School Holidays: విద్యార్థులకు గుడ్న్యూస్.. ఫిబ్రవరిలో పాఠశాలలకు ఎన్ని రోజులు సెలవులో తెలుసా?
School Holidays: ఫిబ్రవరి 2026 లో అనేక మతపరమైన, చారిత్రక సందర్భాలు వస్తాయి. ఈ సందర్భాలకు వివిధ రాష్ట్రాల్లో ప్రభుత్వ సెలవులు ప్రకటిస్తారు. అయితే, రాష్ట్ర ప్రభుత్వాలు, స్థానిక పరిపాలనల నిర్ణయాలపై సెలవులు ఆధారపడి ఉంటాయి. అందుకే ప్రతి రాష్ట్రానికి తప్పనిసరిగా సెలవు ఉండదు..
School Holidays: ఫిబ్రవరి నెల విద్యార్థులకు చాలా ముఖ్యమైనది. ఈ నెలలో దేశంలోని అనేక ప్రాంతాలలో బోర్డు పరీక్షలు ప్రారంభమవుతాయి. ఈ సమయంలో పాఠశాల, కళాశాల విద్యార్థులు తమ చదువులు, పరీక్షల కోసం పూర్తిగా నిమగ్నమై ఉంటారు. అందువల్ల ఫిబ్రవరి సెలవులు విశ్రాంతి తీసుకోవడానికి మాత్రమే కాకుండా, వారి అధ్యయనాలను మరింత బలోపేతం చేసుకోవడానికి కూడా ఒక అవకాశం. అయితే, ఈ నెలలో కొన్ని రోజులు జాతీయ, సాంస్కృతిక ఉత్సవాల కారణంగా పాఠశాలలు, కళాశాలలు మూసి ఉండనున్నాయి. అందువల్ల ఫిబ్రవరి 2026లో ఏ రోజులు పాఠశాలలు, కళాశాలలు మూసి ఉంటాయో తెలుసుకుందాం.
ఫిబ్రవరి 2026 లో అనేక మతపరమైన, చారిత్రక సందర్భాలు వస్తాయి. ఈ సందర్భాలకు వివిధ రాష్ట్రాల్లో ప్రభుత్వ సెలవులు ప్రకటిస్తారు. అయితే, రాష్ట్ర ప్రభుత్వాలు, స్థానిక పరిపాలనల నిర్ణయాలపై సెలవులు ఆధారపడి ఉంటాయి. అందుకే ప్రతి రాష్ట్రానికి తప్పనిసరిగా సెలవు ఉండదు. అదనంగా విద్యార్థులకు శని, ఆదివారాల్లో కూడా సాధారణ సెలవులు లభిస్తాయి. బోర్డు పరీక్షలు రాసే విద్యార్థులకు, పరీక్షలు నిర్వహించని కొన్ని రోజులు కూడా ఉంటాయి. దీనివల్ల వారికి సిద్ధం కావడానికి సమయం లభిస్తుంది.
ఫిబ్రవరి 1న సంత్ రవిదాస్ జయంతి
ఫిబ్రవరి నెల సంత్ రవిదాస్ జయంతితో ప్రారంభమవుతుంది. సంత్ రవిదాస్ జయంతిని ఫిబ్రవరి 1, 2026న జరుపుకుంటారు. ఉత్తర భారతదేశంలోని అనేక రాష్ట్రాల్లో ఈ రోజు చాలా ముఖ్యమైనదిగా పరిగణించబడుతుంది. హర్యానా, పంజాబ్, చండీగఢ్, హిమాచల్ ప్రదేశ్, మధ్యప్రదేశ్ వంటి రాష్ట్రాలు ఈ రోజున సెలవు ప్రకటిస్తాయి. అయితే, ఈ సంవత్సరం సంత్ రవిదాస్ జయంతి ఆదివారం నాడు వస్తుంది. ఆదివారం ఇప్పటికే పాఠశాలలు, కళాశాలలకు సెలవు దినం. అందుకే విద్యార్థులకు అదనపు సెలవు లభించదు.
Gold and Silver Prices: భారీగా పతనం.. బంగారంపై రూ.8,620, వెండిపై 45 వేలు తగ్గింపు.. ఇప్పుడు ఎంతంటే..!
దీని తరువాత ఫిబ్రవరి మధ్యలో మహాశివరాత్రి పండుగ వస్తుంది. దేశవ్యాప్తంగా ప్రధాన హిందూ పండుగ మహాశివరాత్రి. ఈ రోజున శివాలయాలలో ప్రత్యేక పూజలు నిర్వహిస్తారు అనేక రాష్ట్రాల్లో మహాశివరాత్రి నాడు పాఠశాలలు, కళాశాలలు, ప్రభుత్వ కార్యాలయాలు మూసి ఉంటాయి. ఫిబ్రవరి 2026లో మహాశివరాత్రి ఫిబ్రవరి 15న వస్తుంది. ఈ రోజు ఆదివారం నాడు రావడం కూడా గమనార్హం. అటువంటి పరిస్థితిలో చాలా చోట్ల, పాఠశాలలకు క్రమం తప్పకుండా వారపు సెలవులు ఉంటాయి. .
ఈ తేదీలలో కూడా సెలవులు
ఫిబ్రవరిలో జరిగే మరో ముఖ్యమైన పండుగ లోసర్. ఈ పండుగను సిక్కిం, కొన్ని కొండ ప్రాంతాలలో ప్రత్యేకంగా జరుపుకుంటారు. లోసర్ను టిబెటన్ నూతన సంవత్సరంగా జరుపుకుంటారు. అక్కడి ప్రజలకు ప్రత్యేక ప్రాముఖ్యతను కలిగి ఉంటుంది. లోసర్ ఫిబ్రవరి 18, 2026న వస్తుంది. సిక్కింలో ఈ రోజున పాఠశాలలు, కళాశాలలు, ప్రభుత్వ సంస్థలు మూసి ఉండవచ్చు. అయితే దేశంలోని మిగిలిన ప్రాంతాలలో సాధారణ వ్యాపార కార్యకలాపాలు కొనసాగుతాయి.
Property Rules: ఈ ఒక్క తప్పు చేస్తే మీ తండ్రి ఆస్తిలో ఒక్క పైసా కూడా మీకు రాదు!
ఫిబ్రవరిలో మరో ముఖ్యమైన రోజు ఫిబ్రవరి 19. ఆ రోజున ఛత్రపతి శివాజీ మహారాజ్ జయంతిని జరుపుకుంటారు. మహారాష్ట్రలో ఛత్రపతి శివాజీ మహారాజ్ జయంతిని విస్తృతంగా జరుపుకుంటారు. ఈ రోజు రాష్ట్రవ్యాప్తంగా ప్రభుత్వ సెలవుదినం. పాఠశాలలు, కళాశాలలు, ప్రభుత్వ కార్యాలయాలు మూసి ఉటాయి. ఈ రోజు పాఠశాల విద్యార్థులకు ప్రత్యేకమైనది. చాలా రాష్ట్రాల్లో సెలవు ఉంటుంది. ఎందుకంటే చాలా ప్రదేశాలు సాంస్కృతిక కార్యక్రమాలు, వేడుకలను కూడా నిర్వహిస్తాయి. ఈ పండుగలతో పాటు ఫిబ్రవరిలో క్రమం తప్పకుండా శని, ఆదివారాల్లో సెలవులు కూడా ఉంటాయి. అయితే ఇక్కడ 17న శనివారం వస్తుంది. కొన్ని ప్రాంతాల్లో శనివారాలు పాఠశాలలకు సెలవు ఇస్తాయి. కొన్ని పాఠశాలల్లో ఆఫ్ డే ఉంటుంది. ఇక 18న ఆదివారం, 19న ఛత్రపతి శివాజీ జయంతి. ఇలా కలుపుకొంటే మూడు రోజుల పాటు సెలవులు వచ్చే అవకాశాలు ఉన్నాయి. ఒక వేళ శనివారం సెలవు లేకుంటే ఆది, సోమ రెండు రోజుల పాటు విద్యార్థులకు సెలవులు వస్తాయి. అయితే ఇది అన్ని రాష్ట్రాల్లో ఉండకపోవచ్చు. కొన్ని రాష్ట్రాల్లో మాత్రమే ఈ వెసులుబాటు ఉంటుంది.