Iron Rich Foods: బచ్చలి కూర కంటే ఐరన్ ఎక్కువగా లభించే ఫుడ్స్ ఇవే!
ప్రస్తుత కాలంలో చాలా మంది ఫేస్ చేసే ప్రాబ్లమ్స్లో ఐరన్ లోపం కూడా ఒకటి. ఐరన్ లోపం కారణంగా శరీరంలో రక్తం తక్కువగా ఉంటుంది. ఆరోగ్యంగా ఉండాలంటే.. అన్ని రకాల పోషకాలు అవసరం అవుతాయి. అలాగే ఐరన్ కూడా తగినంత మోతాదులో తీసుకోవాలి. లేదంటే రోగ నిరోధక శక్తి తగ్గిపోయి.. అనారోగ్య సమస్యల బారిన పడాల్సి వస్తుంది. రక్త హీనత సమస్య ఉంటే డిప్రెషన్, ఆందోళన కూడా ఎక్కువ అవుతాయి. కాబట్టి మీ డైట్లో ఐరన్ అధికంగా లభించే ఆహారాలు కూడా..
ప్రస్తుత కాలంలో చాలా మంది ఫేస్ చేసే ప్రాబ్లమ్స్లో ఐరన్ లోపం కూడా ఒకటి. ఐరన్ లోపం కారణంగా శరీరంలో రక్తం తక్కువగా ఉంటుంది. ఆరోగ్యంగా ఉండాలంటే.. అన్ని రకాల పోషకాలు అవసరం అవుతాయి. అలాగే ఐరన్ కూడా తగినంత మోతాదులో తీసుకోవాలి. లేదంటే రోగ నిరోధక శక్తి తగ్గిపోయి.. అనారోగ్య సమస్యల బారిన పడాల్సి వస్తుంది. రక్త హీనత సమస్య ఉంటే డిప్రెషన్, ఆందోళన కూడా ఎక్కువ అవుతాయి. కాబట్టి మీ డైట్లో ఐరన్ అధికంగా లభించే ఆహారాలు కూడా తీసుకోండి. సాధారణంగా బచ్చలి కూరలో ఐరన్ కంటెంట్ అనేది ఎక్కువగా ఉంటుంది. కానీ బచ్చలి కూర కంటే ఇతర ఆహార పదార్థాల్లో కూడా ఐరన్ అధిక మోతాదులో లభిస్తుంది. అవేంటో ఇప్పుడు తెలుసుకుందాం.
లివర్:
మటన్ లివర్లో ఐరన్ కంటెంట్ అనేది అధికంగా లభిస్తుంది. కాబట్టి రక్త హీనత సమస్యతో బాధ పడేవారు.. మటన్ లివర్ తీసుకోవడం వల్ల ఈ సమస్య నుంచి బయట పడొచ్చు.
టోఫు:
ఐరన్ అధికంగా లభించే ఆహార పదార్థాల్లో టోఫు కూడా ఒకటి. ఇది కూడా పన్నీర్ లాగానే ఉంటుంది. రుచి కూడా అలాగే ఉంటుంది. టోఫులో కూడా ఐరన్తో పాటు ఇతర పోషకాలు కూడా పుష్కలంగా లభిస్తాయి. కాబట్టి టోఫును తినడం వల్ల చాలా రకాల ఆరోగ్య ప్రయోజనాలు ఉన్నాయి.
గుమ్మడి గింజలు:
గుమ్మడి కాయ గింజల్లో కూడా చాలా రకాల పోషకాలు ఉన్నాయి. ప్రస్తుతం వీటిని కూడా డ్రైఫ్రూట్స్లో ఒక భాగం చేశారు. గుమ్మడి విత్తనాల్లో ఐరన్ అధికంగా లభిస్తుంది. కాబట్టి గుమ్మడి గింజలు తినడం వల్ల కూడా రక్త హీనత సమస్య నుంచి బయట పడొచ్చు.
డార్క్ చాక్లెట్:
డార్క్ చాక్లెట్లో కూడా ఐరన్ అనేది మెండుగా లభిస్తుంది. కాబట్టి తగిన మోతాదులో డార్క్ చాక్లెట్ తీసుకోవడం చాలా మంచిది. అంతే కాకుండా డార్క్ చాక్లెట్ తినడం వల్ల పలు రకాల సమస్యలకు చెక్ పెట్టొచ్చు. ముఖ్యంగా ఒత్తిడి, ఆందోళన వంటి వాటిని తగ్గించుకోవచ్చు.
నువ్వులు:
చాలా మంది నువ్వులను దూరం పెడతారు. కానీ నువ్వుల్లో ఐరన్ అనేది చాలా ఎక్కువగా లభిస్తుంది. వారం రోజుల పాటు నువ్వులను తీసుకుంటే రక్త హీనత సమస్య నుంచి బయట పడతారు. కాబట్టి నువ్వుల్ని కూడా మీ డైట్లో యాడ్ చేసుకోండి.
(NOTE: ఇంటర్నెట్లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ న్యూస్ కోసం క్లిక్ చేయండి..