RRR: ఆర్‌ఆర్‌ఆర్‌ టీమ్‌కు సెంథిల్‌ గ్రాండ్ పార్టీ.. స్పెషల్ అట్రాక్షన్‌గా మంచు మనోజ్‌- మౌనిక.. ఫొటోలివిగో
ప్రతిష్ఠాత్మక ఆస్కార్‌ అవార్డు సాధించిన ఆర్‌ఆర్‌ఆర్‌ చిత్ర బృందానికి ప్రముఖ సినిమాటోగ్రాఫర్‌ సెంథిల్‌ కుమార్‌ గ్రాండ్ పార్టీ ఇచ్చారు. ఆదివారం రాత్రి హైదరాబాద్‌లోని సెంథిల్‌ నివాసంలో జరిగిన ఈ పార్టీలో ఆర్‌ఆర్‌ఆర్‌ టీంతో పాటు పలువురు టాలీవుడ్‌ ప్రముఖులు పాల్గొన్నారు.
ప్రతిష్ఠాత్మక ఆస్కార్‌ అవార్డు సాధించిన ఆర్‌ఆర్‌ఆర్‌ చిత్ర బృందానికి ప్రముఖ సినిమాటోగ్రాఫర్‌ సెంథిల్‌ కుమార్‌ గ్రాండ్ పార్టీ ఇచ్చారు.
ఆదివారం రాత్రి హైదరాబాద్‌లోని సెంథిల్‌ నివాసంలో జరిగిన ఈ పార్టీలో ఆర్‌ఆర్‌ఆర్‌ టీంతో పాటు పలువురు టాలీవుడ్‌ ప్రముఖులు పాల్గొన్నారు.
మెగా పవర్‌ స్టార్‌ రామ్‌చరణ్‌, దర్శకధీరుడు రాజమౌళి, ఆయన సతీమణి రమ, సంగీత దర్శకుడు కీరవాణి తదితరులు ఈ వేడుకలో సందడి చేశారు.
అడివి శేష్, మంచు లక్ష్మి, మంచు మనోజ్‌, మౌనికా రెడ్డి తదితరులు ఈ పార్టీకి హాజరయ్యారు. ఎన్టీఆర్ 30 సినిమా షూటింగ్‌లో బిజీగా ఉన్నందున తారక్‌ పార్టీకి హాజరు కాలేదు.
పార్టీకి సంబంధించిన ఫొటోలను సెంథిల్‌ సోషల్‌ మీడియాలో షేర్‌ చేశారు. 'ఆర్‌ఆర్‌ఆర్‌' సక్సెస్‌ పార్టీలో భాగమైన ప్రతి ఒక్కరికీ ధన్యవాదాలు' అని ఆయన పేర్కొన్నారు.
ప్రస్తుతం ఆర్‌ఆర్‌ఆర్‌ టీమ్ పార్టీ ఫొటోలు సోషల్‌ మీడియాలో వైరల్‌గా మారాయి.
రామ్‌చరణ్‌, ఎన్టీఆర్ హీరోలుగా తెరకెక్కిన ఆర్‌ఆర్‌ఆర్‌కు అవార్డుల పంట పండింది. ఇక ఇందులోని నాటు నాటు పాటకు ఏకంగా ఆస్కార్‌ పురస్కారం దక్కింది.