కోవిడ్ వార్డే మ్యారేజ్ హాలుగా మారిన వేళ, వరుడికి పాజిటివ్, చెదరని వధువు, కేరళలో విచిత్రం

Covid Ward At Alappuzha Medical College

కోవిడ్ అంటే మాకేం భయం అంటున్నారు కేరళలో ఓ యువ జంట. దేశంలో  కోవిడ్ మహమ్మారి మృత్యు ఘంటికలు మోగిస్తున్నవేళ.. తమ పెళ్లి ఘడియలకు ఇవే మంగళవాయిద్యాలని అంటోందీ జంట. అందుకే  కోవిడ్ వార్డులోనే పెళ్లి చేసుకున్నారు. వివరాల్లోకి వెళ్తే.. అళపుజ జిల్లాలోని మెడికల్ కాలేజీ ఆసుపత్రిలోని ఈ వార్డు వీరి పెళ్లి వేదిక  అయింది. శరత్ మోన్, అభిరామి అనే ఇద్దరూ ప్రేమలో పడ్డారు. ఈ జిల్లాలోని కైనకారి ప్రాంతానికి చెందిన వీరు చాలా రోజులుగా చెట్టాపట్టాలేసుకుని తిరిగారు. ఇక ఇద్దరూ పెళ్లి చేసుకోవాలనుకున్నారు. కానీ కొన్ని రోజుల క్రితం పెళ్లి సన్నాహాల్లో ఉండగానే  శరత్ కరోనా వైరస్ పాజిటివ్ బారిన పడ్డాడు. ఆ తరువాత అతని తల్లికి కూడా పాజిటివ్ సోకింది. ఈ తల్లీ కొడుకులిద్దరినీ ఆళపుజ మెడికల్ కాలేజీ ఆసుపత్రిలోని కోవిడ్ వార్డులో చేర్చారు. ఏమైనా తమ పెళ్లి మాత్రం నిలిచిపోరాదని అభిరామి పట్టుబట్టింది. దీంతో వీరి వివాహాన్ని ఏప్రిల్ 25 (ఆదివారం) న జరపాలని రెండు కుటుంబాలూ నిర్ణయించాయి.

జిల్లా కలెక్టర్, ఇతర అధికారుల అనుమతితో అభిరామి ఈ వార్డులోకి పెళ్లి కూతురులా  వచ్చింది . పీపీఈ కిట్ ధరించి వచ్చిన ఈమెకు శరత్ తల్లి పూల దండలు ఇచ్చింది. శరత్, అభిరామి ఇద్దరూ వాటిని మార్చుకున్నారు. అంతే ! వీరి వివాహం ఈ వార్డులోనే జరిగిపోయింది. నిరాడంబరంగా, అందులోనూ కోవిడ్ వాగులో ఈ పెళ్లి తంతు జరగడం అందర్నీ ఆశ్చర్య పరిచింది.

మరిన్ని ఇక్కడ చూడండి: హీరోహీరోయిన్లపై మండిపడ్డ సీనియర్ యాక్టర్ నవాజుద్దీన్.. కొంచెమైనా సిగ్గుండాలి అంటూ ఫైర్..

Gopichand New Movie: ‘అలిమేలుమంగ వేంకటరమణ’గా గోపీచంద్.. అతిధిగా వస్తానంటున్న రానా ?