Pushpa 2 The Rule: అనౌన్స్‌మెంట్ నుంచి ప్రొమోషన్స్.. పుష్ప 2 జర్నీ ఇలా..
ఐకాన్ స్టార్ అల్లు అర్జున్ హీరోగా నటించిన పుష్ప 1 ది రైజ్ సినిమా బ్లాక్ బస్టర్ అయింది. ఇప్పుడు దీనికి కొనసాగింపుగా పుష్ప2 ది రూల్ సినిమా మరికొన్ని రోజుల్లో ప్రేక్షకుల ముందుకు రానుంది. అయితే పుష్ప 2 అనౌన్స్‌మెంట్ ఎప్పుడు అయింది.? టీజర్ వచ్చింది ఎప్పుడు.? ఇలా ప్రొమోషన్స్ వరకు పుష్ప జర్నీ చూద్దామా.? మరి ఇది చదివేయండి..
అల్లు అర్జున్ హీరోగా రష్మిక మందన్న కథానాయకిగా కనిపించనున్న పాన్ ఇండియా రేంజ్ మాస్ యాక్షన్ పుష్ప 2 ది రూల్ సినిమా అనౌన్స్‌మెంట్ బన్నీ 41వ పుట్టినరోజు సందర్భంగా 8 ఏప్రిల్ 2023న గ్లింప్స్ వీడియోతో పాటు ఫస్ట్-లుక్ పోస్టర్ విడుదల చేయబడింది. సరిగ్గా సంవత్సరానికి అల్లు అర్జున్ 42వ పుట్టినరోజు సందర్భంగా 8 ఏప్రిల్ 2024న టీజర్ విడుదల చేసింది పుష్ప మూవీ టీం.
ఈ చిత్రం వాస్తవానికి స్వాతంత్ర్య దినోత్సవం సందర్భంగా 15 ఆగస్టు 2024న విడుదలవుతుందని ప్రకటించారు. అయితే షూటింగ్ బ్యాలన్స్, నిర్మాణానంతర పనుల కారణంగా ఇది డిసెంబర్ 6, 2024కి వాయిదా పడింది. ఇది ప్రస్తుత 5 డిసెంబర్ 2024కి ఒక రోజు ముందుగా ప్రీపోన్ చేయబడింది.
ఈ చిత్రం థియేట్రికల్ మరియు నాన్-థియేట్రికల్ బిజినెస్ కలిపి ₹1065 కోట్లతో భారతదేశంలో అత్యధిక ప్రీ-రిలీజ్ బిజినెస్‌గా రికార్డ్ సృష్టించింది. విడుదలకు ముందే, ఈ చిత్రం థియేట్రికల్ హక్కుల నుండి దాదాపు ₹640 కోట్ల (US$77 మిలియన్లు) వ్యాపారం చేసింది.
ఆంధ్ర ప్రదేశ్ మరియు తెలంగాణ పంపిణీ హక్కులు ₹220 కోట్లకు (US$26 మిలియన్లు) విక్రయించబడ్డాయి. హిందీ డబ్బింగ్ పంపిణీ హక్కులు ₹200 కోట్లకు (US$24 మిలియన్లు) విక్రయించబడ్డాయి. ఈ చిత్రం తమిళనాడు, కర్ణాటక మరియు కేరళ థియేటర్లలో పంపిణీ చేయడం ద్వారా ₹100 కోట్ల (US$12 మిలియన్లు) మొత్తం డీల్ చేసింది.
ఓవర్సీస్ పంపిణీ హక్కులు ₹120 కోట్లకు (US$14 మిలియన్లు) విక్రయించబడ్డాయి. డిజిటల్, శాటిలైట్ మరియు సంగీత హక్కులతో సహా నాన్-థియేట్రికల్ హక్కుల ద్వారా ₹425 కోట్లు (US$51 మిలియన్లు) సంపాదించింది పుష్ప 2 ది రూల్ మూవీ. ఇప్పటీకే ప్రొమోషన్స్ స్టార్ చేసింది మూవీ టీం.