Mosquito Repellent: వెల్లుల్లి స్ప్రేతో ఇంట్లో దోమలు చిటికెలో పరార్.. ఎలా తయారు చేయాలంటే?

వర్షాకాలం, శీతాకాలాల్లో వాతావరణం చల్లగా ఉండటం వల్ల దోమలు, కీటకాలు ఇంట్లోకి ప్రవేశిస్తుంటాయి. ఇవి ఇంట్లోకి ప్రవేశిస్తే చికాకు కలిగిస్తాయి. అందుకే వీటిని వదిలించుకోవడానికి చాలా మంది మార్కెట్లో లభించే రసాయన స్ప్రేలను ఉపయోగిస్తుంటారు. ఈ స్ప్రేల ఘాటు వాసన, విషపూరిత పదార్ధాలు పిల్లలు, పెంపుడు జంతువులకు హానికరం కావచ్చు. ఇటువంటి పరిస్థితిలో ఇంట్లో సులభంగా లభించే వెల్లుల్లిని ఉపయోగించి సహజ స్ప్రేని తయారు చేసుకోవచ్చు. ఈ వెల్లుల్లి స్ప్రే ఇంట్లోకి ప్రవేశించిన కీటకాలను సమర్థవంతంగా పారదోలుతాయి.

వెల్లుల్లి స్ప్రే

వెల్లుల్లిలో ఉండే అల్లిసిన్ అనే సహజ సమ్మేళనం కీటకాలకు అస్సలు ఇష్టం ఉండదు. అందుకే వెల్లుల్లిని దోమలు, ఈగలు, చీమలు వంటి క్రిమి కీటకాలను తరిమికొట్టడానికి ఉపయోగించవచ్చు. అలాగే వెల్లుల్లి స్ప్రేలో ఎండిన మిరపకాయలను కూడా జోడించవచ్చు. వీటిల్లో క్యాప్సైసిన్ కంటెంట్ కీటకాలపై మండే ప్రభావాన్ని చూపుతుంది. ఈ రెండింటి మిశ్రమంతో తయారు చేసిన స్ప్రే కీటకాలను సులభంగా తరిమికొట్టడంలో ప్రభావవంతంగా పని చేస్తుంది. ఇతర రసాయన స్ప్రేని ఉపయోగించాల్సిన అవసరం లేదు.

వెల్లుల్లి స్ప్రే ఎలా తయారు చేయాలంటే?

5-6 వెల్లుల్లి రెబ్బలు, 2-3 ఎండు మిరపకాయలు లేదా 1 టీస్పూన్ మిరపకాయల పొడి, 1 లీటరు నీళ్లు తీసుకోవాలి. ముందుగా వెల్లుల్లి, మిరపకాయలను బ్లెండర్‌లో వేసి మెత్తగా రుబ్బుకోవాలి. తర్వాత ఒక పాత్రలో ఒక లీటరు నీళ్లు పోసి గ్యాస్ స్టవ్ మీద ఉంచి, అందులో తరిగిన వెల్లుల్లి, మిరపకాయలు వేసి 5-10 నిమిషాల పాటు మంట మీద మరిగించాలి. చల్లారిన తర్వాత ఈ మిశ్రమాన్ని వడకట్టి స్ప్రే బాటిల్‌లో పోయాలి. ఇంట్లో కీటకాలు, సాలెపురుగులు కనిపించిన ప్రతిచోటా ఈ స్ప్రేను పిచికారీ చేయాలి. మీరు దీన్ని కిటికీలు, తలుపులు, గోడలు, వంటగది, చెత్త డబ్బాల చుట్టూ కూడా పిచికారీ చేయవచ్చు. రోజుకు కనీసం 2 నుండి 3 సార్లు ఉపయోగించవచ్చు. మీకు కావాలంటే ఈ స్ప్రేలో కొన్ని చుక్కల సిట్రోనెల్లా, పిప్పరమెంటు, యూకలిప్టస్ వంటి ఎసెన్షియల్‌ నూనెను కూడా కలపవచ్చు. ఇది సువాసనను పెంచడంతోపాటు దాని ప్రభావాన్ని మరింత అధికం చేస్తుంది.

ఇవి కూడా చదవండి

12సార్లు UPSC సివిల్స్ పరీక్షరాస్తే..చివర్లో దిమ్మతిరిగే ట్విస్ట్

బడి పిల్లలకు ఎగిరిగంతేసే న్యూస్.. ఈసారి భారీగా క్రిస్మస్ సెలవులు

కేంద్రీయ, నవోదయ విద్యాలయాల్లో 15,101 ఉద్యోగాలు.. పూర్తి వివరాలివే

రేపట్నుంచే TET 2026 దరఖాస్తులు.. ప్రభుత్వ GOలో కీలక మార్పులు ఇవే

ఈగలు, కీటకాలను తరిమికొట్టడానికి ఒక స్ప్రే బాటిల్‌లో వెనిగర్, నిమ్మరసం, నీటితో కలిపి ఈగలు తరచుగా వచ్చే ప్రదేశాలలో పిచికారీ చేయాలి. దీనిలోని ఆమ్ల లక్షణాలు కీటకాలు ఇంట్లోకి రాకుండా నిరోధిస్తాయి. వేప, లవంగాలు కూడా కీటకాలను తరిమికొట్టడంలో సహాయపడతాయి. మీరు ఈ రెండింటినీ కలిపి రుబ్బుకుని, నీటితో కలిపి, కీటకాలు ఎగురుతున్న ప్రదేశాలలో పిచికారీ చేయవచ్చు.

మరిన్ని ఆరోగ్య కథనాల కోసం ఇక్కడ క్లిక్‌ చేయండి.