ప్రముఖ బుల్లితెర నటుడు, బిగ్ బాస్ ఫేమ్ మానస్ నాగుల పల్లి త్వరలో తండ్రిగా ప్రమోషన్ పొందనున్నాడు. అతని భార్య శ్రీజ త్వరలోనే ఓ పండంటి బిడ్డకు జన్మనివ్వనుంది. ప్రస్తుతం గర్భంతో ఉన్న ఆమెకు ఘనంగా సీమంతం నిర్వహించారు కుటుంబ సభ్యులు.
కొన్ని రోజుల క్రితమే శ్రీజకు సీమంతం జరిగినట్లు తెలుస్తోంది. అయితే ఈ వేడుకకు సంబంధించిన ఫొటోలు, వీడియోలను కొన్ని గంటల క్రితమే సోషల్ మీడియాలో షేర్ చేశాడు మానస్.
ఆనందం,ప్రేమతో నిండిన హృదయాలతో మేం త్వరలోనే అమ్మానాన్నలు కాబోతున్నాం' అని సీమంతం ఫొటోలకు క్యాప్షన్ ఇచ్చాడు మానస్.
శ్రీజ సీమంతం వేడుకల్లో ఇరు కుటుంబ సభ్యులు, స్నేహితులు, సన్నిహితులు పాల్గొన్నారు. ప్రస్తుతం ఆమె సీమంతం ఫొటోలు, వీడియోలు సామాజిక మాధ్యమాల్లో వైరలవుతున్నాయి
పలువురు బుల్లితెర సెలబ్రిటీలు, అభిమానులు, నెటిజన్లు మానస్- శ్రీజ దంపతులకు అభినందనలు, శుభాకాంక్షలు తెలుపుతున్నారు. నిజమైన బ్రహ్మముడి వీరిదే అంటూ కామెంట్ల వర్షం కురిపిస్తున్నారు.
గతేడాది నవంబర్ లో మానస్-శ్రీజల వివాహం అత్యంత వైభవంగా జరిగింది. వీరిది పెద్దలు కుదిర్చిన వివాహం. ఇప్పుడు తమ దాంపత్య బంధానికి ప్రతీకగా ఓ బిడ్డను తమ జీవితంలోకి ఆహ్వానించనున్నారు మానస్ దంపతులు