Tollywood : కెరీర్ పీక్స్లో ఉన్నప్పుడు యాక్సిడెంట్.. కట్ చేస్తే.. టాలీవుడ్లో క్రేజీ హీరోయిన్..
అందం, అభినయంతో తెలుగు చిత్రపరిశ్రమలో ఓ రేంజ్ ఫాలోయింగ్ సొంతం చేసుకుంది. చేసింది తక్కువ సినిమాలే అయినా ఈ ముద్దుగుమ్మకు కుర్రకారులో క్రేజ్ ఎక్కువగానే ఉంది. కానీ టాలెంట్ ఎంత ఉన్న అదృష్టం మాత్రం కలిసిరావడం లేదు. యాక్సిడెంట్ కారణంగా కెరీర్ పీక్స్ లో ఉన్నప్పుడే సినిమాలకు దూరమయ్యింది. ఎవరో తెలుసా..?
హీరోయిన్ నభా నటేష్.. 2018లో నన్ను దోచుకుందువటే సినిమాతో తెలుగు తెరకు పరిచయమయ్యింది. ఆ తర్వాత 2019లో డైరెక్టర్ పూరి జగన్నాథ్ తెరకెక్కించిన ఇస్మార్ట్ శంకర్ సినిమాతో బ్లాక్ బస్టర్ హిట్ ఖాతాలో వేసుకుంది.
ఈ సినిమాతో టాలీవుడ్ ఇండస్ట్రీలో నభా నటేష్ పేరు మారుమోగింది. దీంతో ఈ అమ్మడుకు వరుస ఆఫర్స్ వస్తాయనుకున్నారు అంతా. కానీ అనుహ్యంగా సినిమాలకు బ్రేక్ తీసుకుంది.
కొన్నాళ్లపాటు ఇండస్ట్రీకి దూరంగా ఉన్న ఈ బ్యూటీ.. ఇప్పుడిప్పుడే వరుస ఆఫర్స్ అందుకుంటుంది. ఇస్మార్ట్ శంకర్ తర్వాత డిస్కో రాజా, సోలో బ్రతుకే సో బెటర్ చిత్రాల్లో నటించింది.
2021లో ఈ అమ్మడుకు యాక్సిడెంట్ జరిగిందట. దీంతో కొన్ని రోజులు ఇండస్ట్రీకి దూరంగా ఉండిపోయింది. ప్రస్తుతం చేతినిండా సినిమాలతో బిజీగా ఉంది ఈ ముద్దుగుమ్మ.
ఇటీవలే డార్లింగ్ సినిమాతో ప్రేక్షకులను అలరించింది. ప్రస్తుతం యంగ్ హీరో నిఖిల్ సరసన స్వయంభు మూవీలో నటిస్తుంది. సోషల్ మీడియాలో ఈ అమ్మడు చాలా యాక్టివ్. నిత్యం ఏదోక పోస్ట్ చేస్తూ సందడి చేస్తుంది.