కత్తి పట్టి మెప్పిస్తున్న హీరోయిన్స్.. మేము తగ్గేదేలే అంటున్న ముద్దుగుమ్మలు
నేను గాయాలు తగిలించుకోకుండా సినిమాలు ఎప్పుడు చేస్తానో అంటూ లేటెస్ట్ మూవీలో యాక్షన్‌ సీక్వెన్స్ గురించి అందంగా హింట్‌ ఇచ్చారు నటి సమంత రూత్‌ప్రభు. ఆమెతో పాటు మరికొందరు మన సినిమాల్లో యాక్షన్‌ చేయడానికి సిద్ధమవుతున్నారు. ఓజీలాంటి క్రేజ్‌ ఉన్న సినిమా గురించి ఎవరేం చెప్పినా ఇన్‌స్టంట్‌గా వైరల్‌ అవుతుంది. లేటెస్ట్ గా ఈ సినిమా కోసమే కళరి నేర్చుకుంటున్నారు శ్రియా రెడ్డి.
నేను గాయాలు తగిలించుకోకుండా సినిమాలు ఎప్పుడు చేస్తానో అంటూ లేటెస్ట్ మూవీలో యాక్షన్‌ సీక్వెన్స్ గురించి అందంగా హింట్‌ ఇచ్చారు నటి సమంత రూత్‌ప్రభు. ఆమెతో పాటు మరికొందరు మన సినిమాల్లో యాక్షన్‌ చేయడానికి సిద్ధమవుతున్నారు.
ఓజీలాంటి క్రేజ్‌ ఉన్న సినిమా గురించి ఎవరేం చెప్పినా ఇన్‌స్టంట్‌గా వైరల్‌ అవుతుంది. లేటెస్ట్ గా ఈ సినిమా కోసమే కళరి నేర్చుకుంటున్నారు శ్రియా రెడ్డి. అటు స్వయంభు కోసం కత్తి పట్టుకుని కనిపిస్తున్నారు సంయుక్త మీనన్‌. ఆల్రెడీ గుర్రపు స్వారీ కూడా నేర్చుకుంటున్నారు సంయుక్త. కాజల్‌ అయితే ఇండియన్‌2 సమయంలోనే మార్షల్‌ ఆర్ట్స్ లో ట్రైనింగ్‌ తీసుకున్నారు. మగధీర సమయంలోనూ ఇలాంటి ట్రైనింగే తీసుకున్నారు కాజల్‌.
ఇటు శ్రుతిహాసన్‌ కూడా డెకాయిట్‌ లో డిష్యుమ్‌ డిష్యుమ్‌ అంటున్నారు. మాజీ ప్రేమికులిద్దరూ చేతుల్లో వెపన్స్ తో కనిపించే టీజర్‌ సినిమా మీద అంచనాలు పెంచేస్తోంది. ఆల్రెడీ క్రాక్‌లోనూ బిగ్‌ ఫైట్‌ చేశారు శ్రుతిహాసన్‌. వాల్తేరు వీరయ్యలోనూ ఆమె వెపన్స్ ని డీల్‌ చేశారు.
ఫైట్స్ చేయడంలో ఇప్పుడిప్పుడే ట్రైనింగ్‌ తీసుకుంటున్నవారికి ఇన్‌స్పిరేషన్‌గా ఉన్నారు నయనతార. ఆల్రెడీ ఆమె ఫ్యామిలీమేన్‌2లో యాక్షన్‌ సీక్వెన్స్ ఇరగదీశారు సమంత. గర్భవతిగా కనిపిస్తూనే యశోదలో యాక్షన్‌ సీక్వెన్స్ చేశారు. త్వరలో రిలీజ్‌కి రెడీ అవుతున్న సిటాడెల్‌లోనూ సామ్‌ యాక్షన్‌ని చూడొచ్చు.
శ్వాగ్‌లో రీతు వర్మ, హరిహరవీరమల్లులో నిధి అగర్వాల్‌ కూడా కత్తి తిప్పారు. త్రిష ఓటీటీలో డెబ్యూ ఇచ్చిన సీరీస్‌ బృంద. చెడు మీద మంచి చేసే యుద్ధంగా మెప్పించింది బృంద. ఇందులో ఖాకీ డ్రస్‌లో పక్కా యాక్షన్‌ రోల్‌ చేశారు త్రిష. ఇంతకుముందు కొన్ని సినిమాల్లో యాక్షన్‌ సీక్వెన్స్ చేసినప్పటికీ ఈ సీరీస్‌ మాత్రం నెక్స్ట్ రేంజ్‌ యాక్షన్‌ చేయడానికి హెల్ప్ చేసిందన్నారు త్రిష.