పీఎం కేర్స్ ఫండ్ కి మోదీ విరాళం రూ. 2.25 లక్షలు

పీఎం కేర్స్ ఫండ్ కి ప్రధాని మోదీ స్వయంగా తన సొంత జేబు నుంచి రూ. 2.25 లక్షల విరాళం ఇచ్చారని ప్రధానమంత్రి కార్యాలయవర్గాలు తెలిపాయి. ఈ ఫండ్ ని ఏర్పాటు చేయగానే తొలి కార్పస్ ఫండ్ గా ఈ సొమ్మును అందజేసినట్టు ఈ వర్గాలు పేర్కొన్నాయి. ఈ ఫండ్ కింద సేకరించిన నిధులను కరోనా వైరస్ పై పోరులో అత్యవసర సందర్భాల్లో వినియోగించనున్నారు. బాలికల విద్య నుంచి గంగానది ప్రక్షాళన వరకు వివిధ ప్రజా సంక్షేమ కార్యక్రమాలకు ప్రధాని డొనేషన్లు ఇస్తున్నారని ఈ వర్గాలు చెప్పాయి. మొత్తం విరాళాలు రూ. 103 కోట్లకు చేరుకున్నట్టు వివరించాయి.

పీఎం కేర్స్ ఫండ్ కు అసలు చట్టబధ్ధత  ఉందా అని కాంగ్రెస్ సహా ప్రతిపక్షాలు ప్రశిస్తున్న వేళ.. పీఎంఓ ఈ ప్రకటన చేసింది.