Blood Pressure: ఏ వయస్సు వారికి రక్తపోటు రేటు ఎంత ఉంటే మంచిదో తెలుసా?

నేటి 'డిజిటల్ ఇండియా' యుగంలో ఇంట్లోనే రక్తపోటును స్వయంగా కొలుచుకోవచ్చు. కానీ కొన్నిసార్లు ఇవి తప్పుగా బీపీ చూపిస్తాయి. ఇలా ఎందుకు జరుగుతుందో చాలా మందికి అర్థం కాదు. కాబట్టి బీపీ ఖచ్చితంగా కొలవడానికి కొన్ని నియమాలను అనుసరించాలి. బీపీ కొలిచేటప్పుడు గుర్తుంచుకోవలసిన మొదటి విషయం ఏమిటంటే, మోచేయి పైన చేతితో బ్రాచియల్ ఆర్టరీని గుర్తించడం. స్టెతస్కోప్ డయాఫ్రాగమ్‌ను సరైన చోట ఉంచడం. డయాఫ్రమ్‌ను గుడ్డపై ఉంచినట్లయితే, డయాఫ్రమ్ - గుడ్డ యొక్క ఘర్షణ కారణంగా ధ్వని వినడం కష్టం అవుతుంది. డిజిటల్ యంత్రాన్ని ఉపయోగించినప్పటికీ, బ్రాచియల్ ఆర్టరీని కఫ్ చేయాలి.

రక్తపోటు అనేది జీవనశైలి వ్యాధి. ఇది కొలెస్ట్రాల్, గుండె పనితీరుకు నేరుగా సంబంధించినది. పెరిగిన కొలెస్ట్రాల్, గుండె వైఫల్యం మొదటి లక్షణం అధిక బీపీ ద్వారా కనిపిస్తుంది. అందువల్ల రక్తపోటు ఎలా ఉందో తెలుసుకోవడం ముఖ్యం. వయస్సును బట్టి ఈ పరిధి మారుతూ ఉంటుంది. 18 నుండి 60 సంవత్సరాల వరకు మీరు ఆరోగ్యంగా ఉండాలంటే రక్తపోటు ఎంత అవసరమో తెలుసుకోండి.

వయసును బట్టి రక్తపోటు ఎంత ఆరోగ్యకరమో తెలుసుకోండి

• 18-39 సంవత్సరాల వయస్సు గల పురుషులలో 119/70 mm, మహిళల్లో 110/68 mm ఆరోగ్యంగా పరిగణిస్తుంటారు.
• 40-56 సంవత్సరాల వయస్సులో ఆరోగ్యకరమైన రక్తపోటు 124/77 mm, మహిళల్లో ఇది 122/74.
• 60 ఏళ్లు పైబడిన పురుషులందరిలో ఆరోగ్యకరమైన రక్తపోటు 133/69. మహిళల్లో ఇది 139/68.

వయస్సు ప్రకారం రక్తపోటు ఉన్నట్లయితే గుండె సరిగ్గా పని చేస్తుంది.

ప్రముఖ కాలేయ వైద్యుడు సారిన్ పోడ్‌కాస్ట్‌లో తన అనుభవాన్ని పంచుకున్నారు. మీరు దీర్ఘాయుష్షుతో పాటు ఆరోగ్యంగా ఉండాలంటే, మీ రక్తపోటు 100/70 ఉండాలి అని చెప్పారు. రక్తపోటు పరిధి 110 కంటే ఎక్కువ ఉండకూడదు. ఇది మీ ధమనులకు మంచిది కాదు. ఈ స్థాయి రక్తపోటు మీ గుండెకు ఆరోగ్యకరమైనది. అలాగే రక్తపోటు వంటి సమస్యలను కలిగించదు.

(నోట్‌: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరిగింది. ఏవైనా సందేహాలు ఉంటే నిపుణులను సంప్రదించాలని సూచిస్తున్నాము.)