OTT Movie: ఆకలి దెయ్యం కథ.. ఓటీటీలో ట్రెండ్ అవుతున్న తెలుగు హారర్ మూవీ..
ప్రస్తుతం ఓటీటీల్లో సరికొత్త కంటెంట్ కథలు తెగ ట్రెండింగ్ అవుతున్నాయి. థియేటర్లలో బ్లాక్ బస్టర్స్, డిజాస్టర్ చిత్రాలకు ఓటీటీలో మంచి రెస్పాన్స్ వస్తుంది. ప్రస్తుతం కూలీ, పరదా, సయారా, సు ఫ్రమ్ సో ఇలా చాలా సినిమాలు స్ట్రీమింగ్ అవుతున్నాయి. తాజాగా ఓ హారర్ కామెడీ మూవీ దూసుకుపోతుంది.
ప్రస్తుతం ఓటీటీలో క్షుద్ర పూజలతో నిద్రలేచే ఆత్మ వల్ల వచ్చే ఇబ్బందులు అనే కాన్సెప్ట్ తో తీసిన సినిమా తెగ ట్రెండ్ అవుతుంది. ఇంతకీ ఆ సినిమా ఏంటో తెలుసుకుందామా. ? తెలుగు కమెడియన్ ప్రవీణ్ ప్రధాన పాత్రలో నటించిన సినిమా బకాసుర రెస్టారెంట్.
బకాసుర రెస్టారెంట్ సినిమా ఆగస్టు తొలివారం థియేటర్లలోకి వచ్చింది. ప్రేక్షకుల నుంచి మంచి రెస్పాన్స్ వచ్చింది. ఇక నెల తిరగకుండానే అమెజాన్ ప్రైమ్ వీడియోలోకి వచ్చేసింది. ఈ మూవీ సోమవారం నుంచి స్ట్రీమింగ్ అవుతుంది. ప్రస్తుతం ఈ మూవీ ట్రెండింగ్ లో ఉంది.
ఈ సినిమా కథ విషయానికి వస్తే.. పరమేశ్వర్ (ప్రవీణ్) ఓ సాఫ్ట్ వేర్ ఇంజనీర్. ఉద్యోగం చేస్తుంటాడు. కానీ వ్యాపారం చేయాలని కోరిక. దీంతో రెస్టారెంట్ పెట్టాలనుకుంటాడు. డబ్బుల కోసం యూట్యూబ్ ఛానెల్ స్టార్ట్ చేసి మొదట దెయ్యం గురించి వీడియో చేస్తాడు.
ఆ వీడియో తెగ వైరలవుతుంది. అలాంటిదే మరో వీడియో చేసేందుకు ఓ పాత బంగ్లాకు తన స్నేహితులతో కలిసి వెళ్తాడు. అక్కడ కనిపించిన పుస్తకంతో క్షుద్రపూజ చేస్తాడు. దీంతో బక్క సూరి (వైవా హర్ష) అనే ఆత్మ బయటకు వస్తుంది. ఆ ఆత్మతో ఆడుకునే ప్రయత్నం చేస్తారు.
పరమేశ్వర్ స్నేహితుడి శరీరంలోకి ప్రవేశించిన ఆత్మకు ఆకలిగా ఎక్కువగా ఉంటుంది. దానిని బయటకు పంపించేందుకు పరమేశ్వర్ స్నేహితులు చేసిన ప్రయత్నాలు ఏంటీ. ? చివరకు ఏం జరిగిందనేది కథ.