Watch Video: రైలులో గంజాయ్, సిగరెట్లు తాగుతూ రచ్చ చేసిన అమ్మాయిలు.. వీడియో తీయడంతో..
రైలు, బస్సు ప్రయాణంలో సిగరెట్ తాగడం, గుట్కా నమలడం లాంటివి నిషేధం. అయినప్పటికీ కొంతమంది దారుణంగా ప్రవర్తిస్తూ తోటి ప్రయాణికులను ఇబ్బందులకు గురిచేస్తుంటారు.
Updated on: Feb 28, 2023 | 7:23 AM
రైలు, బస్సు ప్రయాణంలో సిగరెట్ తాగడం, గుట్కా నమలడం లాంటివి నిషేధం. అయినప్పటికీ కొంతమంది దారుణంగా ప్రవర్తిస్తూ తోటి ప్రయాణికులను ఇబ్బందులకు గురిచేస్తుంటారు. తాజాగా.. కొందరు అమ్మాయిలు ఏకంగా రైలులో గంజాయ్ తాగుతూ ఎంజాయ్ చేశారు. దీనికి సంబంధించిన వీడియోను ఓ ప్రయాణికుడు షేర్ చేయడం కలకలం రేపింది. రైలు లోపల కొందరు మహిళలు గంజాయి – పొగతాగుతున్నట్లు చూపుతున్న వీడియోను ప్రయాణికుడు షేర్ చేశాడు. జార్ఖండ్ టాటానగర్ నుంచి కతిహార్ రైలులో ప్రయాణిస్తున్న వ్యక్తి.. రైలు లోపల కొందరు యువతులు “గంజాయి – సిగరెట్లు” తాగారంటూ వారిపై కేంద్ర మంత్రి అశ్విని వైష్ణవ్ కు ట్యాగ్ చేస్తూ ఫిర్యాదు చేశాడు. “ అసన్సోల్ వద్ద రైలు ఎక్కిన ఈ అమ్మాయిలు స్మోకింగ్ చేస్తున్నారు, రాత్రంతా సిగరెట్లు గంజాయి తాగారు” అంటూ ఒక ట్వీట్లో వీడియోను పంచుకున్నాడు.
పరమానంద్ కుమార్ సా.. అనే వ్యక్తి పంచుకున్న ఈ వీడియోపై రైల్వే సేవా స్పందించింది. ప్రయాణ వివరాలను పంచుకోవాలంటూ రిట్వీట్ చేసింది. “సర్, దయచేసి ప్రయాణ వివరాలు (PNR/ట్రైన్ నంబర్), మొబైల్ నంబర్ను మెయిల్ ద్వారా షేర్ చేయాలని మిమ్మల్ని అభ్యర్థిస్తున్నాము. మీరు ఫిర్యాదును నేరుగా http://railmadad.indianrailways.gov.inలో తెలియజేయవచ్చు లేదా సత్వర పరిష్కారం కోసం 139కి డయల్ చేయవచ్చు” అని రైల్వే సేవా, రైల్వే ప్రొటెక్షన్ ఫోర్స్ ట్వీట్ చేసింది.
వీడియో చూడండి..
@AshwiniVaishnaw इन लड़कियों ने रात भर गांजा और सीक्रेट करें पिया है ? Yah log Asansol mein chadhi thi Tata Katihar train mein pic.twitter.com/vo5YwI3DIf
— Parmanand kumar Saw (@Parmana93518260) February 27, 2023
కాగా.. రైలులో కొందరు అమ్మాయిలు సిగరెట్ తాగుతున్న వీడియోపై నెటిజన్లు మండిపడుతున్నారు. రైలులో ఈ విధంగా ప్రవర్తించడం కరెక్ట్ కాదంటూ నెటిజన్లు అమ్మాయిలపై ఆగ్రహం వ్యక్తంచేస్తున్నారు. అయితే, అమ్మాయిలు ఎవరు ఏంటీ..? అనే వివరాలు మాత్రం తెలియాల్సి ఉంది.
మరిన్ని ట్రెండింగ్ వార్తల కోసం..
