King Cobra: ఓ ఇంటి బయట కింగ్ కోబ్రా కలకలం.. ప్రపంచంలో సిగ్గరి ఈ పాము.. హానిచేయవద్దంటున్న స్నేక్ క్యాచర్స్ ..

King Cobra In Odisha

King Cobra: ఒడిస్సా లోని మల్కాన్ గిరి జిల్లాలో కింగ్ కోబ్రా కలకలం రేపింది. కలిమేల పోలీస్ స్టేషన్ పరిధిలో MV11 గ్రామంలో ఓ గ్రామస్థుడి ఇంట్లో ఉన్న చెట్టు పై భారీ కింగ్ కోబ్రా కనిపించింది. సుమారు 12 అడుగులున్న ఈ భారీ కింగ్ కోబ్రాని చూడగానే స్థానికులు భయంతో పరుగులు తీశారు. వెంటనే అప్రమత్తమై స్నేక్ క్యాచర్స్  కి ఫోన్ చేసి సమాచారం అందించారు. స్నేక్ క్యాచర్స్  చాకచక్యంతో ఈ కింగ్ కోబ్రాని పట్టుకుని సమీపంలోని అడవిలో సురక్షితంగా విడిచిపెట్టారు. దీంతో స్థానికులు ఊపిరి పీల్చుకున్నారు. స్వతహాగా ఈ కింగ్ కోబ్రాలు హాని చేయవని.. బహు సిగ్గరి అని .. ఎవరూ కంగారుపడాల్సిన పని లేదంటున్నారు.

ప్రపంచంలో అత్యంత పెద్ద, పొడవైన విష విషసర్పాల్లో నల్లత్రాచు, (రాచనాగు లేదా కింగ్ కోబ్రా) మొదటిది. ఈ పాము   సాధారణంగా 18.5 అడుగుల పొడవు పెరుగుతుంది. గుడ్లను పొదగడానికి గూడు కట్టే ఏకైక సర్పం. ఇక ఆడపాము 20-40 గుడ్లను దిబ్బ మాదిరిగా పెడుతుంది. సుమారు 20ఏళ్ళు జీవిస్తుంది. ఈ పాము విషయం మెదడుపై అత్యంత ప్రభావాన్ని చూపిస్తుంది. ఈ పాము కాటువేస్తే..  ఆహారముగా ఇతర పాములను, కొండ చిలువలను తింటుంది. చూడడానికే  భయంకరంగా ఉండే ఈ కింగ్ కోబ్రా స్వతహాగా సిగ్గరి. సాధారణంగా ముఖాముఖి ఎవరి కంటబడానికి ఇష్ట పడదు.

https://images.tv9telugu.com/wp-content/uploads/2021/12/whatsapp-video-2021-12-05-at-94742-am-1.mp4?_=2

కింగ్ కోబ్రా పడగ పైకెత్తితే ఆరు అడుగుల ఎత్తు ఉంటుంది..  కింగ్ కోబ్రా దట్టమైన అరణ్యాలలో.. చుట్టూ సెలయేళ్ళు, చెరువులు ఉన్న ప్రదేశాలలో నివసించడానికి ఎక్కువ ఇష్టపడుతుంది. ఇది నీటిలో బాగా ఈదగలదు. ఈ జాతి పాములు ఆంధ్ర ప్రదేశ్‌లో అల్లూరి సీతారామరాజు (ఈస్ట్రన్ గాట్స్) ఫారెస్ట్ లో అధికంగా కనిపిస్తాయి. కింగ్ కోబ్రాను కేరళలో ఈ   “నాగరాజు”గా పూజిస్తారు. ముఖ్యంగా కేరళలో “నాయర్” అనబడే కులస్తులు ఈ పామును “కావు” అనే పేరుతో పూజిస్తారు.

Also Read: భర్త కుట్టిన బ్లౌజ్ నచ్చలేదని మనస్తాపంతో భార్య ఆత్మహత్య..