Tragedy: తాగొచ్చిన నాన్న కొడతాడని పెరట్లో దాక్కున్న చిన్నారి.. కాటేసిన విష సర్పం.. పాపం

విధి మనుషుల జీవితాలతో ఎప్పుడు ఎలా ఆడుకుంటుందో చెప్పలేం. దేవుడు రాసిన స్క్రిప్ట్‌లో ఏ పాత్ర ఎప్పుడు ముగుస్తుందో అస్సలు ఊహించలేం. తాజాగా  తమిళనాడు(Tamil Nadu) కన్యాకుమారి(Kanyakumari) కుత్తైకాడు పలవిలైలో హృదయ విదారక ఘటన జరిగింది. రోజూ మద్యం తాగి.. ఇంట్లో గొడవ చేసే నాన్న కోప్పడతాడేమో, కొడతాడేమో అన్న భయంతో ఓ చిన్నారి ఇంటి పెరట్లో దాక్కోగా.. పాము ఆమెను కాటేసింది. వెంటనే ఆస్పత్రికి తరలించినా ఫలితం లేకుండా పోయింది. చికిత్స పొందుతూ ఆ బాలిక కన్నుమూసింది. దీంతో ఆ చిన్నారి తల్లి గుండెలవిసేలా రోదిస్తుంది. విషయం తెలిసి గ్రామస్థులు కూడా కన్నీరు పెట్టుకుంటున్నారు. మంగళవారం రాత్రి ఈ విషాద ఘటన  జరిగింది. వివరాల్లోకి వెళ్తే.. పలవిలై గ్రామంలో సురెందిన్ అనే వ్యక్తి డైలీ లేబర్‌గా పని చేస్తున్నాడు. అతని భార్య సిజిమోల్.. ముగ్గురు పిల్లలు సుశ్విన్​ సిజో(12), సుజిలిన్​ జో(9), సుశ్విక మోల్​(4) ఉన్నారు. సురెందిన్ లిక్కర్‌కు అడిక్ట్ అయ్యాడు.  డైలీ మద్యం సేవించకుండా ఇంటికి వచ్చేవాడు కాదు. పీకలదాకా మద్యం తాగి వచ్చి భార్య, పిల్లలను కొడతాడు. ఈ మంగళవారం రాత్రి కూడా ఇలాగే తాగొచ్చాడు. భార్యను కొడుతుండగా.. పిల్లలు భయంతో పరుగులు తీశారు. పెరట్లోని చెట్ల పొదల్లో దాకున్నారు. ఆపై అక్కడే నిద్రపోయారు. అయితే ఓ పాము.. సుశ్విక నిద్రలో ఉండగా కాటేసింది. ఆ తర్వాత ఆమె అపస్మారక స్థితిలోకి వెళ్లడంతో సమీపంలోని ఆస్పత్రికి తరలించారు. చికిత్స పొందుతూ చిన్నారి తుదిశ్వాస విడిచింది. ఘటనా స్థలానికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.

మరిన్ని క్రైమ్ వార్తల కోసం క్లిక్ చేయండి..