ఒక్క అప్డేట్ ప్లీజ్.. ఒకేఒక్క అప్డేట్ ప్లీజ్ అంటున్నారు రామ్ చరణ్ అభిమానులు. గేమ్ ఛేంజర్ టీం మాత్రం ఇప్పటి వరకు కరెక్టుగా స్పందించింది కూడా లేదు.
ఏదో అప్పుడప్పుడూ తమన్ ఒక్కడే నేనున్నానంటూ కాస్త రియాక్ట్ అవుతున్నారు. వినాయక చవితికి అప్డేట్ మళ్లీ ఊరించారీయన. మరి గేమ్ ఛేంజర్ నుంచి ఏం రాబోతుంది..? ఆ సర్ప్రైజ్ ఏంటి..?
గేమ్ ఛేంజర్ సినిమాకు ముహూర్తం పెట్టి దాదాపు మూడేళ్ళవుతుంది. నమ్మడానికి చిత్రంగా అనిపించినా ఇదే నిజం. షూటింగ్ మొదలై రెండేళ్లవుతుంది. ఇన్నేళ్లలో ఓ మోషన్ పోస్టర్.. ఓ పాట మినహాయిస్తే గేమ్ ఛేంజర్ టీం నుంచి వచ్చిన అప్డేట్స్ ఏం లేవు.
అందుకే అప్డేట్స్ కోసం అల్లాడిపోతున్నారు అభిమానులు. తాజాగా తమన్ ట్వీట్తో వాళ్లలో కొత్త ఆశలు చిగురించాయి. హ్యాపీ వినాయకచవితి అంటూ విష్ చేస్తూనే.. గేమ్ ఛేంజర్ అప్డేట్ ఉందంటూ కన్ఫర్మ్ చేసారు తమన్.
అదేంటనేది మాత్రం చెప్పలేదు. తమన్ తీరు చూస్తుంటే పాటను రిలీజ్ చేస్తారేమో అనే ఆసక్తి మొదలైంది ఫ్యాన్స్లో. మరోవైపు శంకర్ నుంచి కానీ.. దిల్ రాజు ప్రొడక్షన్ నుంచి గానీ గేమ్ ఛేంజర్ అప్డేట్పై క్లారిటీ రావట్లేదు.
డిసెంబర్ 20న గేమ్ ఛేంజర్ రిలీజ్ ప్లాన్ చేస్తున్నారు. ఈ వినాయక చవితికి రాబోయే సర్ప్రైజ్ ఇది కూడా అయ్యుండొచ్చు. ఒకవేళ డిసెంబర్ 20కి గేమ్ ఛేంజర్ వస్తే మాత్రం.. ముఫాసా: ది లయన్ కింగ్ నుంచి పోటీ తప్పదు.
ఇండియాలో కాకపోయినా.. ఓవర్సీస్ కలెక్షన్స్పై దెబ్బ పడుతుంది. మరి చూడాలిక.. రిలీజ్ డేట్ విషయంలో దిల్ రాజు టీం ఎలాంటి నిర్ణయం తీసుకుంటారో..?