విమాన ప్రయాణాన్ని తలపించే సౌకర్యాలు.. అలప్పుజా–బెంగళూరు మధ్య కొత్త ప్రీమియం బస్ సర్వీస్!

Alappuzha-Bengaluru Bus Telugu: కేరళలోని అలప్పుజా నుంచి బెంగళూరుకు ప్రయాణించే వారికి ఇకపై మరింత సౌకర్యవంతమైన ప్రయాణం అందుబాటులోకి వచ్చింది. కేరళ స్టేట్ రోడ్ ట్రాన్స్‌పోర్ట్ కార్పొరేషన్ (KSRTC) ప్రీమియం ఎగ్జిక్యూటివ్ క్లాస్ వోల్వో ఏసీ సెమీ స్లీపర్ బస్ సర్వీస్‌ను ప్రారంభించింది. ఓనం కానుకగా అలప్పుజాకు అందిన ఈ బస్సు ఆదివారం నుంచి ప్రయాణికులకు సేవలు అందిస్తోంది. తొలి ట్రిప్‌కు రిజర్వేషన్లు ప్రారంభించగానే అన్ని టికెట్లు బుక్ కావడం విశేషం. అలప్పుజా నుంచి బెంగళూరుకు రాత్రి ప్రయాణం చేసే వారికి ఈ కొత్త సర్వీస్ మరింత సౌకర్యవంతమైన ఆప్షన్‌గా మారనుంది.

విమాన ప్రయాణాన్ని తలపించే సౌకర్యాలు

ఈ ఎగ్జిక్యూటివ్ క్లాస్ బస్సులో మొత్తం 36 సెమీ స్లీపర్ సీట్లు ఉన్నాయి. ఎయిర్ సస్పెన్షన్‌తో కూడిన ఈ బస్సులో ప్రయాణికుల సౌకర్యాన్ని దృష్టిలో పెట్టుకుని విశాలమైన లెగ్‌రూమ్, పూర్తిగా రిక్లైన్ అయ్యే సీట్లను ఏర్పాటు చేశారు.

బస్సులో అందుబాటులో ఉన్న ముఖ్యమైన సౌకర్యాలు:

పూర్తిగా రిక్లైన్ అయ్యే సీట్లు, విశాలమైన లెగ్‌రూమ్, ఆన్‌బోర్డ్ టాయిలెట్, కేఫెటీరియా, ప్యాంట్రీ, కాఫీ, తేలికపాటి స్నాక్స్, ఇతర పానీయాలు, వ్యక్తిగత ఎంటర్‌టైన్‌మెంట్ స్క్రీన్లు, సినిమాలు, సంగీతం, వార్తలు, హెడ్‌సెట్లు, మొబైల్, ల్యాప్‌టాప్, ట్యాబ్లెట్లకు ఛార్జింగ్ పోర్టులు, పెద్ద లగేజ్ ర్యాకులు, ప్రతి సీటుకు ప్రత్యేక వాటర్ బాటిల్ హోల్డర్, ఆధునిక ఇంటీరియర్, ప్రయాణికుల సహాయం కోసం సీటు వద్ద కాల్ బటన్… అంతేగాక, బస్సులోని హోస్టెస్‌ను సంప్రదించేందుకు ప్రతి సీటు వద్ద కాల్ బటన్ కూడా ఏర్పాటు చేశారు. ప్రయాణ సమయంలో కాఫీ, స్నాక్స్, ఇతర పానీయాలను అందిస్తారు.

అలప్పుజా–బెంగళూరు బస్ టైమింగ్స్

ఈ బస్సు అలప్పుజా నుంచి సాయంత్రం 5:30 గంటలకు బయలుదేరుతుంది. మరుసటి రోజు ఉదయం 6:25 గంటలకు బెంగళూరు చేరుకుంటుంది. ఈ సర్వీస్ ప్రత్యామ్నాయ రోజుల్లో నడుస్తుంది.

