Sitting for Long: ఎక్కువసేపు కూర్చునే ఉంటారా? అయితే, మీ జీవితకాలం తగ్గుతున్నట్టే..! ఈ సమస్యలు తెలిస్తే..
మీరు ఎక్కువ సేపు కూర్చుని పనిచేస్తున్నట్టయితే..ప్రతి గంటకు లేచి, కొన్ని నిమిషాలు నడవండి. కొంచెం శరీరాన్ని సాగదీయండి. మీ భోజన విరామ సమయంలో మెట్లు ఎక్కండి, నీళ్లు ఎక్కువగా తాగండి. మీరు టీవీ చూస్తున్నప్పుడు లేదా మీ మొబైల్ ఫోన్‌ని ఉపయోగిస్తున్నప్పుడు కూడా ఇంట్లో కూర్చుని ఉండకుండా కొద్ది నడుస్తూ ఉండండి.. వెన్ను సంబంధిత సమస్యల ప్రమాదాన్ని తగ్గించడానికి ప్రతిసారీ లేచి నడవటం అలవాటుగా చేసుకోండి..
Sitting for Long: ఈ రోజులో ప్రతి ఒక్కరూ పని చేయటం చాలా ముఖ్యం.. కానీ, మనిషికి విశ్రాంతి కూడా అంతే ముఖ్యం. ఆఫీసులో ఎక్కువ సేపు కూర్చోవడం, గంటల తరబడి కుర్చీలోనే కదలకుండా కూర్చోవడం వల్ల ఆరోగ్యం దెబ్బతింటుందని ఆరోగ్య నిపుణులు అంటున్నారు. ఎక్కువసేపు కూర్చోవడం వల్ల కండరాలు, ఎముకలు బలహీనపడతాయి. ఇది తరువాత అనేక తీవ్రమైన వ్యాధులకు దారితీస్తుంది. ఈరోజు ఆఫీసులో గంటల తరబడి కంప్యూటర్ ముందు కూర్చోవడం సర్వసాధారణమైపోయింది. ఇంటికి వచ్చిన తర్వాత కూడా ఇదే కొనసాగుతుంది. అంటే, మనం టీవీ చూస్తున్నప్పుడు, తినేటప్పుడు లేదా మొబైల్ ఫోన్‌లు ఉపయోగిస్తున్నప్పుడు కూడా కూర్చునే ఉంటాము. ఇలా ఎక్కువ సేపు కూర్చోవడం వల్ల శరీరానికి హాని కలుగుతుంది.
అధ్యయనాల ప్రకారం, ఎక్కువసేపు కూర్చోవడం వల్ల వెన్నునొప్పి వచ్చే అవకాశం ఉంది. ఎక్కువ సేపు ఒకే భంగిమలో కూర్చోవడం వల్ల వెన్నెముక ఆరోగ్యం దెబ్బతింటుంది. అలా ఎక్కువ సేపు కూర్చోవడం వల్ల మన శరీరానికి జరిగే హాని గురించి తెలుసుకోవడం చాలా ముఖ్యం.
ఎక్కువసేపు కూర్చోవడం వల్ల ఎదురయ్యే ప్రధాన ప్రతికూలతలు
1. అధిక బరువు పెరుగుతారు..
ఎక్కువసేపు ఒకే భంగిమలో కూర్చోవడం వల్ల మన శరీరంలో క్యాలరీల బర్నింగ్ తగ్గుతుంది. ఇది క్రమంగా బరువు పెరిగే ప్రమాదాన్ని పెంచుతుంది. ఊబకాయం అనేక ఇతర తీవ్రమైన వ్యాధులకు దారితీస్తుంది.
2. మధుమేహం
ఎక్కువసేపు కూర్చోవడం వల్ల శరీరంలో ఇన్సులిన్ చర్య ప్రభావితం అవుతుంది. ఇది క్రమంగా రక్తంలో చక్కెర స్థాయిలను పెంచుతుంది. ఫలితంగా మధుమేహం ప్రమాదాన్ని పెంచుతుంది.
