Squatting vs Sitting Toilets: ఇండియన్ Vs వెస్ట్రన్ టాయిలెట్.. సరైన జీవనశైలికి ఏది వినియోగించాలి?
నేటి జీవనశైలి కారణంగా ప్రతి ఒక్కరూ వెస్ట్రన్ కమోడ్లు, వెస్ట్రన్ టాయిలెట్లను ఎక్కువగా ఉపయోగించడం ప్రారంభిస్తున్నారు. అందుకే అవి ప్రతి ఇంట్లో కనిపిస్తాయి. ఈ మార్పు సౌకర్యవంతంగా ఉన్నప్పటికీ, ఇది మన జీర్ణవ్యవస్థకు హాని కలిగిస్తుందా? లేదా? అనే సందేహం చాలా మందికి ఉంది. ముఖ్యంగా ఇటీవల మలబద్ధకం, హెమోరాయిడ్ సమస్యలు..
జీవనశైలిలో వచ్చిన మార్పులు ఇటీవల కాలంలో ఎన్నో రకాల అలవాట్లను సమూలంగా మార్చేసింది. అంతే కాదు ఇల్లు, ఉపయోగించే వస్తువులు, టాయిలెట్లు కూడా మారుతున్నాయి. గతంలో ప్రతి ఇంట్లో భారతీయ టాయిలెట్లు తరచుగా కనిపించేవి. కానీ ఇప్పుడు అది మారిపోయింది. ప్రతి ఒక్కరూ వెస్ట్రన్ కమోడ్లు, వెస్ట్రన్ టాయిలెట్లను ఎక్కువగా ఉపయోగించడం ప్రారంభిస్తున్నారు. అందుకే అవి ప్రతి ఇంట్లో కనిపిస్తాయి. ఈ మార్పు సౌకర్యవంతంగా ఉన్నప్పటికీ, ఇది మన జీర్ణవ్యవస్థకు హాని కలిగిస్తుందా? లేదా? అనే సందేహం చాలా మందికి ఉంది. ముఖ్యంగా ఇటీవల మలబద్ధకం, హెమోరాయిడ్ సమస్యలు ఎక్కువగా కనిపిస్తున్నాయి. ఇది టాయిలెట్పై కూర్చునే భంగిమ వల్ల జరుగుతుందా? లేదా? అనే విషయం కూడా తెలుసుకోవడం చాలా ముఖ్యం.
ఇండియన్ టాయిలెట్లు మంచివా?
న్యూఢిల్లీలోని సర్ గంగా రామ్ హాస్పిటల్ స్పెషలిస్ట్ డాక్టర్ సోనియా రావత్ ప్రకారం భారతీయ టాయిలెట్పై కూర్చోవడం వల్ల అనేక ప్రయోజనాలు ఉన్నాయి. ఈ స్థితిలో కూర్చున్నప్పుడు పురీషనాళం నిటారుగా మారుతుంది. దీనివల్ల మలం ఎటువంటి అడ్డంకులు లేకుండా సులభంగా బయటకు వెళుతుంది. ఇది ప్రేగులపై అనవసరమైన ఒత్తిడిని తగ్గిస్తుంది. ప్రేగులను పూర్తిగా ఖాళీ చేయడం ద్వారా ఇది మలబద్ధకం సమస్యలను నివారిస్తుంది.
వెస్ట్రన్ టాయిలెట్ వాడటం వల్ల కలిగే సమస్యలు?
సాధారణంగా వెస్ట్రన్ టాయిలెట్లను ఉపయోగించడం సౌకర్యంగా ఉండవచ్చు. కానీ ఇది కొన్ని సమస్యలకు దారితీస్తుంది. ఈ స్థితిలో పురీషనాళం కొద్దిగా వంగి ఉంటుంది. దీనివల్ల శరీరం ప్రేగులను పూర్తిగా ఖాళీ చేయడం కష్టమవుతుంది. కాలక్రమేణా ఇది మలబద్ధకం, గ్యాస్, మూలవ్యాధి వంటి సమస్యలకు దారితీస్తుంది.
ఎవరికి ఏది మంచిది?
దీని అర్థం అందరూ ఇండియన్ టాయిలెట్ మాత్రమే ఉపయోగించాలని కాదు. మోకాళ్ల నొప్పులు, కీళ్ల సమస్యలు ఉన్న వృద్ధులకు వెస్ట్రన్ టాయిలెట్లు సురక్షితం. మీరు వెస్ట్రన్ టాయిలెట్ ఉపయోగిస్తుంటే మీ పాదాల కింద ఒక చిన్న స్టూల్ ఉంచడం వల్ల మీ మోకాళ్లు పైకి లేచి ఇండియన్ టాయిలెట్ స్థానంలో ఉంటాయి. ఇది ప్రేగు కదలికలను సులభతరం చేస్తుంది. జంక్ ఫుడ్, శారీరక శ్రమ లేకపోవడం వల్ల జీర్ణ సమస్యలు ఇప్పటికే పెరుగుతున్నాయి. అలాంటి సందర్భాలలో సరైన టాయిలెట్ పొజిషన్ ఎంచుకోవడం ఆరోగ్యాన్ని కాపాడుకోవడానికి సహాయపడుతుంది.
మరిన్ని ఆరోగ్య కథనాల కోసం క్లిక్ చేయండి.