తెల్ల జుట్టు నల్లగా మారాలా.. పైసా ఖర్చు లేకుండా మీ ఇంట్లోని ఈ పువ్వులతో ఇలా చేస్తే చాలు..

నేటి యాంత్రిక జీవనంలో ఆరోగ్యం కంటే అందానికే ఎక్కువ ప్రాధాన్యత ఇస్తున్నాం. అందుకోసం మార్కెట్లో దొరికే రసాయన ఉత్పత్తులపై వేల రూపాయలు ఖర్చు చేస్తున్నాం. కానీ మన కళ్ల ముందే ఉండి, మన పూర్వీకులు అద్భుత ఔషధంగా వాడిన నందివర్ధనం పువ్వులోని రహస్యాలు నేటి తరానికి తెలియవు. కేవలం పూజలకు, అలంకరణకే పరిమితమైన ఈ పువ్వు, ఇప్పుడు తెల్ల జుట్టు సమస్యతో బాధపడేవారికి ఒక సహజమైన సంజీవినిలా మారుతోంది.

తెల్లజుట్టుకు కారణాలు

చిన్న వయసులోనే జుట్టు నెరసిపోవడం వెనుక అనేక కారణాలు ఉన్నాయి. కాలుష్యం, పోషకాహార లోపం, నిద్రలేమి, మానసిక ఒత్తిడి వల్ల శరీరంలో మెలానిన్ ఉత్పత్తి తగ్గి జుట్టు తెల్లబడుతుంది. దీనిని అరికట్టడానికి వాడే అమ్మోనియా ఆధారిత హెయిర్ డైలు జుట్టును మరింత బలహీనపరుస్తాయి. ఈ తరుణంలో నందివర్ధనం పువ్వుతో చేసే సహజమైన చికిత్స ఒక సురక్షితమైన మార్గంగా కనిపిస్తోంది.

నందివర్ధనం విశిష్టత

ఆయుర్వేదంలో దీనిని నందివృక్షం అని పిలుస్తారు. దీని ఆకులు, పూలు, వేర్లు అన్నీ ఔషధ గుణాలు కలిగినవే. ఈ పువ్వులలోని విత్తనాలలో ఉండే ఒక రకమైన సహజ వర్ణద్రవ్యంజుట్టుకు నలుపును ఇచ్చే సామర్థ్యాన్ని కలిగి ఉంటుంది. ముఖ్యంగా ఈ పువ్వుల రసంతో తయారు చేసిన మసిని వాడటం వల్ల జుట్టుకు సహజమైన రంగుతో పాటు పోషణ కూడా లభిస్తుంది.

మసి సేకరణ – అత్యంత కీలకం

ఈ విధానం ప్రాచీన కాటుక తయారీ పద్ధతిని పోలి ఉంటుంది. కేవలం రంగు వేయడమే కాకుండా, ఇది జుట్టు కుదుళ్లను చల్లబరుస్తుంది.

తయారీ ప్రక్రియ

కషాయం: సుమారు 50 నుండి 100 తాజా నందివర్ధనం పూలను సేకరించండి. వాటిలోని విత్తనాలను వేరు చేసి, బాగా నలిపి ఒక గిన్నెలోకి రసాన్ని తీసుకోండి.

వత్తి తయారీ: ఒక శుభ్రమైన కాటన్ వత్తిని తీసుకుని, ఈ రసంలో 2-3 గంటల పాటు నానబెట్టాలి. దీనివల్ల పువ్వులోని ఔషధ గుణాలు దూదిలోకి వెళ్తాయి. ఆ తర్వాత ఆ వత్తిని నీడలో ఆరబెట్టాలి.

దీపారాధన: ఒక మట్టి ప్రమిదలో ఆవు నెయ్యి లేదా వెన్నను తీసుకుని, తయారు చేసుకున్న వత్తితో దీపాన్ని వెలిగించాలి.

మసిని సేకరించడం: ఒక రాగి పళ్లానికి లోపలి వైపు కొంచెం ఆముదం రాసి, దీపపు మంట తగిలేలా పైన బోర్లించాలి. దీపం వెలుగుతున్నంత సేపు ఆ మంట నుండి వచ్చే నల్లటి పొగ పళ్లెంలో పేరుకుపోతుంది.

ఎలా ఉపయోగించాలి..?

ఈ నల్లటి పొడికి కొద్దిగా ఆముదం లేదా కొబ్బరి నూనె కలిపి పేస్ట్‌లా చేయాలి. దీనిని తెల్లబడిన జుట్టు కుదుళ్లకు పట్టించి గంట తర్వాత స్నానం చేయాలి. ఇది కేవలం రంగు ఇవ్వడమే కాకుండా, జుట్టుకు సహజమైన మెరుపును అందిస్తుంది. క

దీనివల్ల కలిగే అదనపు ప్రయోజనాలు

చలువ చేయడం: ఆవు నెయ్యి, నందివర్ధనం మరియు ఆముదం కలయిక వల్ల తల భాగానికి చలవ చేస్తుంది. ఇది ఒత్తిడిని తగ్గించి మంచి నిద్రకు సహకరిస్తుంది.

జుట్టు పెరుగుదల: ఇందులోని సహజ మూలకాలు జుట్టు కుదుళ్లను దృఢంగా చేస్తాయి.

ఇన్ఫెక్షన్ల నివారణ: నందివర్ధనంలోని యాంటీ సెప్టిక్ గుణాలు స్కాల్ప్ మీద వచ్చే చిన్న చిన్న ఇన్ఫెక్షన్లను తగ్గిస్తాయి.

“ప్రకృతి చికిత్సకు ఓపిక అవసరం. కెమికల్ డైల్లాగా ఇది నిమిషాల్లో ఫలితాన్ని ఇవ్వకపోవచ్చు, కానీ క్రమం తప్పకుండా వారానికి రెండుసార్లు వాడటం వల్ల నెల రోజుల్లోనే మీరు మార్పును గమనించవచ్చు. ఎటువంటి ఖర్చు లేకుండా ఆరోగ్యాన్ని కాపాడుకుంటూ అందంగా కనిపించాలనుకునే వారికి నందివర్ధనం ఒక అద్భుత పరిష్కారం.