Union Cabinet: అమ్మాయిల వివాహ వయస్సు పెంపు.. 18 నుంచి 21 సంవత్సరాలకు పెంచుతూ నిర్ణయం..
పురుషులతో సమానంగా మహిళల వివాహ వయస్సును 18 నుంచి 21 సంవత్సరాలకు పెంచే ప్రతిపాదనకు కేంద్ర మంత్రివర్గం బుధవారం ఆమోదించింది....
Updated on: Dec 16, 2021 | 12:59 PM
పురుషులతో సమానంగా మహిళల వివాహ వయస్సును 18 నుంచి 21 సంవత్సరాలకు పెంచే ప్రతిపాదనకు కేంద్ర మంత్రివర్గం బుధవారం ఆమోదించింది. కేబినెట్ ఆమోదం తర్వాత, ప్రభుత్వం బాల్య వివాహాల నిషేధ చట్టం, 2006కి సవరణను ప్రవేశపెట్టనుంది. వివాహ చట్టం, హిందూ వివాహ చట్టం, 1955 వంటి వ్యక్తిగత చట్టాలకు సవరణలు తీసుకురానున్నట్లు ప్రభుత్వ వర్గాలు తెలిపాయి. బుధవారం క్లియరెన్స్ జయ జైట్లీ నేతృత్వంలోని కేంద్రం టాస్క్ఫోర్స్ 2020 డిసెంబర్లో నీతి ఆయోగ్కి సమర్పించిన సిఫార్సుల ఆధారంగా ఈ నిర్ణయం తీసుకున్నారు. “మాతృత్వ వయస్సు, MMR (తల్లి మరణాల రేటు), పోషకాహార స్థాయిల మెరుగుదల వంటి అంశాలను ఈ కమిటీ పరిశీలించి నివేదిక ఇచ్చింది.
“నిపుణులతో విస్తృతమైన సంప్రదింపులు జరిగిన తర్వాతే అని పలు సిఫార్సులు చేశామని జైట్లీ చెప్పారు. “మేము 16 విశ్వవిద్యాలయాల నుంచి ఫీడ్బ్యాక్ తీసుకున్నాం. 15 కంటే ఎక్కువ NGOలు, ముఖ్యంగా గ్రామీణ, అట్టడుగు వర్గాలకు చెందిన వారు, బాల్య వివాహాలు ఎక్కువగా జరుగుతున్న రాజస్థాన్లోని ప్రత్యేక జిల్లాల్లో అభిప్రాయాలు సేకరించాం. అని జైట్లీ వివరించారు. వివాహ వయస్సు 22-23 సంవత్సరాలు ఉండాలని చాలా మంది అభిప్రాయపడ్డారని పేర్కొన్నారు.
Read Also.. Neena Gupta: గణిత చిక్కు ప్రశ్నలకు సమాధానాలు రాబట్టాలి.. ‘రామానుజన్ ప్రైజ్ 2021’ విజేత నీనా గుప్తా వ్యాఖ్యలు
