Senior Heroes: సీనియర్‌ హీరోలకు వార్నింగ్‌ బెల్‌.. కంటెంట్‌ బావుంటేనే సై.. ఇదే ఆడియన్స్ మాట..
సీనియర్‌ హీరోలకు వార్నింగ్‌ బెల్‌ వినిపిస్తున్నారు ఆడియన్స్. కంటెంట్‌ బావుంటే సై... లేకుంటే నై అంటూ ముఖం మీదే చెప్పేస్తున్నారు. ఎంతటి స్టార్‌ అయినా, సీనియర్‌ అయినా టాలెరేట్‌ చేయట్లేదు ఆడియన్స్. మీరు పెట్టిన టిక్కెట్‌ ధరలకు, వడ్డిస్తున్న కంటెంట్‌కి ఎక్కడ గిట్టుబాటు అవుతుందో చెప్పండి అంటూ ముఖం మీదే రివ్యూలిచ్చేస్తున్నారు. సీనియర్లూ.. స్టే అలర్ట్ అంటున్నారు క్రిటిక్స్... మరి రజనీ, చిరు అండ్‌ కమల్‌... అలర్ట్ అవుతారా?
మెగాస్టార్‌ చిరంజీవి ఎంతో ఇష్టంగా చేసిన సినిమా ఆచార్య. చిరంజీవి, చరణ్‌ కలిసి చేస్తున్న సినిమా అంటూ ప్రీ రిలీజ్‌ టైమ్‌లో చాలా హైప్‌ తెచ్చుకున్న ప్రాజెక్ట్. సినిమా రిలీజుకు ముందు పాటలు దుమ్మురేపాయి. ట్రిపుల్‌ ఆర్‌ రిలీజ్‌ అయిన వెంటనే చెర్రీ ఖాతాలో పడుతున్న సినిమా అనుకున్నారు. కట్‌ చేస్తే థియేటర్లలో జనాల్లేరు. కంటెంట్‌ వీక్‌ అయితే ఏం చేస్తామంటూ పెదవి విరిచేశారు.
ఆచార్య సినిమాతో పోలిస్తే భోళా శంకర్‌ పరిస్థితి మరీ దారుణంగా కనిపించింది. మెహర్ రమేష్ దర్శకత్వంలో వేదాళం రీమేక్ గా వచ్చింది భోళా శంకర్‌కి రెండో రోజే థియేటర్లు ఖాళీ అయ్యాయి. కథే కింగ్‌ అనే విషయాన్ని ఓపెన్‌గా చెప్పేశారు ఆడియన్స్.
ఇప్పుడు విశ్వంభర విషయంలో ఆచితూచి అడుగులు వేస్తున్నారు మెగాస్టార్‌. ప్రతీదాన్నీ ఒకటికి రెండు సార్లు చెక్‌ చేసుకుంటున్నారు. ఎలాగైనా బౌన్స్ బ్యాక్‌ అవ్వాలనుకుంటున్నారు. విశ్వంభర రికార్డులు చూసి జనాలు విస్తుపోయేలా ప్లాన్‌ చేసుకుంటున్నారు.
అటు కమల్‌హాసన్‌ కూడా థగ్‌ లైఫ్ మీద ఫోకస్‌ పెంచారు. కల్కి సినిమాలో యాస్కీన్‌ వైబ్‌ నుంచి జనాలు బయటకు రాకముందే థియేటర్లలోకి వచ్చి నిరాశ పరచింది ఇండియన్‌2. ఇప్పుడు ఆ నెగటివిటీ మొత్తం తుడుచుపెట్టుకుని పోవాలంటే థగ్‌లైఫ్‌ యమాగా ఉండాల్సిందే. మణిరత్నం మీద మరింత బర్డెన్‌ పడినట్టే మరి.
తలైవర్‌ సినిమాకు థియేటర్లలో ఫస్ట్ రోజు జనాలు లేకపోవడం విడ్డూరం కదా.. దాన్ని కూడా చూశారు లాల్‌ సలామ్‌ యూనిట్‌. ఓపెనింగ్స్ కూడా లేవు ఆ సినిమాకు. అంత ఘోర పరాజయాన్ని చవిచూసింది. అప్పటి నుంచి మరింత అలర్ట్ అయ్యారు రజనీకాంత్‌. జైలర్‌ చరిష్మాను వేట్టయాన్‌తో కంటిన్యూ చేయాలనే పట్టుదలతో పనిచేస్తున్నారు. ఈ సినిమాలు క్లిక్‌ అయితేనే నెక్స్ట్ ప్రాజెక్టుల్లో జోష్‌ పెరుగుతుందన్న విషయం ఈ సీనియర్లకు చాలా బాగా తెలుసని స్టేట్‌మెంట్‌ ఇస్తున్నారు క్రిటిక్స్.