Movie Updates: ధనుష్50కి క్రేజీ టైటిల్ ఫిక్స్.. ‘ముఖ్య గమనిక’ ప్రీ రిలీజ్..
తెలుగు, తమిళంలో వరస సినిమాలు చేస్తూ బిజీగా ఉన్న హీరో ధనుష్. హాస్య నటుడు వైవా హర్ష హీరోగా నటిస్తున్న సినిమా ‘సుందరం మాస్టర్’. ఫిబ్రవరి 23న విడుదల కానుంది. అక్షయ్ కుమార్, టైగర్ ష్రాఫ్ హీరోలుగా వస్తున్న సినిమా బడే మియా చోటే మియా. అర్జున్ కళ్యాణ్, కుషిత కల్లాపు జంటగా నటిస్తున్న సినిమా ‘బాబు’. ట్యాగ్ లైన్ ‘నెంబర్ వన్ బుల్ షిట్ గై’. అల్లు అర్జున్ బావమరిది విరాన్‌ ముత్తంశెట్టి హీరోగా నటిస్తున్న చిత్రం ‘ముఖ్య గమనిక’.
తెలుగు, తమిళంలో వరస సినిమాలు చేస్తూ బిజీగా ఉన్న హీరో ధనుష్. తాజాగా ఈయన తన 50వ సినిమాను ప్రకటించారు. స్వీయ దర్శకత్వంలో రాయన్ అనే సినిమా చేస్తున్నారు ధనుష్. దీనికి సంబంధించిన ఫస్ట్ లుక్ విడుదలైంది. ఈ లెక్కన శేఖర్ కమ్ములతో చేస్తున్న సినిమా ధనుష్‌కు 51వది అన్నమాట. దీనికి ధారావి అనే టైటిల్ ప్రచారంలో ఉంది.
హాస్య నటుడు వైవా హర్ష హీరోగా నటిస్తున్న సినిమా ‘సుందరం మాస్టర్’. ఫిబ్రవరి 23న విడుదల కానుంది సుందరం మాస్టర్. ఇందులో హర్షకు జంటగా దివ్య శ్రీపాద నటిస్తున్నారు. ఈ సినిమాను సుధీర్ కుమార్ కుర్రుతో క‌లిసి ర‌వితేజ నిర్మిస్తున్నారు. కళ్యాణ్ సంతోష్ ఈ సినిమాను తెరకెక్కిస్తున్నారు. తాజాగా ఈ చిత్ర ప్రీ రిలీజ్ వేడుక జరిగింది. దీనికి సిద్ధూ జొన్నలగడ్డ ముఖ్య అతిథిగా వచ్చారు.
అక్షయ్ కుమార్, టైగర్ ష్రాఫ్ హీరోలుగా వస్తున్న సినిమా బడే మియా చోటే మియా. తాజాగా ఈ చిత్రం నుంచి టైటిల్ సాంగ్ విడుదల చేసారు దర్శక నిర్మాతలు. అలీ అబ్బాస్ జాఫర్ తెరకెక్కిస్తున్న ఈ చిత్రం ఎప్రిల్ 9న ఈద్ కానుకగా విడుదల కానుంది. ఈ మధ్య సరైన విజయం లేని అక్షయ్ కెరీర్‌కు కీలకంగా మారింది బడేమియా ఛోటేమియా.
అర్జున్ కళ్యాణ్, కుషిత కల్లాపు జంటగా నటిస్తున్న సినిమా ‘బాబు’. ట్యాగ్ లైన్ ‘నెంబర్ వన్ బుల్ షిట్ గై’. లక్ష్మణ్ వర్మ ఈ సినిమాకు దర్శకుడు. ఈ సినిమా ట్రైలర్ విడుదల చేసారు దర్శక నిర్మాతలు. జీవితంలో విలాసం కంటే అవసరం గొప్పది అనే కథాంశంతో ఈ చిత్రం తెరకెక్కించారు. మార్చ్ 8న విడుదల కానుంది బాబు సినిమా.
అల్లు అర్జున్ బావమరిది విరాన్‌ ముత్తంశెట్టి హీరోగా నటిస్తున్న చిత్రం ‘ముఖ్య గమనిక’. వేణు మురళీధర్‌ ఈ సినిమాతో దర్శకుడిగా పరిచయమవుతున్నాడు. లావణ్య హీరోయిన్. తాజాగా ఈ చిత్ర ప్రీ రిలీజ్ వేడుక జరిగింది. ఈ వేడుకకు విశ్వక్ సేన్ ముఖ్య అతిథిగా వచ్చారు.