
జూనియర్ ఎన్టీఆర్ సైతం బాలరామాయణంతోనే ఇండస్ట్రీకి వచ్చారు. పుట్టిన రోజు సందర్భంగా నందమూరి మోక్షజ్ఞ లుక్ మాత్రమే విడుదల చేసారిప్పుడు. అక్టోబర్‌లో ఘనంగా ఓపెనింగ్ చేసి.. దసరా నుంచి షూటింగ్ మొదలు పెట్టబోతున్నారు.
అన్నీ కుదిర్తే.. 2025 జనవరి 10, బాలయ్య పుట్టిన రోజు సందర్భంగా మోక్షు మొదటి సినిమాను రిలీజ్ చేయాలని చూస్తున్నారు. మొత్తానికి 2003లో కళ్యాణ్ రామ్ తర్వాత నందమూరి కుటుంబం నుంచి వస్తున్న వారసుడు మోక్షజ్ఞే.