Pet Care: వడదెబ్బ మనుషులకే కాదు జంతువులకు కూడా తగులుతుంది.. ఎండల నుండి మీ పశువులను కాపాడుకునే స్మార్ట్ టిప్స్ ఇవే!
ఏప్రిల్ నెల ప్రారంభం నుండే ఎండలు మండుతున్నాయి. ఉష్ణోగ్రతలు 40 డిగ్రీల సెల్సియస్కు చేరుకోవడంతో మనుషులే కాకుండా జంతువులు కూడా తీవ్ర ఇబ్బందులకు గురవుతున్నాయి. తీవ్రమైన వేడి వల్ల పెంపుడు జంతువులు పశువులలో అలసట, శరీరంలో నీటి శాతం తగ్గిపోవడం (Dehydration) వడదెబ్బ వంటి సమస్యలు తలెత్తే అవకాశం ఉంది. జంతువుల ఆరోగ్యం దెబ్బతినకుండా ఉండాలంటే యజమానులు ఈ సమయంలో వాటి పట్ల ప్రత్యేక శ్రద్ధ వహించడం చాలా ముఖ్యం.
భానుడు రోజురోజుకు తన ప్రతాపాన్ని చూపిస్తున్నాడు. ఉష్ణోగ్రతలు 40 డిగ్రీల సెల్సియస్కు చేరుకోవడంతో మనుషులే కాకుండా జంతువులు కూడా తీవ్ర ఇబ్బందులకు గురవుతున్నాయి. తీవ్రమైన వేడి వల్ల పెంపుడు జంతువులు పశువులలో అలసట, శరీరంలో నీటి శాతం తగ్గిపోవడం (Dehydration) వడదెబ్బ వంటి సమస్యలు తలెత్తే అవకాశం ఉంది. జంతువుల ఆరోగ్యం దెబ్బతినకుండా ఉండాలంటే యజమానులు ఈ సమయంలో వాటి పట్ల ప్రత్యేక శ్రద్ధ వహించడం చాలా ముఖ్యం. ఈ మండుటెండల్లో మీ మూగజీవాలను సురక్షితంగా ఉంచుకోవడానికి పాటించవలసిన ముఖ్యమైన చిట్కాలు తెలుసుకోండి.
ఎండ నుండి రక్షణ, వసతి సౌకర్యాలు
వేసవి కాలంలో జంతువులను ఎక్కువ సేపు ఎండలో ఉంచకుండా చూడాలి. తీవ్రమైన సూర్యరశ్మి వాటి శరీర ఉష్ణోగ్రతను పెంచి వడదెబ్బ తగిలే ప్రమాదాన్ని పెంచుతుంది. అందువల్ల వాటిని ఎల్లప్పుడూ నీడ ఉన్న ప్రదేశంలో గాలి ధారాళంగా ఆడే పాకలలో ఉంచాలి. పశువుల పాక పైన ఎండుగడ్డిని లేదా గోనె సంచులను వేసి, వాటిని నీటితో తడపడం వల్ల లోపల వాతావరణం చల్లగా ఉంటుంది. అలాగే పాకలను క్రమం తప్పకుండా శుభ్రం చేయడం వల్ల వ్యాధులు వ్యాప్తి చెందకుండా అడ్డుకోవచ్చు.
ఆహారం, నీటి ప్రాముఖ్యత
జంతువులకు రోజుకు కనీసం నాలుగు నుండి ఐదు సార్లు శుభ్రమైన చల్లని నీటిని అందించాలి. శరీరంలో నీటి శాతం తగ్గితే అవి త్వరగా నీరసించి ప్రాణాపాయ స్థితికి చేరుకోవచ్చు. వేసవిలో పచ్చి మేత కొరత ఉండటం వల్ల, వాటికి ఎండుగడ్డితో పాటు పోషకాలు సమృద్ధిగా ఉండే నూనె పిండి ఖనిజ మిశ్రమాలను ఆహారంగా ఇవ్వాలి. ఇది వాటి రోగనిరోధక శక్తిని పెంచి ఎండను తట్టుకునేలా చేస్తుంది. సకాలంలో టీకాలు వేయించడం వల్ల వేసవిలో వచ్చే అంటువ్యాధుల నుండి జంతువులను రక్షించుకోవచ్చు.
అత్యవసర లక్షణాలు, చికిత్స
మీ పెంపుడు జంతువు లేదా పశువు నీరసంగా కనిపించినా, శ్వాస తీసుకోవడంలో ఇబ్బంది పడుతున్నా లేదా నోటి నుండి లాలాజలం ఎక్కువగా కారుతున్నా దానిని నిర్లక్ష్యం చేయకండి. ఇవి వడదెబ్బ లక్షణాలు కావచ్చు. అటువంటప్పుడు వెంటనే జంతువుపై చల్లని నీరు చల్లి, తక్షణమే పశువైద్యుడిని సంప్రదించాలి. ప్రభుత్వం నిర్వహించే ఉచిత పశు వైద్య శిబిరాలను సద్వినియోగం చేసుకోవడం ద్వారా మీ జంతువుల ప్రాణాలను కాపాడుకోవచ్చు. మీ మూగజీవాలకు తగినంత నీరు, నీడ పోషకాహారం అందిస్తూ కంటికి రెప్పలా చూసుకోవడం మన బాధ్యత. మనలాగే జంతువులకు కూడా ఎండ వేడి వల్ల ఇబ్బందులు ఉంటాయి. యజమానులుగా వాటికి తగినంత సంరక్షణ అందిస్తే అవి ఆరోగ్యంగా ఉంటాయి.