దేశవ్యాప్తంగా ఘనంగా రక్షాబంధన్.. చిన్నారులతో రాఖీ కట్టించుకున్న ప్రధాని మోదీ
తోబుట్టువుల అనుబంధానికి ప్రతీకగా దేశవ్యాప్తంగా రక్షాబంధన్ పండుగను ఘనంగా నిర్వహించారు. ఈ వేడుకల్లో ప్రధానమంత్రి నరేంద్ర మోదీ పాల్గొన్నారు. ఢిల్లీలోని పాఠశాలల చిన్నారులు ప్రధానికి రాఖీలు కట్టి తమ ఆత్మీయతను చాటుకున్నారు. చిన్నారులతో మోదీ సరదాగా ముచ్చటించి, దేశ ప్రజలందరికీ రక్షాబంధన్ శుభాకాంక్షలు తెలిపారు.
Updated on: Aug 28, 2026 | 2:23 PM
న్యూఢిల్లీ: తోబుట్టువుల మధ్య ప్రేమ, ఆప్యాయత, నమ్మకానికి ప్రతీకగా నిలిచే రక్షాబంధన్ పండుగను దేశవ్యాప్తంగా శుక్రవారం (ఆగస్టు 28) ఘనంగా నిర్వహిస్తున్నారు. సోదరీమణులు తమ సోదరుల మణికట్టుకు రాఖీ కట్టి, వారి సుఖసంతోషాలను ఆకాంక్షిస్తుండగా.. సోదరులు ప్రేమకు గుర్తుగా బహుమతులు అందిస్తున్నారు. దేశవ్యాప్తంగా పలు ప్రాంతాల్లో సంప్రదాయబద్ధంగా రాఖీ వేడుకలు కొనసాగుతున్నాయి.
భారత ప్రధానమంత్రి నరేంద్ర మోదీ రక్షాబంధన్ వేడుకల్లో పాల్గొన్నారు. ఢిల్లీలోని వివిధ పాఠశాలలకు చెందిన విద్యార్థినులు ప్రధానిని కలిసి ఆయనకు రాఖీలు కట్టారు. చిన్నారులతో మోదీ సరదాగా ముచ్చటించారు. వారితో షేక్హ్యాండ్ ఇవ్వడంతో పాటు హైఫైవ్లు ఇస్తూ ఉత్సాహంగా గడిపారు. చిన్నారులతో ఆయన ఆత్మీయంగా మాట్లాడిన దృశ్యాలు ఆకట్టుకున్నాయి.
Some memorable moments from Raksha Bandhan celebrations at 7, Lok Kalyan Marg.
May this festival deepen the bonds of affection and harmony.
May it bring happiness and prosperity to everyone. pic.twitter.com/8vpTrfDeIY
— Narendra Modi (@narendramodi) August 28, 2026
రక్షాబంధన్ సందర్భంగా ప్రధాని మోదీ దేశ ప్రజలకు శుభాకాంక్షలు తెలిపారు. ఈ పవిత్ర పండుగ ప్రతి ఒక్కరి జీవితాల్లో సంతోషం, శ్రేయస్సు, విజయాన్ని తీసుకురావాలని ఆకాంక్షించారు. ప్రజల మధ్య ఉన్న ఆప్యాయత, అనుబంధం, పరస్పర నమ్మకం వంటి బంధాలు ఎప్పటికీ చెక్కుచెదరకుండా ఉండాలని కోరుకున్నారు.
High fives, smiles and more during today’s Raksha Bandhan celebrations at 7, LKM. pic.twitter.com/dMTJHxlVhH
— Narendra Modi (@narendramodi) August 28, 2026
మరోవైపు కేంద్ర హోంమంత్రి అమిత్ షా కూడా రక్షాబంధన్ సందర్భంగా దేశ ప్రజలకు శుభాకాంక్షలు తెలిపారు. సోదర సోదరీమణుల మధ్య విడదీయరాని ప్రేమ, విశ్వాసానికి రక్షాబంధన్ ప్రతీక అని పేర్కొన్నారు. ఈ పండుగ ప్రతి ఒక్కరి జీవితాల్లో ఆనందం, శాంతి, శ్రేయస్సును నింపాలని ఆకాంక్షించారు.
కేంద్ర రక్షణ మంత్రి రాజ్నాథ్ సింగ్ కూడా రక్షాబంధన్ శుభాకాంక్షలు తెలిపారు. ఈ పండుగ భారతీయ సంస్కృతి, సంప్రదాయాలు, విలువలను ప్రతిబింబిస్తుందని పేర్కొన్నారు. మహిళల గౌరవం, భద్రత, ఆత్మగౌరవాన్ని కాపాడేందుకు సమాజం మరింత బాధ్యతగా వ్యవహరించాల్సిన అవసరాన్ని ఈ పండుగ గుర్తుచేస్తుందని అన్నారు. మహిళల సాధికారత, ఆత్మగౌరవం పట్ల ప్రతి ఒక్కరూ నిబద్ధతతో ఉండాలని పిలుపునిచ్చారు.
Rakshabandhan celebrations at my residence in New Delhi. Shared the joy and affection of Rakhi festival with young India. pic.twitter.com/5zTS5X2NC2
— Rajnath Singh (@rajnathsingh) August 28, 2026
ఇలా దేశవ్యాప్తంగా సాధారణ ప్రజల నుంచి ప్రముఖుల వరకు రక్షాబంధన్ వేడుకల్లో పాల్గొంటున్నారు. రాఖీ దారంతో కేవలం అన్నాచెల్లెళ్ల బంధమే కాదు.. ప్రేమ, నమ్మకం, రక్షణ, ఆత్మీయతకు ప్రతీకగా ఈ పండుగ నిలుస్తోంది.
ప్రధాని మోదీ వీడియో ఇక్కడ చూడండి..
మరిన్ని జాతీయ వార్తల కోసం ఇక్కడ క్లిక్ చేయండి..