3. గుండె జబ్బు
ఎక్కువ సేపు ఒకే భంగిమలో కూర్చోవడం వల్ల రక్త ప్రసరణ తగ్గుతుంది. ఇది గుండె జబ్బుల ప్రమాదాన్ని పెంచుతుంది. కూర్చోవడం వల్ల అధిక కొలెస్ట్రాల్, రక్తపోటు కూడా పెరుగుతాయి.
4. క్యాన్సర్
ఎక్కువసేపు కూర్చోవడం వల్ల పెద్దపేగు క్యాన్సర్, రొమ్ము క్యాన్సర్ వంటి కొన్ని రకాల క్యాన్సర్ వచ్చే ప్రమాదం ఉందని కొన్ని పరిశోధనలు సూచిస్తున్నాయి.
5. ఎముకలు, కండరాలు బలహీనమవుతాయి
ఎక్కువ సేపు కూర్చోవడం వల్ల ఎముకలు, కండరాల కదలిక తగ్గుతుంది. తద్వారా అవి బలహీనంగా మారుతాయి. ఇది ఆస్టియోపోరోసిస్, పడిపోవడం, వెన్నునొప్పి వంటి సమస్యలకు దారితీస్తుంది.
6. ఎక్కువ సేపు ఒకే భంగిమలో కూర్చోవడం వల్ల వెన్నెముక, మెడపై అధిక ఒత్తిడి ఏర్పడుతుంది. ఎక్కువ సేపు కూర్చోవడం వల్ల డిస్క్, వెన్నెముక సమస్యలు వస్తాయి.
7. ఎక్కువ సేపు కూర్చోవడం వల్ల వెన్నెముక వెనుక కండరాలు బలహీనపడి చివరికి వెన్నెముకపై ఒత్తిడి ఏర్పడుతుంది.
8. ఎక్కువ సేపు ఒకే భంగిమలో కూర్చోవడం వల్ల వెన్నెముక తక్కువ ఫ్లెక్సిబుల్ గా మారుతుంది. వెనుక కండరాలు, స్నాయువులు సంకోచించడం, బిగుతుగా ఉండటమే దీనికి కారణం.
9. ఎక్కువసేపు కూర్చోవడం వల్ల ఇంటర్వర్‌టెబ్రల్ డిస్క్‌లపై ఒత్తిడి పడుతుంది. డిస్క్ హెర్నియేషన్ లేదా ఉబ్బెత్తు ప్రమాదం పెరుగుతుంది.
ఎక్కువసేపు కూర్చోవడం మీ వెన్నెముక ఆరోగ్యాన్ని తీవ్రంగా ప్రభావితం చేస్తుంది. కాబట్టి కొన్ని ప్రత్యామ్నాయాలను అనుసరించడం అవసరం.
మీరు ఎక్కువ సేపు కూర్చుని పనిచేస్తున్నట్టయితే..ప్రతి గంటకు లేచి, కొన్ని నిమిషాలు నడవండి. కొంచెం శరీరాన్ని సాగదీయండి. మీ భోజన విరామ సమయంలో మెట్లు ఎక్కండి, నీళ్లు ఎక్కువగా తాగండి. మీరు టీవీ చూస్తున్నప్పుడు లేదా మీ మొబైల్ ఫోన్‌ని ఉపయోగిస్తున్నప్పుడు కూడా ఇంట్లో కూర్చుని ఉండకుండా కొద్ది నడుస్తూ ఉండండి.. వెన్ను సంబంధిత సమస్యల ప్రమాదాన్ని తగ్గించడానికి ప్రతిసారీ లేచి నడవటం అలవాటుగా చేసుకోండి..
నిరంతరం కూర్చుని పని చేసే వారు ఈ విషయాలను గుర్తుంచుకోండి..
నిరంతరం 2 గంటల కంటే ఎక్కువసేపు ఒకే చోట కూర్చోవద్దు. ప్రతి గంటకు కనీసం 5 నిమిషాలు లేచి నడవండి. క్రమం తప్పకుండా వ్యాయామం చేయాలి. ఆరోగ్యకరమైన ఆహారం తినండి.
మరిన్ని లైఫ్ స్టైల్ న్యూస్ కోసం క్లిక్ చేయండి..