అసెంబ్లీ లోపలా.. బయటా.. అదే బ్యాలెన్స్.. హీరోయిక్ స్టయిల్‌లో దళపతి గవర్నెన్స్!

తమిళంలో మున్నేట్రం అంటే ప్రగతిశీలం అనీ, ప్రోగ్రెసివ్ అనీ ఒక అర్థం ఉంది. డీఎంకే, పీఎంకే, అన్నాడీఎంకే, ఆ ఎంకే.. ఈ ఎంకే.. అని అక్కడ ఏ పార్టీ పేరును డీకోడ్ చేసినా మున్నేట్రం అనే సౌండ్ కచ్చితంగా ఉంటుంది. కానీ, తమిళనాడు రాజకీయాల్లో మాత్రం ఇంచయినా ప్రోగ్రెస్ లేదు. అప్‌డేట్ వెర్షన్లు అసలే ఉండవు. వాడుపోతే వీడు.. వీడు పోతే వాడు. ఒక డీఎంకే పోతే ఇంకో డీఎంకే రావడమే తప్ప అక్కడ మారిందంటూ ఏమీ లేదు. ఏడెనిమిది దశాబ్దాల పాటు రొడ్డకొట్టుడు రొటీన్‌ రాజకీయాలతో విసిగిపోయిన తమిళ జనాలకు విజయ్ అరంగేట్రంతో గొప్ప రిలీఫ్ దొరికింది. పంచెకట్టు పాలిటిక్స్‌ని మడతబెట్టి, తనదైన మాస్ పాలిటిక్స్‌కి, జెన్‌జీ గవర్నెన్స్‌కి గెట్‌సెట్‌ గో చెప్పారు దళపతి విజయ్. ఏ రోజుకారోజు స్టయిలిష్‌ పెర్ఫామెన్స్‌తో ఒకేఒక్కడు టైటిల్‌ని నిలబెట్టుకుంటున్నారు. మాటలతో కాదు, చేతలతో కొడతా అన్నట్టుంది దళపతి స్టయిలాఫ్. మాస్‌ వార్నింగ్‌. పవర్‌లోకి వచ్చి నెలన్నరైనా కాలేదు, అంతలోనే సంచలన నిర్ణయాలతో ట్రెండీగా మారాడు సీఎం జోసెఫ్ విజయ్ చంద్రశేఖరన్. మోస్ట్ పాపులర్ చీఫ్‌ మినిస్టర్ అనే ట్యాగ్‌ని చాలా ఈజీగా సొంతం చేసుకున్నాడని విశ్లేషణలోకి వస్తున్నాయి. పార్టీని, ప్రభుత్వాన్నీ ఒంటిచేత్తో నడిపిస్తూ, సైలెన్స్‌గా తనపని తాను చేసుకుపోతున్న విజయ్ తీరుపై తమిళనాడు లోపలా వెలుపలా పాజిటివ్ వైబ్స్‌ వస్తుంటే, అనుభవం లేదన్న నోళ్లకు ఇట్టే తాళాలు పడిపోతున్నాయి. చెన్నైలోని నెహ్రూ ఇండోర్ స్టేడియంలో సీఎంగా పట్టాభిషేకానికి...