Gangrape: ఇంతకంటే దారుణం ఉండదేమో.. రక్షక భటుడే భక్షకుడయ్యాడు.. కాపాడయ్యా అంటే కాటేశాడు..
ఉత్తరప్రదేశ్‌లోని షాజాహాన్‌ పూర్‌లో దారుణం వెలుగు చూసింది. తనపై అత్యాచారం జరిగిందంటూ ఫిర్యాదు చేయడానికి వెళ్లిన బాధిత మహిళపై ఓ పోలీసు..
Updated on: Dec 25, 2020 | 5:35 AM
Gangrape: ఉత్తరప్రదేశ్‌లోని షాజాహాన్‌ పూర్‌లో దారుణం వెలుగు చూసింది. తనపై అత్యాచారం జరిగిందంటూ ఫిర్యాదు చేయడానికి వెళ్లిన బాధిత మహిళపై ఓ పోలీసు అధికారి అత్యాచారం చేశాడు. ఈ దారుణ ఘటన జలాలాబాద్ పోలీస్ స్టేషన్‌లో చోటు చేసుకుంది. వివరాల్లోకెళితే.. జలాలాబాద్ పోలీస్ స్టేషన్ పరిధిలోని ఓ గ్రామానికి చెందిన మహిళ(35) మదన్‌పూర్ గ్రామానికి నడుచుకుంటూ వెళ్తుండగా.. ఐదుగురు దుండగలు వచ్చి ఆమెను బలవంతంగా కారులో లాక్కెళ్లారు. నిర్మానుష్య ప్రదేశానికి తీసుకెళ్లి సామూహిక అత్యాచారానికి పాల్పడ్డారు. ఆపై వదిలేశారు. దాంతో బాధిత మహిళ జలాలాబాద్ పోలీస్ స్టేషన్‌లో ఫిర్యాదు చేయడానికి వెళ్లింది. అయితే ఆ స్టేషన్‌లోని సబ్ ఇన్‌స్పెక్టర్ బాధిత మహిళను తన గదిలోకి లాక్కెళ్లి బలత్కారం చేశాడు. ఆ తరువాత జరిగిన దారుణాన్ని సావధానంగా విని ఎఫ్ఐఆర్ నమోదు చేసి పంపించాడు. అయితే, పోలీసులు సైతం తనపై దారుణానికి ఒడిగట్టడంతో బాధితురాలు నేరుగా బరేలి ఏడీజీ అవినాష్ చంద్రను ఆశ్రయించింది. తనకు జరిగిన అన్యాయాన్ని పూసగుచ్చినట్లు వివరించింది. మహిళ ఫిర్యాదు మేరకు స్పందించిన ఏడీజీ. విచారణకు ఆదేశించారు. నిందితులపై కఠిన చర్యలు తీసుకుంటామని హెచ్చరించారు.
Also read:
Christmas: క్రిస్మస్ వేళ రుచికరమైన కేక్.. సులభంగా మీ వంటింట్లోనే తయారుచేసుకోండిలా..
హైదరాబాద్ అక్రమ కట్టడాల కూల్చివేతలో ఉద్రిక్తత.. నిప్పుఅంటుకొని పోలీసు అధికారికి తీవ్రగాయాలు
