Ganji: అయ్యో..! అన్నం ఉడికిన తర్వాత గంజి పారబోస్తున్నారా..? పెద్ద తప్పే చేస్తున్నారు..
చాలా సార్లు మనం ఒక పాత్రలో బియ్యం ఉడికించినప్పుడు, అన్నం ఉడికిన తర్వాత మిగిలిన నీటిని పారబోస్తాము. వీటిని పల్లెటూరి భాషలో గంజి అంటాం. అయితే మన పూర్వీకులు.. ఈ గంజిని కూడా ఆహారంలో భాగం చేసుకునేవారు. ఇప్పటి జనరేషన్లో చాలామందికి ఆ విషయం కూడా తెలియదు. ఈ గంజి గురించి ప్రయోజనాలు తెలిస్తే.. మీరు కూడా దాన్ని మీ డైలీ మెనూలో భాగం చేసుకుంటారు.
కాలానుగుణ ఇన్ఫెక్షన్ లేదా వైరల్ జ్వరం సమయంలో గంజి తాగడం వల్ల డిహైడ్రేషన్ ఉండదు. జ్వరం కూడా తగ్గుతుంది. వేసవిలో గంజి డిహైడ్రేషన్ నుంచి కాపాడుతుంది.
గంజి మలబద్ధకం సమస్యను తొలగిస్తుంది. జీర్ణవ్యవస్థను మెరుగుపరుస్తుంది. జీవక్రియ రేటును పెంచుతుంది.
జుట్టు రాలడం వంటి సమస్యలతో బాధపడుతుంటే… గంజి మీకు మంచి మెడిసిన్. దీనిలోని అమైనో ఆమ్లాలు జుట్టు రాలడాన్ని నివారిస్తాయి. గంజి విటమిన్ బి, సి, ఇలను కలిగి ఉంటుంది. ఇవి జుట్టు పెరుగుదలకు ఉపకరిస్తాయి.
మొటిమల సమస్యలు ఎదుర్కోవడంలో కూడా గంజి మేలు చేస్తుంది. ఇది మొటిమల కారణంగా ఏర్పడిన ఎరుపు మచ్చలు, వాపు, దురదలను తొలగిస్తుంది. కొత్త మొటిమలు ఏర్పడకుండా నిరోధిస్తుంది. రాత్రి పడుకునేటప్పుడు రోజూ ముఖానికి గంజి పూసుకుంటే ముఖంలో గ్లో పెరుగుతుంది.
గంజిలో కార్బోహైడ్రేట్లు చాలా ఉన్నాయి. ఇవి శరీరానికి తక్షణ శక్తిని ఇస్తాయి. అలాగే, ఇన్ఫెక్షన్ సోకకుండా కాపాడుతుంది