PMAYG: ఉత్తరప్రదేశ్‌ ప్రభుత్వ లేఖను తిరస్కరించిన కేంద్ర ప్రభుత్వం.. అదేంటంటే..!

Pradhan Mantri Awaas Yojana Gramin: దేశంలోని పేదలకు వారి ఇళ్లను అందించేందుకు కేంద్ర ప్రభుత్వం ప్రధాన మంత్రి ఆవాస్ యోజన-గ్రామీన్‌ను అమలు చేస్తోంది. ఇప్పటి వరకు వేలాది మందికి ఈ పథకం కింద ఇళ్లు మంజూరు చేశారు. కాగా, ఈ పథకం కింద రాష్ట్రానికి అదనంగా 13 లక్షల ఇళ్లు కేటాయించాలని ఉత్తరప్రదేశ్‌ ముఖ్యమంత్రి యోగి ఆదిత్యనాథ్‌ ప్రభుత్వం కేంద్ర ప్రభుత్వానికి లేఖ రాసింది. అయితే ఈ లేఖని కేంద్రం తిరస్కరించింది.

యూపీ ఉప ముఖ్యమంత్రి కేశవ్ ప్రసాద్ మౌర్య ఈ ఏడాది ఏప్రిల్‌లో కేంద్ర గ్రామీణాభివృద్ధి శాఖ మంత్రి గిరిరాజ్ సింగ్‌కు లేఖ రాశారు. ఇందులో కేంద్ర ప్రభుత్వం తరపున 2022-23 ఆర్థిక సంవత్సరానికి యూపీకి 13 లక్షల ఇళ్లను కేటాయించాలని కోరారు. యూపీకి 2020-21, 2021-22లో హౌసింగ్ ప్లస్ జాబితా కింద ఇప్పటివరకు 11.66 లక్షల ఇళ్లను కేటాయించారు.

11.66 లక్షల ఇళ్లు కేటాయించారు
మే నెలలో యూపీ ఉప ముఖ్యమంత్రి కేశవ్ ప్రసాద్ మౌర్య లేఖపై కేంద్ర మంత్రి గిరిరాజ్ సింగ్ స్పందిస్తూ.. కేంద్ర ప్రభుత్వం తరఫున నిపుణుల కమిటీ సూచన మేరకు ఉత్తరప్రదేశ్‌కు ఇప్పటికే 11.66 లక్షల ఇళ్లను మంజూరు చేసినట్లు చెప్పారు. తుది కేటాయింపులుగా ఇచ్చామని, పేదలకు ఇళ్ల స్థలాలు అందించేందుకు 2016లో కేంద్ర ప్రభుత్వం ప్రధాన మంత్రి ఆవాస్ యోజన-గ్రామీన్‌ను ప్రారంభించింది. దీని కింద 2022 నాటికి దేశంలోని గ్రామీణ ప్రాంతాల్లోని ప్రజలందరికీ సొంత ఇళ్లు అందించాలనే లక్ష్యంగా పెట్టుకున్నారు. దీని కింద 2.95 కోట్ల ఇళ్లు నిర్మించాల్సి ఉంది.

అదే సమయంలో సామాజిక, ఆర్థిక, కుల గణన (SECC) 2011 డేటాను అంచనా వేసిన తర్వాత 2.15 కోట్ల మంది లబ్ధిదారులను గుర్తించారు. ఇది కాకుండా, మిగిలిన 80 లక్షల మందిని రాష్ట్రాలు, కేంద్ర పాలిత ప్రాంతాలలో ఆవాస్ ప్లస్ ద్వారా కేంద్ర గ్రామీణాభివృద్ధి మంత్రిత్వ శాఖ గుర్తించింది. ఆవాస్ ప్లస్ అనేది SECC 2011 పరిధిలోకి రాని వ్యక్తుల మధ్య సర్వేలను నిర్వహించడానికి రూపొందించబడిన మొబైల్ యాప్.

అర్హులైన కుటుంబాల ఎంపిక ..

SECC నిబంధనల ప్రకారం.. 14.49 లక్షల కుటుంబాలు అర్హులుగా గుర్తించినట్లు కేంద్ర గ్రామీణాభివృద్ధి మంత్రిత్వ శాఖ వర్గాలు తెలిపాయి. యూపీ ప్రభుత్వం చేసిన ఆవాస్ ప్లస్ సర్వేలో అదనంగా 32.86 లక్షల కుటుంబాలు ఈ పథకానికి అర్హులుగా గుర్తించారు. అయితే హౌసింగ్ ప్లస్ సర్వేను అంచనా వేయడానికి ఏర్పాటైన నిపుణుల కమిటీ 11.66 లక్షల కుటుంబాలను మాత్రమే అర్హులుగా గుర్తించిందని కేంద్ర ప్రభుత్వం తెలిపింది.

మరిన్ని బిజినెస్ వార్తల కోసం ఇక్కడ క్లిక్ చేయండి