Road Carpet: రోడ్‌ కార్పెట్‌.. కావాలంటే తీసి పక్కన పడేయొచ్చు.. షాక్‌లో స్థానికులు..

Maharastra Poor Road

రెడ్‌ కార్పెట్లు చూశాంగానీ, రోడ్‌ కార్పెట్‌ ఎక్కడైనా చూశారా..? కానీ, సోషల్ మీడియాలో 38 సెకన్ల వీడియోలో మాత్రం అలాంటి విషయమే వైరల్ అవుతోంది. వీడియోలో స్థానిక కాంట్రాక్టర్ నిర్మించిన రోడ్డు కింద టార్పాలిన్ లాంటి మెటీరియల్ వేసి దాని పైన తారు వేశారు. వీడియోలో రాణా ఠాకూర్ అనే స్థానిక కాంట్రాక్టర్ చేసిన పేలవమైన పనిని గ్రామస్థులు ప్రశ్నిస్తున్నారు. టార్పు కింద తారు వేసి నకిలీ రోడ్డు వేశారని ప్రజలు ఆరోపిస్తున్నారు. మహారాష్ట్రలో రాణా ఠాకూర్‌ అనే కాంట్రాక్టర్‌- పాతరోడ్డుమీద కార్పెట్‌ను పరచి, దానిమీద తారును పోశాడు. రోడ్డు నిర్మించానని చేతులు దులుపుకున్నాడు. గ్రామస్తులు ఈ కాంట్రాక్టర్ బండారం బట్టబయలు చేశారు. ఈ వీడియో తెగ వైరల్‌ అవుతోంది.

ఈ ఘటన మహారాష్ట్రలోని జల్నా జిల్లా అంబాద్ తాలూకా కర్జాత్-హస్త్ పోఖారీలో చోటుచేసుకుంది. ప్రధాన మంత్రి గ్రామీణ రహదారి పథకం కింద ఈ రహదారిని నిర్మించినట్లు సమాచారం . రోడ్డు నిర్మాణానికి జర్మన్ టెక్నాలజీని ఉపయోగిస్తామని కాంట్రాక్టర్ చెప్పినట్లు సమాచారం. అయితే వీడియోలో చూసినట్లుగా గ్రామస్తులు తారు వేయడం నాసిరకంగా జరిగిందని ఆరోపించారు. మహారాష్ట్ర ప్రభుత్వంపై స్థానికులు తీవ్ర విమర్శలు చేస్తున్నారు.

మేక్ ఇన్ ఇండియా వెబ్‌సైట్ ప్రకారం, భారతదేశం 63.32 లక్షల కిలోమీటర్ల పొడవుతో ప్రపంచంలో రెండవ అతిపెద్ద రోడ్ నెట్‌వర్క్‌ను కలిగి ఉంది. రోడ్డు నిర్మాణాన్ని అమలు చేయడానికి రోడ్డు రవాణా, రహదారుల మంత్రిత్వ శాఖ వివిధ ఏజెన్సీలను కలిగి ఉంది. వీటిలో నేషనల్ హైవేస్ అథారిటీ ఆఫ్ ఇండియా, పబ్లిక్ వర్క్స్ డిపార్ట్‌మెంట్ ఆఫ్ స్టేట్స్, యూనియన్ టెరిటరీస్, నేషనల్ హైవేస్ అండ్ ఇన్‌ఫ్రాస్ట్రక్చర్ డెవలప్‌మెంట్ కార్పొరేషన్, ఇన్‌స్టిట్యూట్ ఆఫ్ బోర్డర్ రోడ్స్, ఇండియన్ అకాడమీ ఆఫ్ హైవే ఇంజనీర్స్ (IAHE) ఉన్నాయి. సాంప్రదాయిక రహదారి నిర్మాణంలో, మన్నికను నిర్ధారించడానికి కంకర, ఇసుక మిశ్రమాన్ని ఉపయోగించినట్లు నివేదించబడింది. ఇటీవలి సంవత్సరాలలో, ఇంజనీర్లు రోడ్ల మన్నికను పెంచడానికి కాంక్రీటును ఉపయోగించడం ప్రారంభించారు.

మరిన్ని జాతీయ వార్తల కోసం