ప్రధాన స్టాప్‌లు, చేరుకునే సమయాలు:

• వైట్టిలా: రాత్రి 7:25
• త్రిశూర్ మన్నుతి బైపాస్: రాత్రి 9:15
• పాలక్కాడ్ చంద్రనగర్: రాత్రి 11:05
• కోయంబత్తూర్ L&T బైపాస్: అర్ధరాత్రి 12:10
• సేలం: తెల్లవారుజామున 3:00
• బెంగళూరు: ఉదయం 6:25

బెంగళూరు నుంచి తిరుగు ప్రయాణం

బెంగళూరు నుంచి బస్సు రాత్రి 8 గంటలకు బయలుదేరి, మరుసటి రోజు ఉదయం సుమారు 8 గంటలకు అలప్పుజా చేరుకుంటుంది.

తిరుగు ప్రయాణంలో:

• సేలం: రాత్రి 11:25
• కోయంబత్తూర్ L&T బైపాస్: తెల్లవారుజామున 2:15
• పాలక్కాడ్ చంద్రనగర్: తెల్లవారుజామున 3:20
• మన్నుతి బైపాస్: ఉదయం 4:55
• వైట్టిలా: ఉదయం 6:35
• అలప్పుజా: ఉదయం సుమారు 8:00

ఓనం సందర్భంగా మరో 90 ప్రత్యేక బస్సులు

ఇదిలా ఉంటే ఓనం పండుగ సందర్భంగా బెంగళూరు–కేరళ మధ్య ప్రయాణించే వారికి కూడా అదనపు రవాణా సౌకర్యం అందుబాటులోకి వచ్చింది. ఆగస్టు 21 నుంచి 25 వరకు కర్ణాటక స్టేట్ రోడ్ ట్రాన్స్‌పోర్ట్ కార్పొరేషన్ (KSRTC) 90 ప్రత్యేక బస్సులను నడపనుంది. ఈ ప్రత్యేక సర్వీసులు బెంగళూరు నుంచి కేరళలోని కోజికోడ్, కన్నూర్, ఎర్నాకుళం, పాలక్కాడ్, త్రిశూర్, కొట్టాయం, తిరువనంతపురం వంటి ప్రధాన నగరాలకు నడుస్తాయి. తిరుగు ప్రయాణ సర్వీసులు ఆగస్టు 30న బెంగళూరుకు బయలుదేరనున్నాయి. ఈ ప్రత్యేక బస్సుల్లో రాజహంస, ఐరావత్, అంబారి, పల్లక్కి వంటి ప్రీమియం సర్వీసులతో పాటు ఇతర ఏసీ బస్సులు కూడా ఉంటాయి.

ప్రయాణికులు ముందుగానే టికెట్లు బుక్ చేసుకోవచ్చు. నాలుగు లేదా అంతకంటే ఎక్కువ టికెట్లను ఒకేసారి బుక్ చేసుకునే వారికి 5 శాతం డిస్కౌంట్ కూడా అందిస్తున్నారు. రిటర్న్ టికెట్లపై కూడా ప్రత్యేక రాయితీలు అందుబాటులో ఉన్నాయి.

ప్రయాణికులకు మరింత సౌకర్యం

అలప్పుజా–బెంగళూరు రూట్‌లో చాలాకాలంగా ఎదురుచూస్తున్న KSRTC ఇంటర్‌స్టేట్ సర్వీస్ ఇప్పుడు కొత్త ప్రీమియం రూపంలో అందుబాటులోకి రావడంతో ప్రయాణికులకు ప్రయోజనం కలగనుంది. ముఖ్యంగా రాత్రి ప్రయాణాల్లో సౌకర్యం, విశాలమైన సీట్లు, టాయిలెట్, ఎంటర్‌టైన్‌మెంట్ వంటి సదుపాయాలు ఉండటం ఈ సర్వీస్ ప్రత్యేకతగా చెప్పవచ్చు.

Taking Bengaluru trip to the next level! Keralam’s own KSRTC now offers a Business Class service from Alappuzha to Bengaluru on alternate days, featuring premium comforts including a pantry and onboard toilet. Watch the video for a glimpse of the experience!#CMOKeralam #KSRTC pic.twitter.com/wFr2auCKG4

— Chief Minister, Keralam (@CMOkeralam) August 17, 2026