Pushpa 2 Collections: ఆరు రోజుల్లోనే పుష్ప 2 ప్రభంజనం.. ఏ సినిమా ఎన్ని రోజుల్లో వెయ్యి కోట్లు రాబట్టాయో తెలుసా?
ప్రస్తుతం ప్రపంచం మొత్తం టాలీవుడ్ వైపే చూస్తోంది. తెలుగులో ఎలాంటి అంచనాలు లేకుండా విడుదలైన సినిమాలు వరల్డ్ వైడ్ బాక్సాఫీస్ వద్ద సత్తా చాటుతున్నాయి. రిలీజ్ అయిన కొన్ని రోజుల్లోనే రూ.1000 కోట్లకు పైగా వసూళ్లు రాబడుతున్నాయి. ఇప్పుడు పుష్ప 2 ఆరు రోజుల్లోనే వెయ్యి కోట్ల క్లబ్ లో చేరి సరికొత్త రికార్డ్ క్రియేట్ చేసింది.
ఐకాన్ స్టార్ అల్లు అర్జున్ నటించిన పుష్ప 2 ఇప్పుడు బాక్సాఫీస్ వద్ద సత్తా చాటుతుంది. విడుదలైన ఆరు రోజుల్లోనే ఏకంగా రూ.1000 కోట్లకు పైగా వసూల్లు రాబట్టి భారతీయ సినీ చరిత్రలోనే అరుదైన రికార్డ్ సృష్టించింది.
ఇప్పటివరకు ఈ రికార్డ్ కేవలం ప్రభాస్ నటించిన బాహుబలి 2 సినిమాపైనే ఉండేది. డైరెక్టర్ రాజమౌళి దర్శకత్వంలో ప్రభాస్ నటించిన బాహుబలి సినిమా విడుదలైన 10 రోజుల్లోనే రూ.1000 కోట్లకు పైగా వసూళ్లు రాబట్టింది.
ఆ తర్వాత జక్కన్న రూపొందించిన ఆర్ఆర్ఆర్ రెండవ స్థానంలో ఉండేది. భారీ అంచనాల మధ్య విడుదలైన ఈ సినిమా కేవలం 16 రోజుల్లోనే రూ.1000 కోట్ల కలెక్షన్స్ రాబట్టింది. ఇందులో రామ్ చరణ్, ఎన్టీఆర్ ఇద్దరూ ప్రధాన పాత్రలు పోషించారు.
ఇక పాన్ ఇండియా బాక్సాఫీస్ ను షేక్ చేసిన సినిమా కేజీఎఫ్ 2. డైరెక్టర్ ప్రశాంత్ నీల్ దర్శకత్వంలో కన్నడ హీరో యశ్ నటించిన ఈ సినిమా భారీ వసూళ్లు రాబట్టింది. విడుదలైన 16 రోజుల్లోనే ఈ సినిమా వెయ్యి కోట్లు రాబట్టింది.
ఇక ఆ తర్వాతి స్థానంలో ప్రభాస్ నటించిన కల్కి 2898 ఏడీ చిత్రం నిలిచింది. డైరెక్టర్ నాగ్ అశ్విన్ తెరకెక్కించిన ఈ సినిమా రిలీజ్ అయిన 16 రోజుల్లో రూ.1000 కోట్ల కలెక్షన్స్ రాబట్టింది.
ఆ తర్వాత రెండు రికార్డులు బాలీవుడ్ బాద్ షా షారుఖ్ ఖాన్ పేరు మీద ఉన్నాయి. ఈ హీరో నటించిన జవాన్ సూపర్ హిట్ అయిన సంగతి తెలిసిందే. ఈ సినిమా రిలీజ్ అయిన 18 రోజుల్లో రూ.1000 కోట్లు రాబట్టింది.
అంతకు ముందు షారుఖ్ ఖాన్ నటించిన పఠాన్ చిత్రం సైతం 1000 కోట్ల క్లబ్ లో చేరిన సంగతి తెలిసిందే. షారుఖ్, దీపిక పదుకొణె జంటగా నటించిన ఈ సినిమా విడుదలైన 27 రోజుల్లో వెయ్యి కోట్లు రాబట్టింది.