టాబ్లెట్స్ ని చాక్లెట్స్ లా తీసుకుంటున్నారా.. ఈ విషయాలు గుర్తుంచుకోండి.. లేకుంటే మీ ఆరోగ్యం షెడ్డుకే..
కొంతమంది ఆలోచించకుండా చిన్న చిన్న రోగాలు అంటూ మెడికల్ షాప్ కి వెళ్లి ,లేదా తమకున్న పరిజ్ఞానంతో మందులు తీసుకుంటారు. ఇలా చేయడం వల్ల ప్రతికూల ప్రభావాలు కలుగుతాయి. ఒకొక్కసారి రియాక్షన్ ఇచ్చి ప్రాణాపాయం కూడా సంభావించవచ్చు. ఆరోగ్యానికి హాని కలగకుండా ఉండటానికి మందులు తీసుకునే ముందు ప్రతి ఒక్కరూ కొన్ని ముఖ్యమైన విషయాలను గుర్తుంచుకోవాలి. అవి ఏమిటో ఈ రోజు తెలుసుకుందాం..
Updated on: Oct 09, 2025 | 9:51 AM
ఈ రోజుల్లో అనారోగ్యకరమైన జీవనశైలి కారణంగా ప్రతి ఒక్కరూ ఏదో ఒక అనారోగ్యంతో బాధపడుతున్నారు. మెడిసిన్ తీసుకోవడం చాలా మంది దినచర్యలో ఒక భాగంగా మారింది. కొంతమంది తలనొప్పికి కొందరు జలుబుకు, మరికొందరు దీర్ఘకాలిక వ్యాధులకు మందులు తీసుకుంటారు. అయితే ప్రజలు ఆలోచించకుండా చాక్లెట్ ను తిన్నట్లు మాత్రలు తీసుకుంటారు. ఇలా చేయడం ఆరోగ్యానికి హానికరం. అవును తప్పుడు మార్గంలో లేదా తప్పుడు సమయంలో మందులు తీసుకోవడం ఆరోగ్యంపై ప్రతికూల ప్రభావాలను చూపుతుంది. మందులు తీసుకునేటప్పుడు ప్రతి ఒక్కరూ గుర్తుంచుకోవలసిన అనేక విషయాలు ఉన్నాయి.
చాలా సార్లు ప్రజలు వైద్యుడిని సంప్రదించకుండానే మందులు తీసుకుంటున్నారు. కొందరు మందులు మధ్యలో ఆపివేస్తారు. ఇది వారి అనారోగ్యం నయం కాకుండా చేయడమే కాదు శరీరంపై తీవ్రమైన దుష్ప్రభావాలను కూడా కలిగిస్తుంది. ఎవరైనా ఏదైనా అనారోగ్యానికి రోజూ మందులు తీసుకుంటుంటే.. ముందుగా ఈ కథనాన్ని చదవండి. మందులు తీసుకునే ముందు గుర్తుంచుకోవలసిన ముఖ్యమైన విషయాలను గురించి తెలుసుకుందాం..
ఔషధం తీసుకునే ముందు ముఖ్యమైన విషయాలు తెలుసుకోండి
మందులు, సమయపాలన కలయిక చాలా కీలకమని డైటీషియన్ అండ్ ఇంటిగ్రేటివ్ మెడికల్ న్యూట్రిషనిస్ట్ డాక్టర్ గీతికా చోప్రా చెబుతున్నారు. ఐరన్ , థైరాయిడ్ మందులను ఎల్లప్పుడూ ఖాళీ కడుపుతో తీసుకోవాలి, ఎందుకంటే శోషణ 40 నుంచి 50 శాతం తగ్గుతుంది. యాంటీబయాటిక్స్ , నొప్పి నివారణ మందులు ఎల్లప్పుడూ భోజనం తర్వాత తీసుకోవాలి. ఎందుకంటే అవి కడుపు పొరను చికాకుపెడతాయి. ఆమ్లతను కలిగిస్తాయి.
భోజనంతో పాటు టీ లేదా కాఫీలు తాగే సమయంలో కొన్ని విషయాలను ఎల్లప్పుడూ గుర్తుంచుకోవాలి. ఎందుకంటే కొన్ని రకాల మెడిసిన్స్ ఐరెన్ శోషణను దెబ్బతీస్తాయి. ఎవరైనా బీపీకి అంటే రక్తపోటుకి మందులు తీసుకుంటుంటే.. ఉదయం సమయంలో ఆ మందులు తీసుకోవడానికి ప్రయత్నించండి. ఎందుకంటే ఈ సమయంలో రక్తపోటు మందులు బాగా పనిచేస్తాయి. ఇన్సులిన్ను ఎల్లప్పుడూ ఆహారంతో కలిపి తీసుకోవాలని నిపుణులు సలహా ఇస్తున్నారు. ఎందుకంటే ఇది ఇన్సులిన్ అసమతుల్యతకు కారణమవుతుంది.
ఈ విషయాలను కూడా గుర్తుంచుకోండి వైద్యుడిని సంప్రదించకుండా యాంటీబయాటిక్స్ ఎప్పుడూ తీసుకోవద్దు. కొన్ని మందులు ఖాళీ కడుపుతో , మరికొన్ని భోజనం తర్వాత తీసుకోవాల్సి ఉంటుంది. ఆరోగ్యాన్ని బట్టి మందులు తీసుకోవడానికి సరైన సమయం ఎప్పుడనేది డాక్టర్ చెబుతారు. మందులు తప్పుగా తీసుకోవడం వల్ల అసిడిటీ సమస్య మరింత తీవ్రమవుతుంది.
కొంతమంది దగ్గు మందు లేదా ఏదైనా ఇతర ద్రవ ఔషధాన్ని టానిక్ బాటిల్ నుంచి నేరుగా తాగుతారు. అయితే ఇలా చేయకూడదు. ఎల్లప్పుడూ చెంచా ఉపయోగించి లేదా సీసాతో వచ్చే మూతను ఉపయోగించి సీరం త్రాగాలి. ముఖ్యంగా నొప్పి నివారణ మందులను వీలైనంత తక్కువగా తీసుకోవాలి. ఇవి నొప్పి నుంచి తాత్కాలిక ఉపశమనాన్ని అందించినప్పటికీ.. అంతర్గత అవయవాలపై హానికరమైన ప్రభావాన్ని చూపించే అవకాశం ఉంది. కనుక టాబ్లెట్స్ ను చాక్లెట్స్ తీసుకోకుండా.. డాక్టర్ సలహా సూచన ప్రకారం తీసుకోవడం ఎంతైనా అవసరం.
మరిన్ని లైఫ్ స్టైల్ న్యూస్ కోసం క్లిక్ చేయండి..
