Tollywood News: బాక్సాఫీస్ వార్.. పంద్రాగస్ట్ కు మరో సినిమా
ఈ రోజుల్లో ఓ మంచి రిలీజ్ డేట్ దొరకడం మామూలు విషయం కాదు.. దానికోసం పూజలు చేస్తుంటారు దర్శక నిర్మాతలు. ఇప్పుడలాంటి ఓ మేజర్ డేట్ కోసం పెద్ద యుద్ధమే చేస్తున్నారు మన హీరోలు. అదే ఆగస్ట్ 15. పుష్ప 2 వదిలేసిన ఈ డేట్‌పై చాలా మంది కళ్లు పడ్డాయి. తాజాగా పంద్రాగస్ట్‌పై మరో హీరో ఖర్చీఫ్ వేసాడు. మరి ఆ రోజు రాబోతున్న సినిమాలేంటో చూద్దామా..? ఆగస్ట్ 15న పుష్ప 2 వస్తుందని ఏడాది ముందే ఖరారు చేసారు దర్శక నిర్మాతలు.
ఈ రోజుల్లో ఓ మంచి రిలీజ్ డేట్ దొరకడం మామూలు విషయం కాదు.. దానికోసం పూజలు చేస్తుంటారు దర్శక నిర్మాతలు. ఇప్పుడలాంటి ఓ మేజర్ డేట్ కోసం పెద్ద యుద్ధమే చేస్తున్నారు మన హీరోలు. అదే ఆగస్ట్ 15. పుష్ప 2 వదిలేసిన ఈ డేట్‌పై చాలా మంది కళ్లు పడ్డాయి. తాజాగా పంద్రాగస్ట్‌పై మరో హీరో ఖర్చీఫ్ వేసాడు. మరి ఆ రోజు రాబోతున్న సినిమాలేంటో చూద్దామా..?
ఆగస్ట్ 15న పుష్ప 2 వస్తుందని ఏడాది ముందే ఖరారు చేసారు దర్శక నిర్మాతలు. కానీ చివరి నిమిషంలో అది వాయిదా పడటంతో.. ఆ డేట్ కోసం పెద్ద యుద్ధమే చేస్తున్నారు మిగిలిన వాళ్లు. ఈ రేసులో అందరికంటే ముందే ఉన్నారు రామ్. ఆయన నటిస్తున్న డబుల్ ఇస్మార్ట్ పంద్రాగస్ట్ రోజే రానుంది. పూరీ జగన్నాథ్ ఈ సినిమాకు దర్శకుడు.
లైగర్ ఫ్లాప్ తర్వాత పూరీ తెరకెక్కిస్తున్న సినిమా అయినా కూడా.. డబుల్ ఇస్మార్ట్‌పై అంచనాలు బాగానే ఉన్నాయి. దానికి కారణం అది ఇస్మార్ట్ శంకర్ సీక్వెల్ కావడమే. మరోవైపు గీతా ఆర్ట్స్ 2 నుంచి వస్తున్న ఆయ్ కూడా అదే రోజు వస్తుంది. నార్నె నితిన్ హీరోగా నటిస్తున్న ఈ చిత్రం పూర్తిగా కామెడీ ఎంటర్‌టైనర్. టీజర్స్, పాటలకు మంచి హైప్ రావడంతో.. సినిమాపై నమ్మకంగానే ఉన్నారు మేకర్స్.
ఆగస్ట్ 15 రోజే రానున్న మరో సినిమా 35.. ఒక చిన్న కథ. రానా దగ్గుబాటి సమర్పిస్తున్న ఈ చిత్రంలో నివేదా థామస్, ప్రియదర్శి కీలక పాత్రల్లో నటిస్తున్నారు. క్యూట్ ఫ్యామిలీ ఎంటర్‌టైనర్‌గా వస్తుంది 35 సినిమా. ఈ మధ్యే టీజర్ విడుదల చేసారు మేకర్స్. తాజాగా మిస్టర్ బచ్చన్ సైతం ఆగస్ట్ 15నే కన్ఫర్మ్ అయింది. ఈ చిత్ర రిలీజ్ డేట్‌ను అధికారికంగా ప్రకటించారు దర్శక నిర్మాతలు.
ఆగస్ట్ 15 కోసం అంతగా పట్టుబట్టడానికి చాలా కారణాలే ఉన్నాయి. ఆగస్ట్ 15 గురువారం పబ్లిక్ హాలీడే.. ఆ తర్వాత మూడు రోజుల వీకెండ్.. ఆగస్ట్ 19 సోమవారం రక్షా బంధన్ హాలీడే ఉంది.. ఆ తర్వాత ఆగస్ట్ 26 శ్రీ కష్ణాష్టమి.. ఇలా 2 వారాల పాటు ఫుల్ హాలీడేస్ ఉన్నాయి. మొత్తానికి పుష్ప 2 వదిలేయడంతో.. మిగిలిన హీరోలంతా గట్టిగా ఆ డేట్ పట్టేసుకుంటున్నారు.