బాణాసంచా ఫ్యాక్టరీలో పేలుడు.. ఐదుగురు మహిళలు మృతి.. పది మందికి పైగా..
పేలుడు కారణంగా ఫ్యాక్టరీ భవనం పూర్తిగా కూలిపోయింది. మృతదేహాల ముక్కలు పొలాల్లో చాలా దూరం ఎగిరి పడ్డాయి. సంఘటనా స్థలం భయానకంగా మారింది. మృతుల బంధువుల ఆర్తనాదాలు మిన్నంటాయి. పేలుడు తర్వాత సంఘటనా స్థలానికి చేరుకున్న గ్రామస్తులు కూడా ఎంతగానో శ్రమించి శిథిలాల నుండి మహిళల మృతదేహాలను బయటకు తీశారు.
ఉత్తరప్రదేశ్ అమ్రోహాలోని అట్రాసిలోని ఘోర అగ్నిప్రమాదం సంభవించింది. అక్కడి ఒక బాణసంచా కర్మాగారంలో భారీ పేలుడు జరిగింది. పేలుడు ధాటికి ఆ ప్రాంతమంతా ఒక్కసారిగా దద్దరిల్లింది. పేలుళ్ల తీవ్రత చాలా ఎక్కువగా కనిపించింది. ఈ ప్రమాదంలో ఐదుగురు మహిళలు మరణించగా, మరో 12 మంది గాయపడ్డారు. సమాచారం అందిన వెంటనే పోలీసులు, అగ్నిమాపక దళాలు ఘటనా స్థలానికి చేరుకున్నాయి. ఫైర్ సెఫ్టీ సిబ్బంది చాలా కష్టపడి మంటలను అదుపు చేశారు. ఈ ఘటనకు సంబంధించి పూర్తి వివరాల్లోకి వెళితే…
రాజబ్పూర్ పోలీస్ స్టేషన్ ప్రాంతంలోని అత్రాసిలో ఉన్న బాణసంచా కర్మాగారం గ్రామం నుండి రెండున్నర కిలోమీటర్ల దూరంలో ఉన్న అడవిలో ఉంది. మధ్యాహ్నం సమయంలో 25 మంది మహిళలు, పురుషులు ఫ్యాక్టరీలో పనిచేస్తున్నారు. ఈ సమయంలో ఒక కార్మికుడి పిల్లవాడు స్పార్క్లర్ను వెలిగించాడని తెలిసింది. దాంతో అక్కడ ఉంచిన బాణసంచా, గన్పౌడర్ మంటల్లో చిక్కుకుంది. దాదాపు 15 నిమిషాల పాటు పేలుళ్లు జరుగుతూనే ఉన్నాయి. పేలుడు శబ్దం, పొగ పెరగడం చూసి గ్రామస్తులు సంఘటనా స్థలానికి చేరుకున్నారు. వెంటనే పోలీసులకు సమాచారం అందించారు.పోలీసులతో పాటు, అగ్నిమాపక బృందం కూడా సంఘటనా స్థలానికి చేరుకుని సహాయక చర్యలు ప్రారంభించింది.
పేలుడు కారణంగా ఫ్యాక్టరీ భవనం పూర్తిగా కూలిపోయింది. మృతదేహాల ముక్కలు పొలాల్లో చాలా దూరం ఎగిరి పడ్డాయి. సంఘటనా స్థలం భయానకంగా మారింది. మృతుల బంధువుల ఆర్తనాదాలు మిన్నంటాయి. పేలుడు తర్వాత సంఘటనా స్థలానికి చేరుకున్న గ్రామస్తులు కూడా ఎంతగానో శ్రమించి శిథిలాల నుండి మహిళల మృతదేహాలను బయటకు తీశారు.
మరిన్ని జాతీయ వార్తల కోసం క్లిక్ చేయండి..