BRS Party Office Inauguration Highlights: ‘ఎర్రకోట’లో గులాబీ గుబాళింపు.. బీఆర్ఎస్ కేంద్ర కార్యాలయాన్ని ప్రారంభించిన సీఎం కేసీఆర్..

బీఆర్ఎస్ పార్టీ కేంద్ర కార్యాలయం ప్రారంభించిన అనంతరం సీఎం కేసీఆర్ కు పలువురు మంత్రులు శుభాకాంక్షలు తెలిపారు. జాతీయ రాజకీయాల్లోకి ప్రవేశించిన సీఎం కేసీఆర్ .. సక్సెస్ కావాలంటూ ఆకాంక్షించారు.

బీఆర్ఎస్ జాతీయ అధ్యక్షుడు సీఎం కేసీఆర్.. ఢిల్లీలో పార్టీ కేంద్ర కార్యాలయాన్ని ప్రారంభించి.. తన ఛాంబర్లో ఆసీనులయ్యారు. ఈ సందర్భంగా మాజీ సీఎంలు అఖిలేష్ యాదవ్, జేడీఎస్ కుమారస్వామి.. కేసీఆర్ కు శుభాకాంక్షలు తెలిపారు. ఈ సందర్భంగా పార్టీ ఫైల్ పై సీఎం కేసీఆర్ సంతకం కూడా చేశారు.

బీఆర్ఎస్ పార్టీ ఆవిష్కరణ అనంతరం సీఎం కేసీఆర్.. బీఆర్ఎస్ జాతీయ కార్యాలయాన్ని ప్రారంభించారు.

ఢిల్లీలోని బీఆర్ఎస్ పార్టీ కేంద్ర కార్యాలయంలో సీఎం కేసీఆర్.. బీఆర్ఎస్ జెండాను ఎగురవేశారు.

బీఆర్ఎస్ పార్టీ కార్యాలయ ప్రారంభోత్సవానికి పలు రాష్ట్రాల రైతు సంఘాల నేతలు, మాజీ ఎంపీలు సైతం హాజరయ్యారు.

ఢిల్లీలో BRS పార్టీ జాతీయ కార్యాలయ ప్రారంభోత్సవ కార్యక్రమానికి మంత్రులు, ఎమ్మెల్యేల సందడి నెలకొంది. ఈ కార్యక్రమానికి బీఆర్‌ఎస్‌ కార్యకర్తలు భారీగా చేరుకున్నారు. దీంతో బీఆర్‌ఎస్‌ పార్టీ కార్యాలయంలో సందడి నెలకొంది.

పూజా కార్యక్రమాల అనంతరం సీఎం కేసీఆర్.. దివ్యముహూర్తంలో పార్టీ జెండాను ఎగురవేసి.. కార్యాలయాన్ని ప్రారంభించనున్నారు.

ఢిల్లీలో BRS పార్టీ జాతీయ కార్యాలయ ప్రారంభోత్సవ కార్యక్రమం ఘనంగా కొనసాగుతోంది. పూజా కార్యక్రమాల్లో సీఎం కేసీఆర్ దంపతులు, మాజీ సీఎంలు అఖిలేష్‌, కుమారస్వామి, ఎమ్మెల్సీ కవిత పలువురు నాయకులు పాల్గొన్నారు.

ఢిల్లీలో బీఆర్ఎస్ ఆఫీస్ ప్రారంభం సందర్భంగా మంత్రి కేటీఆర్ పార్టీ కార్యకర్తలకు శుభాకాంక్షలు తెలిపారు. తెలంగాణ రాష్ట్రాన్ని సాధించి అభివృద్ధి పథంలో నడిపిస్తున్న గౌరవ ముఖ్యమంత్రి కెసిఆర్.. దేశంలో ఒక గుణాత్మక మార్పు కోసం జాతీయ రాజకీయాల్లోకి ప్రవేశిస్తున్నారంటూ తెలిపారు.

ఢిల్లీలో బీఆర్ఎస్ ఆఫీస్ ప్రారంభం సందర్భంగా మంత్రి కేటీఆర్ పార్టీ కార్యకర్తలకు శుభాకాంక్షలు తెలిపారు. తెలంగాణ రాష్ట్రాన్ని సాధించి అభివృద్ధి పథంలో నడిపిస్తున్న గౌరవ ముఖ్యమంత్రి కెసిఆర్.. దేశంలో ఒక గుణాత్మక మార్పు కోసం జాతీయ రాజకీయాల్లోకి ప్రవేశిస్తున్నారు. ఆనాడు ఎలాగైతే ప్రత్యేక రాష్ట్ర సాధన కోసం విప్లవాత్మక పంథాను అనుసరించారో.. అలాగే ఈనాడు దేశహితం కోసం నూతన రాజకీయ ఒరవడిని కేసీఆర్ ప్రారంభిస్తున్నారు. ముఖ్యమంత్రి, బీఆర్ఎస్ పార్టీ అధ్యక్షులు కే చంద్రశేఖర రావు ప్రత్యేక అనుమతితో ఢిల్లీలోని బిఆర్ఎస్ కార్యాలయ ప్రారంభోత్సవానికి హాజరు కాలేకపోతున్నాను. ముందే నిర్ణయించిన రెండు కీలకమైన పెట్టుబడి సమావేశాల నేపథ్యంలో ఈ నిర్ణయం తీసున్నానని కేటీఆర్ తెలిపారు.

సిరిసిల్లలో సెస్ ఎన్నికల నామినేషన్లు కూడా ఈ రోజే ఉన్నాయని వివరించారు. తెలంగాణ రాష్ట్రంలో అమలవుతున్న ప్రజా సంక్షేమ, ప్రగతి విధానాలు బీఆర్ఎస్ వేదికగా దేశం మొత్తానికి పరిచయం అవుతాయి. దేశంలో రాబోయే గుణాత్మక మార్పునకు ఈనాటి బీఆర్ఎస్ కార్యాలయ ప్రారంభం నాంది కానుందని కేటీఆర్ తెలిపారు.

ఢిల్లీలో బీఆర్ఎస్ పార్టీ కేంద్ర కార్యాలయం ప్రారంభోత్సవ కార్యక్రమానికి కేసిఆర్ తో పాటు యూపీ మాజీ సీఎం అఖిలేష్ యాదవ్, కర్ణాటక మాజీ సీఎం కుమారస్వామి చేరుకున్నారు.

బీఆరెస్ పార్టీ కార్యాలయానికి చేరుకున్న తెలంగాణ రాష్ట్ర ముఖ్యమంత్రి కే చంద్రశేఖర రావు..