School Holiday: విద్యార్థులకు గుడ్న్యూస్.. రేపు పాఠశాలలకు సెలవు..!
School Holiday: పాఠశాలలకు సెలవు అంటే విద్యార్థులు ఎగిరి గంతులేస్తుంటారు. సెలవులు వచ్చాయంటే ఎంజాయ్ చేసేందుకు రెడీగా ఉంటారు. రేపు అంటే గురువారం విద్యా సంస్థలకు సెలవు ప్రకటించింది ఆ ప్రభుత్వం..
ఆగ్నేయ బంగాళాఖాతంలో ఏర్పడిన ఫెంచల్ తుపాను కారణంగా తమిళనాడులో గత 10 రోజులుగా భారీ వర్షాలు కురుస్తున్నాయి. దీంతో తమిళనాడులోని పలు ప్రాంతాలు తీవ్రంగా దెబ్బతిన్నాయి. ముఖ్యంగా ఉత్తరాది జిల్లాలు తీవ్రంగా దెబ్బతిన్నాయి.
ఫెంచల్ తుఫాను చెన్నై తీరం దాటే అవకాశం ఉందని, చెన్నైకి రెడ్ అలర్ట్ ప్రకటించారు. అయితే తుపాను మరో వైపు వెళ్లడంతో చెన్నైకి ఇచ్చిన రెడ్ అలర్ట్ ను ఉపసంహరించుకున్నారు.
కాగా, ఫెంచల్ తుఫాను నవంబర్ 30న పుదుచ్చేరి, మరక్కం మధ్య తీరాన్ని తాకింది. దీంతో ఉత్తరాది జిల్లాలైన విల్లుపురం, కడలూరు, తిరువణ్ణామలై, ధర్మపురి, కళ్లకురిచ్చి, కృష్ణగిరి జిల్లాలు తీవ్రంగా దెబ్బతిన్నాయి.
ఫెంచల్ తుపాను కారణంగా ఉత్తరాది జిల్లాల్లో భారీ నష్టం వాటిల్లడంతో జనజీవనం అస్తవ్యస్తం కావడంతో ఆయా జిల్లాల్లోని పాఠశాలలు, కళాశాలలకు వరుస సెలవులు ప్రకటించారు.
ఫెంచల్ తుఫాను పుదుచ్చేరిలో తీవ్ర నష్టాన్ని కలిగించింది. ఇప్పటివరకు సాధారణ జనజీవనం తిరిగి రాలేదు. ఈ పరిస్థితిలో పుదుచ్చేరిలోని 17 పాఠశాలలకు మాత్రమే రేపు (05.12.2024) సెలవు ఇచ్చారు.