Sun Flower Seeds: సన్ ఫ్లవర్ సీడ్స్ తింటే.. ఇన్ని సమస్యలు తగ్గుతాయా..
సన్ ఫ్లవర్ ఆయిల్‌ని ఈ మధ్య కాలంలో చాలా మంది ఉపయోగిస్తున్నారు. ఈ ఆయిల్‌ని సన్ ఫ్లవర్ సీడ్స్ నుంచే తయారు చేస్తారు. ఈ మధ్య కాలంలో ఈ సీడ్స్ తినడం వల్ల అనేక అద్భుత ప్రయోజనాలు ఉన్నాయని పలు అధ్యయనాల్లో తేలింది..
సన్ ఫ్లవర్ సీడ్స్ గురించి ప్రత్యేకంగా చెప్పాల్సిన పని లేదు. వీటి గురించి చాలా మందికి తెలుసు. ఈ మధ్య కాలంలో సీడ్స్ చాలా పాపులర్ అవుతున్నాయి. సాధారణంగా సన్ ఫ్లవర్ సీడ్స్‌తో నూనె తీస్తూ ఉంటారు. కానీ ఈ విత్తనాలను తినడం వల్ల అనేక ఆరోగ్య లాభాలు ఉన్నాయని, ఎన్నో రకాల సమస్యలకు బైబై చెప్పొచ్చని హెల్త్ స్పెషలిస్టులు అంటున్నారు.
పొద్దు తిరుగుడు గింజలు కాస్త నల్లగా, జీలకర్రలా అనిపిస్తాయి. కానీ ఈ చిన్న విత్తనాలతో అనేక అద్భుత ప్రయోజనాలు ఉన్నాయి. శరీరానికి కావాల్సిన పోషకాలు అందిస్తాయి. కీళ్ల నొప్పులు, మోకాళ్ల నొప్పులు, అర్థరైటిస్ నొప్పులు కంట్రోల్ అవుతాయి.
శరీరంలో పేరుకు పోయిన కొవ్వును కూడా కరిగించే శక్తి ఈ విత్తనాలకు ఉంది. కొలెస్ట్రాల్ సమస్యతో బాధ పడేవారు ఈ సీడ్స్ తింటే మంచి ఫలితాలు ఉన్నాయి. డయాబెటీస్‌తో బాధ పడేవారు తరచూ ఈ విత్తనాలు తింటే షుగర్ లెవల్స్ అనేవి కంట్రోల్ అవుతాయి.
రక్త పోటును కంట్రోల్ చేసి, గుండెకు రక్షణగా ఈ విత్తనాలు నిలుస్తాయి. శరీరంలో రక్త సరఫరాను కూడా మెరుగు పరుస్తాయి. దీంతో శరీర భాగాలు ఆరోగ్యంగా పని చేస్తాయి. ఎముకలు, కండరాలు కూడా బలంగా ఉంటాయి.
ఇందులో అనేక పోషకాలు ఉన్నాయి. ఇవి సీజనల్ వ్యాధులు రాకుండా కాపాడతాయి. హార్మోన్లు సమతుల్యంగా పని చేసేలా చేస్తాయి. ప్రెగ్నెంట్ లేడీస్ వీటిని తింటే బిడ్డ ఎదుగుదలకు ఎంతో సహాయ పడతాయి.