Nani: పాన్ ఇండియా కోసం నాని మాస్టర్ ప్లాన్..
నిదానమే ప్రధానం.. దేనికైనా ఓపిక ఉండాలంటారు పెద్దోళ్లు. నానిని చూస్తుంటే ఇదే అనిపిస్తుందిప్పుడు. పాన్ ఇండియా అంటూ హడావిడి అస్సలు పడట్లేదు.. అలాగని ప్రపంచం ఫాలో అవుతున్న పాన్ ఇండియన్ మార్కెట్ వద్దనడం లేదు. దానికోసం సపరేట్గా ఓ ప్లాన్ ఫాలో అవుతున్నారు. దాన్నే నెక్ట్స్ సినిమాలకు అప్లై చేస్తున్నారు. ఇంతకీ ఏంటది..?
కరోనాకు ముందు ప్యాన్ ఇండియన్ మార్కెట్ ఆప్షన్ మాత్రమే.. కానీ ఇప్పుడది అవసరం.. రేపటికి అత్యవసరంగా మారిపోతుందేమో..? అందుకే హీరోలంతా అటే పరుగులు తీస్తున్నారు. నాని కూడా దీనికి మినహాయింపేమీ కాదు.
ఈయన కూడా ఆ మార్కెట్ దృష్టిలో పెట్టుకునే సినిమాలు చేస్తున్నారు.. కాకపోతే దానికోసం ప్రత్యేకంగా ఒక రూట్ ఫాలో అవుతున్నారు న్యాచురల్ స్టార్.ప్రభాస్, యశ్, బన్నీ మాదిరి అందరూ రాత్రికి రాత్రే ప్యాన్ ఇండియన్ హీరోలైపోరు.
దానికి చాలా ఓపిక కావాలి.. నాని అదే చేస్తున్నారిప్పుడు.. నెమ్మదిగా ఒక్కో పావు కదుపుతున్నారు. శ్యామ్ సింగరాయ్తో తొలిసారి దానికోసం ట్రై చేసారు.. ఆ తర్వాత దసరా, హాయ్ నాన్న, సరిపోదా శనివారంకు ఇదే ఫార్ములా అప్లై చేసారు.
మొన్న హిట్ 3 సైతం అన్నిచోట్లా విడుదలైంది. నానికి హిందీలో మార్కెట్ లేకపోవచ్చు గానీ గుర్తింపు ఉంది.. ప్యారడైజ్ సినిమాతో అది మార్కెట్గా మారుతుందని నమ్ముతున్నారు నాని.
నెక్ట్స్ సుజీత్ ఉన్నారు.. OG తర్వాత ఈయన చేయబోయే ప్రాజెక్ట్ కావడంతో నాని 32పై అంచనాలు భారీగానే ఉన్నాయి. ఇలా ప్యాన్ ఇండియా కోసం ఒక్కో ఇటుక పేరుస్తున్నారు న్యాచురల్ స్టార్.. ఏదో ఒకరోజు అదే ఇల్లు అవుతుందని నాని అంచనా.