Kota Bommali PS: కోట బొమ్మాళీ పీఎస్.. మళ్లీ చిన్న సినిమాకే పట్టం కడుతున్న ప్రేక్షకులు..
ఈ రోజుల్లో సినిమా బాగుంటే చాలు.. అందులో హీరో ఎవరు, హీరోయిన్ ఎవరని పట్టించుకోవడం లేదు ప్రేక్షకులు. అందుకే ఈ మధ్య కాలంలో పెద్ద సినిమాల కంటే చిన్న సినిమాలు ఎక్కువగా బాక్సాఫీస్ దగ్గర మ్యాజిక్ చేస్తున్నాయి. ఈ సంవత్సరం మరీ ముఖ్యంగా చెప్పాలంటే చిన్న సినిమాలకు గోల్డెన్ ఇయర్ అనొచ్చు. ఎందుకంటే ఎలాంటి అంచనాలు లేకుండా వచ్చిన చాలా సినిమాలు బాక్సాఫీస్ దగ్గర మ్యాజిక్ చేశాయి. ఇప్పుడు కూడా ఇదే కంటిన్యూ అవుతుంది. ఈ వారం ఆదికేశవ లాంటి క్రేజీ సినిమా విడుదలైనా కూడా ప్రేక్షకుల ఓటు మాత్రం కోటబొమ్మాలి సినిమా వైపు వెళుతుంది. వైష్ణవ్ తేజ్ హీరోగా వచ్చిన ఆదికేశవ పరమ రోటీన్ సినిమా అంటూ తేల్చి పడేశారు ప్రేక్షకులు.
ఈ రోజుల్లో సినిమా బాగుంటే చాలు.. అందులో హీరో ఎవరు, హీరోయిన్ ఎవరని పట్టించుకోవడం లేదు ప్రేక్షకులు. అందుకే ఈ మధ్య కాలంలో పెద్ద సినిమాల కంటే చిన్న సినిమాలు ఎక్కువగా బాక్సాఫీస్ దగ్గర మ్యాజిక్ చేస్తున్నాయి. ఈ సంవత్సరం మరీ ముఖ్యంగా చెప్పాలంటే చిన్న సినిమాలకు గోల్డెన్ ఇయర్ అనొచ్చు. ఎందుకంటే ఎలాంటి అంచనాలు లేకుండా వచ్చిన చాలా సినిమాలు బాక్సాఫీస్ దగ్గర మ్యాజిక్ చేశాయి. ఇప్పుడు కూడా ఇదే కంటిన్యూ అవుతుంది.
ఈ వారం ఆదికేశవ లాంటి క్రేజీ సినిమా విడుదలైనా కూడా ప్రేక్షకుల ఓటు మాత్రం కోటబొమ్మాలి సినిమా వైపు వెళుతుంది. వైష్ణవ్ తేజ్ హీరోగా వచ్చిన ఆదికేశవ పరమ రోటీన్ సినిమా అంటూ తేల్చి పడేశారు ప్రేక్షకులు. దాంతో దానికి పోటీగా విడుదలైన కోట బొమ్మలి వైపు ఆడియన్స్ చూపు మల్లుతుంది. మలయాళంలో సూపర్ హిట్ అయిన నాయట్టు సినిమాకు ఇది రీమేక్. శ్రీకాంత్, రాహుల్ విజయ్, శివాని రాజశేఖర్ ఇందులో కీలక పాత్రల్లో నటించారు.
సీనియర్ హీరో శ్రీకాంత్ నటన సినిమాకు హైలైట్ గా నిలిచింది అంటున్నారు. చాలా రోజుల తర్వాత ఆయన నుంచి చెప్పుకోదగిన సినిమా వచ్చింది అంటున్నారు ఆయనను అభిమానించే వాళ్ళు.
మరొకవైపు రాహుల్ విజయ్, శివాని రాజశేఖర్ క్యారెక్టర్స్ కూడా అంతే బలంగా ఉండడం.. నేటి రాజకీయ పరిస్థితులకు అద్దం పట్టేలా కథ ఉండడంతో బాగా కనెక్ట్ అవుతున్నారు ప్రేక్షకులు. నాయట్టు రీమేక్ గా వచ్చినా కూడా చాలా వరకు తెలుగు ప్రేక్షకుల అభిరుచికి తగ్గట్టు చాలా మార్పులు చేసి ప్రేక్షకుల ముందుకు తీసుకొచ్చాడు తేజ. ఆయన కష్టానికి ప్రతిఫలం దక్కింది.
మార్నింగ్ షోస్ నెమ్మదిగా ఉన్నా.. ఫస్ట్ షో, సెకండ్ షో సమయానికి పుంజుకుంది కోట బొమ్మాలీ. సినిమాలో థ్రిల్లింగ్ ఎలిమెంట్స్ చాలా ఉన్నాయి. అలాగే ఎమోషనల్ సీన్స్ కూడా బాగా వర్కౌట్ అయ్యాయి. అందుకే ఉదయం, మధ్యాహ్నంతో పోలిస్తే చాలా థియేటర్స్ లో ఆక్యుపెన్సీ బాగా పెరిగింది. మౌత్ టాక్ కూడా జనాల్లోకి బాగా వెళ్లిపోయింది. శనివారం, ఆదివారం నాటికి సినిమా మరింత ప్రేక్షకుల్లోకి వెళ్తుందని నమ్మకంగా ఉన్నారు దర్శక నిర్మాతలు.