Goat with Human Face: మనిషిని పోలిన మేక.. దేవుడంటూ పూజిస్తున్న జనం.. వైరల్‌గా మారిన వీడియో..

Goat Born with Human Face: సోషల్ మీడియాలో ప్రతి రోజూ ఎన్నో వీడియోలు చక్కర్లు కొడుతుంటాయి. కొన్ని సంతోషాన్ని పంచేవి అయితే మరికొన్ని ఆశ్చర్యాన్ని కలిగిస్తుంటాయి. మరీ ముఖ్యంగా వింత ఆకారాల్లో జన్మించిన జంతువుల వీడియోలు, ఫొటోలు నెట్టింట్లో నిత్యం హల్‌చల్‌ చేస్తూనే ఉంటాయి. తాజాగా ఇలాంటి ఓ వీడియోనే వైరల్‌గా మారింది. వివరాల్లోకి వెళితే.. గుజరాత్‌లోని సోంగాధ్ తాలూకాలో ఉన్న తపి నది ఒడ్డున ఉన్న సెల్టిపాడ గ్రామంలో ఓ అద్భుతం జరిగింది. ఈ గ్రామానికి చెందిన ఓ వ్యక్తి మేకల పెంపకం చేస్తున్నాడు. తాజాగా ఆయన మేకల మందలో ఉన్న ఓ మేక బుజ్జి మేకకు జన్మనిచ్చింది. అయితే దానిని చూసిన వారు ఒక్కసారిగా షాక్‌కు గురయ్యారు. ఆ మేకకు సహజంగా నాలుగు కాళ్లు ఉన్నాయి. కానీ ముఖం మాత్రం మనిషిని పోలి ఉండడం విశేషం. కళ్లు, ముక్కు, నోరు ఇలా అన్ని మనిషిని పోలి ఉండడంతో స్థానికు తండోపతండాలుగా చేరుకున్నారు. అయితే ఈ మేక జన్మించిన తర్వాత కేవలం 10 నిమిషాల్లోనే మరణించింది. ఇదిలా ఉంటే ఈ మేకను చూసిన గ్రామస్థులు దేవుడిగా భావించి పూజలు నిర్వహించారు. అనంతరం శాస్త్రోక్తంగా దహన కార్యక్రమాలు నిర్వహించారు. ఇంతకీ ఈ మేక మనిషి రూపాన్ని ఎందుకు పోలి ఉందో తెలియాలంటే నిపుణులు స్పందించాల్సి ఉంది. మరి ‘మనిషి.. మేక’పై మీరూ ఓ లుక్కేయండి..

Also Read: Rahul Gandhi: వ్యాక్సినేషన్ తో ‘పండగ’ చేసుకోవడం కాదు.. రాష్ట్రాలకు సక్రమంగా పంపండి..రాహుల్ గాంధీ  తీవ్ర వ్యాఖ్యలు 

Selfie On Mars: అంతరిక్షంలో అద్భుతం.. అంగారక గ్రహంపై అద్భుత సెల్ఫీ.. రెండు రోబోలు ఒకే ఫ్రేమ్‌లో..

Adorable Video Viral: పనిచేసే కార్మికుడితో సరదాగా ఆటలు ఆడిన అల్లరి గున్న ఏనుగు.. ఎవరు గెలిచారంటే..!