Karnataka: పెద్దలను ఎదురించి వెళ్లిపోయారు.. కట్ చేస్తే గోనె సంచిలో డెడ్ బాడీ.. అసలేం జరిగిందంటే..

Murder Case

ఇద్దరూ ఓకే ప్రాంతానికి చెందిన వారు. ఫ్రెండ్స్ గా ఉన్న పరిచయం ప్రేమగా మారింది. ఒకరిని విడిచి మరొకరు ఉండలేనంత గాఢంగా మారింది. ఈ విషయం వారి తల్లిదండ్రులకు తెలిసింది. పద్ధతి మార్చుకోవాలని, దూరంగా ఉండాలని వార్నింగ్ ఇచ్చారు. కానీ ఆ ఎడబాటును వారు భరించలేకపోయారు. ఇంట్లో నుంచి ఇద్దరూ పారిపోయారు. ఇలా జరిగిన కొన్ని రోజులకే యువకుడు మృతదేహం కుళ్లిన స్థితిలో లభ్యం కావడం సంచనంగా మారింది. విజయపుర జిల్లాకు చెందిన భీమన్న డిగ్రీ చదువుతున్నారు. అదే ప్రాంతానికి చెందిన ఓ యువతి ఇంటర్ సెకండియర్ చదువుతోంది. వీరి మధ్య పరిచయం ఏర్పడింది. ఆ పరిచయం ప్రేమగా మారింది. విషయం తెలుసుకున్న యువతి కుటుంబ సభ్యులు వారిని మందలించారు. ఇంకెప్పుడూ కలుసుకోవద్దని హార్నింగ్ ఇచ్చారు. అంతే కాకుండా వారిని కాలేజీ కూడా మార్పించారు. అయితే.. పెద్దల మాటలు పట్టించుకోకుండా యువతీయువకులిద్దరూ సెప్టెంబర్​ 20 న ఇంటి నుంచి పారిపోయారు. గమనించిన కుటుంబసభ్యులు గ్రామంలో వెతికారు. తెలిసిన వాళ్ల ఇళ్లకు వెళ్లారేమోనని ఆరా తీశారు. అయినా లాభం లేకపోవడంతో టికోటా పోలీస్​స్టేషన్​లో ఫిర్యాదు చేశారు. వారి ఫిర్యాదు ఆధారంగా పోలీసులు కేసు నమోదు చేసుకుని దర్యాప్తు చేపట్టారు.

ఈ క్రమంలో అక్టోబర్​10న కృష్ణా నది ఒడ్డున ఓ గోనె సంచిలో కుళ్లిన స్థితిలో ఉన్న డెడ్ బాడీని పోలీసులు గుర్తించారు. మృతుడు వేసుకున్న టీ-షర్ట్​ ఆధారంగా అతను భీమన్న అని గుర్తించారు. వెంటనే అతని కుటుంబసభ్యులకు సమాచారం అందిచారు. అయితే.. యువతికి సంబంధించిన వివరాలు ఇంకా లభ్యం కాలేదు. ఆమెను కూడా చంపేసి ఉంటారని పోలీసులు ప్రాథమికంగా అనుమానిస్తున్నారు. దీనిపై మరిన్ని వివరాలు తెలియాల్సి ఉంది.

ఈ ఘటనపై మృతుడి తల్లిదండ్రులు తీవ్ర ఆవేదన వ్యక్తం చేస్తున్నారు. ప్రేమిస్తున్నాడన్న కారణంతో యువతి తరఫు బంధువులే చంపేసి ఉంటారని ఆరోపిస్తున్నారు. అమ్మాయి కుటుంబ సభ్యులపై అనుమానంతో ఆమె తండ్రిని, మేనమామని పోలీసులు అదుపులోకి తీసుకుని విచారణ చేస్తున్నారు.