రాహుల్ గాంధీ దేశంలోనే నంబర్ వన్ టెర్రరిస్టు.. కేంద్ర మంత్రి రవ్వ‌నీత్ సింగ్ బిట్టు వివాదాస్పద వ్యాఖ్యలు
కేంద్ర సహాయ మంత్రి, బీజేపీ నేత రవ్‌నీత్ సింగ్ బిట్టు సంచలన వ్యాఖ్యలు చేశారు. బీహార్‌లోని భాగల్‌పూర్‌లో జరిగిన కార్యక్రమంలో పాల్గొన్న కేంద్ర మంత్రి బిట్టు.. ప్రతిపక్ష నేత రాహుల్ గాంధీని దేశంలోనే నంబర్ వన్ టెర్రరిస్టుగా అభివర్ణించారు.
కేంద్ర సహాయ మంత్రి, బీజేపీ నేత రవ్‌నీత్ సింగ్ బిట్టు సంచలన వ్యాఖ్యలు చేశారు. బీహార్‌లోని భాగల్‌పూర్‌లో జరిగిన కార్యక్రమంలో పాల్గొన్న కేంద్ర మంత్రి బిట్టు.. ప్రతిపక్ష నేత రాహుల్ గాంధీని దేశంలోనే నంబర్ వన్ టెర్రరిస్టుగా అభివర్ణించారు. సిక్కుల్లో చిచ్చు పెట్టేందుకు రాహుల్‌గాంధీ కుట్ర చేస్తున్నారని ఆరోపించారు. కేంద్రం ఆయన తలపై రివార్డు ప్రకటించాలని డిమాండ్ చేశారు. కాంగ్రెస్ అధినేత రాహుల్ గాంధీ పేదల ఇళ్లకు వెళ్లి ఫొటోలు దిగుతున్నారని అన్నారు. అతను భారతదేశంలో కాదని, విదేశాలలో పెరిగాడన్నారు. ఎక్కువ సమయం విదేశాల్లో గడిపారు. స్నేహితులు, బంధువులు అందరూ విదేశీయులేనని రవ్‌నీత్ సింగ్ బిట్టు స్పష్టం చేశారు.
రాహుల్ గాంధీకి దేశాన్ని పెద్దగా ప్రేమించడం తెలియదని కేంద్ర మంత్రి అన్నారు. అందుకే బయటకు వెళ్లి ప్రతి విషయంలోనూ తప్పుడు ప్రకటనలు ఇస్తున్నారన్నారు. ఒక్కోసారి ఓబీసీ గురించి, ఒక్కోసారి కులం గురించి మాట్లాడుతున్నారని ఎద్దేవా చేశారు. రాహుల్ గాంధీ ఏం చెప్పాలో, ఏం చేయాలో తోచడం లేదు. 2009లో మేమిద్దరం కలిసి ఎంపీలం అయ్యాం, కానీ నేటికీ ఆయన అర్థం చేసుకోలేకపోయారని రవ్‌నీత్ సింగ్ బిట్టు పేర్కొన్నారు.
రాహుల్ గాంధీని ప్రస్తావిస్తూ, ఈ రోజు కూడా అతను రిక్షా పుల్లర్ వద్దకు వెళుతున్నాడని, అతని బాధ ఏమిటో ఇప్పటివరకు రాహుల్ గాంధీకి తెలియలేదని అన్నారు. ప్రతిపక్ష నాయకుడిగా ఫోటో కోసం ఎక్కడికైనా వెళ్లి, తర్వాత దాన్ని ఎగతాళి చేస్తారన్నారు. నేటికీ పేద ప్రజల బాధను అర్థం చేసుకోలేకపోతున్నారంటూ రాహుల్ గాంధీపై రవ్‌నీత్ సింగ్ బిట్టు విరుచుకుపడ్డారు. తాజాగా సిక్కులను విభజించడం గురించి మాట్లాడిన తర్వాత, కంకణాలు, తలపాగా ధరించకుండా ఎవరూ అడ్డుకోలేరని అని బీజేపీ నేత బిట్టు అన్నారు.
మరిన్ని జాతీయ వార్తల కోసం ఇక్కడ క్లిక్ చేయండి..