రూల్స్ బ్రేక్.. కొచ్చి లోని బహుళ అంతస్తులు క్షణాల్లో నేలమట్టం

కేరళలోని కొచ్చిలో శనివారం బహుళ అంతస్థుల నిర్మాణాలు క్షణాల్లో కుప్పకూలాయి. కేవలం కొన్ని సెకండ్లలో ఇవి నేలమట్టమయ్యాయి. ఈ కోస్టల్ సిటీలో లెక్కకు మిక్కిలి రెసిడెన్షియల్ బిల్డింగ్స్ ఉన్నాయి. ‘ మరాదూ ‘ పోష్ లొకాలిటీలో గల ఈ భవనాలన్నీ కోస్తా తీరప్రాంత నిబంధనలను అతిక్రమించి కట్టినవేనట. సుప్రీంకోర్టు ఆదేశాలతో కేరళ ప్రభుత్వం వీటి నేలమట్టానికి ఆదేశాలిచ్చింది. రెండురోజులపాటు కూల్చివేతలు సాగుతాయి.వీటి కూల్చివేతకు కేరళ ప్రభుత్వం 138 రోజుల గడువునిచ్చింది. తమ ఫ్లాట్లను కోల్పోయినవారికి రూ. 25 […]

రూల్స్ బ్రేక్.. కొచ్చి లోని బహుళ అంతస్తులు క్షణాల్లో నేలమట్టం
Umakanth Rao

| Edited By: Anil kumar poka

Jan 11, 2020 | 12:34 PM

కేరళలోని కొచ్చిలో శనివారం బహుళ అంతస్థుల నిర్మాణాలు క్షణాల్లో కుప్పకూలాయి. కేవలం కొన్ని సెకండ్లలో ఇవి నేలమట్టమయ్యాయి. ఈ కోస్టల్ సిటీలో లెక్కకు మిక్కిలి రెసిడెన్షియల్ బిల్డింగ్స్ ఉన్నాయి. ‘ మరాదూ ‘ పోష్ లొకాలిటీలో గల ఈ భవనాలన్నీ కోస్తా తీరప్రాంత నిబంధనలను అతిక్రమించి కట్టినవేనట. సుప్రీంకోర్టు ఆదేశాలతో కేరళ ప్రభుత్వం వీటి నేలమట్టానికి ఆదేశాలిచ్చింది. రెండురోజులపాటు కూల్చివేతలు సాగుతాయి.వీటి కూల్చివేతకు కేరళ ప్రభుత్వం 138 రోజుల గడువునిచ్చింది. తమ ఫ్లాట్లను కోల్పోయినవారికి రూ. 25 లక్షల పరిహారం చెల్లించాలని సుప్రీంకోర్టు ఆదేశించింది. 350 ఫ్లాట్లతో కూడిన ఈ భవనాలను నేలమట్టం చేయడానికి 800 కిలోల పేలుడు పదార్థాలను వినియోగించారు. ఉదయం 11 గంటలనుంచి సాయంత్రం 4 గంటల వరకు ఆ ప్రాంతంలోకి ఎవరినీ అనుమతించడంలేదు. అలాగే అన్ని రకాల ట్రాఫిక్ రాకపోకలను, జల, వైమానిక రవాణాను కూడా నిషేధించారు. తమ ఇళ్లను వదిలి వెళ్లేవారు విద్యుత్, స్విచ్ లను ఆఫ్ చేసి వెళ్లాలని ముందుగానే ఆదేశించారు. వీరికి తాత్కాలిక రిలీఫ్ సెంటర్లను ఏర్పాటు చేశారు.  శనివారం 18 అంతస్థుల అపార్ట్ మెంట్ ను, 73 ఫ్లాట్లతో కూడిన భవనాన్ని కూల్చివేశారు. ఆదివారం కూడా మరో బహుళ అంతస్థుల భవనాన్ని కుప్పకూల్చనున్నారు.

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu