Scrappage Policy: స్క్రాప్ పాలసీని ప్రారంభించిన ప్రధాని మోడీ.. స్క్రాప్ సర్టిఫికెట్‌తో వస్తే.. రిజిస్ట్రేషన్ ఫీజు లేదు..
ప్రధాన మంత్రి నరేంద్ర మోడీ కొత్త వాహన స్క్రాపేజ్ విధానాన్ని ప్రకటించారు. కొత్త స్క్రాపేజ్ విధానం స్వయంశక్తిని పెంచుతుందని ప్రధాని వెల్లడించారు. గుజ‌రాత్‌లో జ‌రిగిన పెట్టుబ‌డిదారుల స‌ద‌స్సులో వ‌ర్చువ‌ల్‌గా పాల్గొన్న మోదీ..
ప్రధాన మంత్రి నరేంద్ర మోడీ కొత్త వాహన స్క్రాపేజ్ విధానాన్ని ప్రకటించారు. కొత్త స్క్రాపేజ్ విధానం స్వయంశక్తిని పెంచుతుందని ప్రధాని వెల్లడించారు. గుజ‌రాత్‌లో జ‌రిగిన పెట్టుబ‌డిదారుల స‌ద‌స్సులో వ‌ర్చువ‌ల్‌గా పాల్గొన్న మోదీ.. ఈ కొత్త విధానాన్ని ప్రారంభిస్తున్న‌ట్లు ప్రకటించారు. ఈ తుక్కు పాలసీ రూ.10 వేల కోట్ల పెట్టుబ‌డుల‌ను తీసుకురానున్న‌ట్లు ఈ సంద‌ర్భంగా మోదీ చెప్పారు. గుజ‌రాత్‌లోని అలంగ్ ఈ వాహ‌నాల తుక్కుకు హ‌బ్‌గా మార‌గ‌ల‌ద‌ని అన్నారు. దీనివల్ల దేశంలో 10 వేల కోట్ల రూపాయల కొత్త పెట్టుబడులు వస్తాయని భావిస్తున్నారు. దేశ ఆర్థిక వ్యవస్థకు మొబిలిటీ ఒక పెద్ద కారకం.. ఆర్థికాభివృద్ధికి ఇది చాలా సహాయకారిగా ఉంటుందని అన్నారు.
ఈ కార్య‌క్ర‌మానికి కేంద్ర రోడ్డు ర‌వాణా, హైవేల శాఖ మంత్రి నితిన్ గ‌డ్క‌రీ ప్ర‌త్య‌క్షంగా హాజ‌ర‌య్యారు. ఈ వాహన స్క్రాప్ పాలసీ కార‌ణంగా ముడి స‌రుకుల ధ‌ర‌లు 40 శాతం వ‌ర‌కూ త‌గ్గుతాయ‌ని గ‌డ్క‌రీ అన్నారు. ఆటోమొబైల్ త‌యారీలో ఇండియా ఇండ‌స్ట్రియ‌ల్ హ‌బ్‌గా మారుతుంద‌ని ఆయ‌న చెప్పారు. ప‌బ్లిక్ ప్రైవేట్ భాగ‌స్వామ్యంతో దేశంలోని అన్ని జిల్లాల్లో టెస్టింగ్ కేంద్రాల‌ను ఏర్పాటు చేయ‌నున్న‌ట్లు గ‌డ్క‌రీ వెల్లడించారు.
ఈ పాలసీ గురించి ఓ సారి తెలుసుకుందాం…
పాత, కాలుష్యానికి కార‌ణ‌మ‌వుతున్న త‌మ వాహనాలను తుక్కు కింద మార్చ‌డానికి ముందుకు వ‌చ్చే య‌జ‌మానుల‌కు ఈ కొత్త విధానం కార‌ణంగా ల‌బ్ధి క‌ల‌గ‌నుంది. ఈ విధానంలో భాగంగా 15 ఏళ్లు పైబ‌డిన వాణిజ్య వాహనాలు, 20 ఏళ్లు పైబ‌డిన వ్య‌క్తిగ‌త వాహనాలను తుక్కు చేయాల్సి ఉంటుంది. మొద‌ట ఈ విధానాన్ని ప్ర‌భుత్వ వాహ‌నాల‌కు అమ‌లు చేయ‌నుండ‌గా.. ఆ తర్వాత భారీ వాణిజ్య వాహనాలు, వ్య‌క్తిగ‌త వాహ‌నాల‌కు అమ‌లు చేస్తారు. వ‌చ్చే ఏడాది ఏప్రిల్‌లోగా కేంద్ర, రాష్ట్ర ప్ర‌భుత్వాల ద‌గ్గ‌ర ఉన్న 15 ఏళ్లు పైబ‌డిన వాహనాలను తుక్కుగా మార్చాల‌ని ల‌క్ష్యంగా పెట్టుకున్నారు. వ్య‌క్తిగ‌త వాహనాలను 2024 జూన్ నుంచి స్క్రాప్ కింద మ‌ల‌చ‌నున్నారు.
అదే సమయంలో, మరిన్ని ఉద్యోగాలు సృష్టించబడతాయి. స్క్రాప్ పాలసీ కింద 15 మరియు 20 సంవత్సరాల పాత వాహనాలు రద్దు చేయబడతాయని మీకు తెలియజేద్దాం. 15 సంవత్సరాల తర్వాత వాణిజ్య వాహనాన్ని జంక్‌గా ప్రకటించగలిగినప్పటికీ, ప్రైవేట్ కారుకు ఇది 20 సంవత్సరాలు. సరళమైన మాటల్లో చెప్పాలంటే, మీ 20 ఏళ్ల పర్సనల్ కారు చెత్తలో చెత్తలా అమ్ముతారు. వాహన యజమానులు నిర్ణీత సమయం తర్వాత వాటిని ఆటోమేటెడ్ ఫిట్‌నెస్ సెంటర్‌కు తీసుకెళ్లాలి. రద్దు చేసే విధానం వాహన యజమానుల ఆర్థిక నష్టాన్ని తగ్గించడమే కాకుండా, వారి ప్రాణాలను కూడా కాపాడుతుందని ప్రభుత్వం పేర్కొంది.
విధానం ప్రకారం, 20 సంవత్సరాల వయస్సు ఉన్న వాహనాలు ఫిట్‌నెస్ పరీక్షలో ఉత్తీర్ణత సాధించలేవు లేదా తిరిగి నమోదు చేసుకోలేవు. వాలంట‌రీ వెహికిల్ ఫ్లీట్ మోడెర్నైజేష‌న్ ప్రోగ్రామ్ లేదా వాహ‌నాల తుక్కు పాలసీ( scrappage policy )ని శుక్ర‌వారం ప్రధాని నరేంద్ర మోదీ ప్రారంభించారు.
ఇవి కూడా చదవండి: Gupta Nidhulu: గ్రామస్థులకు పట్టించిన చిన్న డౌట్.. అంతా అనుకున్నట్లుగా జరిగితే ఏం జరిగేదో..
Horoscope Today: ఈరాశుల వారికి ఆరోగ్యం పట్ల జాగ్రత్తగా ఉండాలి.. ఈరోజు రాశిఫలాలు..